"ცნობილია, რომ მდინარე ვერეს ხეობაში სხვადასხვა მშენებლობიდან ნარჩენები ძალიან დიდი ხნის განმავლობაში იყრებოდა და ეს პროცესი პრაქტიკულად დღემდე გრძელდება, რაც არა მხოლოდ მდინარეს უქმნის პრობლემას, არამედ ეკოლოგიაზეც მძიმედ აისახება," - ამბობს "რეზონანსთან" საუბრისას მოძრაობა "პარტიზანული მებაღეობის" წევრი ანი ქავთარაძე და დასძენს, რომ ქვეყანას ამ თვალსაზრისით არავითარი პოლიტიკა არ აქვს შემუშავებული.

"ნაციონალური მოძრაობის" პოლიტიკური საბჭოს წევრი ზაზა ბიბილაშვილი "ლაგუნა ვერეს" ტერიტორიაზე ვეფხვის მიერ მამაკაცის დაგლეჯას ხელისუფლების უმოქმედობას აბრალებს, რომელმაც, მისი თქმით, ვერ გაბედა ივანიშვილის საკუთრებაში არსებული ყოფილი აბრეშუმის ფაბრიკის ტერიტორიაზე შესვლა და მისი შემოწმება.

იურისტი და უფლებადამცველი გრიგოლ გაგნიძე არ გამორიცხავს, რომ ლაგუნა ვერეს ტერიტორიაზე ვეფხვის მიერ ადამიანის დაგლეჯაში "ნაციონალური მოძრაობის" ხელი ურევია. მიიჩნევს, რომ შესაძლოა ეს ვეფხვი ზოოპარკს სულაც არ ეკუთვნოდა და იგი რომელიმე ქვეყნიდან საზღვარზე მალულად გადმოიყვანეს. შემდეგ კი დაკეტილ საწყობში შეიყვანეს, რათა ხალხში შოკი და ხელისუფლებისადმი უკმაყოფილება გაეზარდათ.

"მსოფლიო რაგბის" თბილისის თასი 2015-ის მეორე ტურის შემდეგ, ერთი ტურით ადრე, გაირკვა წლევანდელი გათამაშების გამარჯვებული - "მზარდმა ირლანდიამ" კვლავ ბონუს ქულით მოიგო, ამჯერად ურუგვაისთან 33:7 და სატურნირო მდგომარეობის თვალსაზრისით ინტრიგა გამოაცალა ოთხთა დაპირისპირებას.

ვაკე-საბურთალოს დამაკავშირებელი ახალი გზის რეკონსტრუქცია გაწმენდითი სამუშაოების დასრულებისთანავე დაიწყება. ასეთი გადაწყვეტილება თბილისის მერიის კეთილმოწყობის სამსახურში მიიღეს. სამსახურის უფროსი ავთანდილ სუდაძე "რეზონანსთან" საუბრისას ამბობს, რომ გზის გახსნა აუცილებელია, სხვაგვარად საცობების სერიოზული პრობლემა წარმოქმნება. მისი თქმით, გზა გაიხსნება იმგვარად, რომ გადაადგილებისთვის უსაფრთხო იყოს, ამის შემდეგ კი სპეციალისტები შეისწავლიან და თუ რაიმე სარისკო საკითხი გამოიკვეთება, მაშინ მერია ალტერნატიულ ვარიანტზე დაიწყებს მუშაობას.

ლაგუნა ვერეს მიმდებარე ტერიტორიაზე არსებულ ყოფილ აბრეშუმის ფაბრიკაში 13 ივნისს მომხდარი სტიქიის შედეგად ზოოპარკიდან გაქცეულმა ვეფხვმა შუახნის მამაკაცი დაგლიჯა, რომელიც საავადმყოფოში გარდაიცვალა, ვეფხვი კი მოკლეს. როგორც შს მინისტრმა ვახტანგ გომელაურმა განაცხადა, ვეფხვის დაძინებას აპირებდნენ, თუმცა იმის გამო, რომ ცხოველი აგრესიული იყო, მისი ლიკვიდაცია მოხდა.

პანკისელი ახალგაზრდების 70% რადიკალური ისლამის იდეოლოგიასთან არის კავშირში - "რეზონანსთან" ვაჰაბიტურ-სალაფიტური იდეოლოგიის სახიფათო ზრდაზე საუბრობს სტრატეგიული კვლევების კავკასიური ცენტრის ხელმძღვანელი მამუკა არეშიძე.

მთელ რეგიონში საქართველო სტიქიური მოვლენების განსაკუთრებული გააქტიურებით გამოირჩევა. ქვეყნის მასშტაბით ყველა მდინარე ღვარცოფულია და დაახლოებით 3000-მდე მეწყრული კერა არსებობს. ოფიციალური მონაცემებით, არც მეტი არც ნაკლები, 400 ათასი ოჯახი ბუნებრივი კატასტროფების რისკის ქვეშ ცხოვრობს.

ვერეს ხეობაში დატრიალებული ტრაგედიდან მეოთხე დღეს ხელისუფლებამ სამართლებრივი წარმოებისთვისაც მოიცალა და ერთდროულად 3 მუხლით დაიწყო გამოძიება. ერთი ვეფხვის მიერ გუშინ ადამიანის დაგლეჯის ფაქტს ეხება, მეორე - სამშენებლო სამუშაოების წარმოებისას უსაფრთხოების წესების შესაძლო დარღვევას და მესამე - გაუფრთხილებლობით სიცოცხლის მოსპობას. ამ უკანასკნელს შსს იძიებს, დანარჩენ ორს კი პროკურატურა.

კიდევ ერთი ტრაგიკული ამბავი, რომელიც 13 ივნისის ღამეს თბილისში დატრიალდა. 24 წლის ივლიტა ჯიბუტი, რომელიც 5 თვის ორსული იყო, საკუთარ ქმარს წყალმა ხელიდან წაართვა. ივლიტა და მისი მეგობარი გოგონა მარიამ ქუთათელი მოვარდნილმა ვერემ გაიტაცა, ხოლო მისი მეუღლე დავით სიხარულიძე დახრჩობას მაშველებმა გადაარჩინეს.

თავდაცვითი სისტემების გადმოცემის თაობაზე საფრანგეთთან გაფორმებული ხელშეკრულება უამრავ კითხვას ბადებს. დოკუმენტს, რომელსაც სამი დღის წინ თავდაცვის მინისტრმა თინა ხიდაშელმა ხელი მოაწერა, უწყებაში მიღწევად აფასებენ, თუმცა სამხედრო ანალიტიკოსები ამბობენ, რომ სახელმწიფო საიდუმლოების მიზეზით მის შესახებ არაფერია ცნობილი, შესაბამისად შეუძლებელია ითქვას, იგი მიღწევაა თუ იმედგაცრუება.

სიღნაღელი ფერმერები ხელისუფლებისგან მიწის გადასახადის ჩამოწერის გადაწყვეტილებას ელოდებიან. საქართველოს პრემიერ-მინისტრმა საკითხის შესასწავლად განკარგულება ერთწლიანი დაგვიანებით გასცა. ამასობაში ფერმერების საბანკო ანგარიშს ინკასო ადევს, გადაუხდელი მიწის გადასახადს კი პროცენტი ემატება.