დასრულდა "მსოფლიო რაგბის" თბილისის თასი 2015-ის გათამაშება. ტურნირი, რომელშიც ოთხი გუნდი - საქართველოსა და ურუგვაის ეროვნული ნაკრებები, ასევე მზარდი იტალია და ირლანდია მონაწილეობდა, ირლანდიელი ახალგაზრდების ტრიუმფით დასრულდა. კელტებმა სამივე შეხვედრა ბონუს ქულით მოიგეს და ღირსეულად მოირგეს თბილისის თასის ტრიუმფატორის მანტია.

საქართველოს ხელისუფლება ნატოში გაწევრიანების სამოქმედო გეგმას ახლა უკვე კატეგორიულად ითხოვს. თავდაცვის მინისტრის თინა ხიდაშელის განცხადებით, მომავალი წლის ვარშავის სამიტზე მაპი უნდა მივიღოთ. მისივე თქმით, ეს ტონი არ შერბილდება. ხიდაშელის კატეგორიულობა ქართველი პოლიტოლოგებისთვის მისაღებია, თუმცა რამდენად გაჭრის ეს ტონი ბრიუსელში, არ იციან.

"შესაძლოა, მე ბევრი შეცდომა დავინახე ხელისუფლების მხრიდან, მაგრამ მთავარი და პრინციპული, რაც დავინახე, იყო ის, რომ ხელისუფლება მოქმედებდა ადამიანური ფაქტორებით. თუ ოპოზიციამ დაინახა შეცდომები, მაშინ მოსულიყვნენ და სადაც სუსტი რგოლები იყო, იქ დამდგარიყვნენ და ხელი გაენძრიათ საქვეყნო საქმისთვის", - ამბობს "რეზონანსთან" საუბრისას პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი.

42 ქვეყნის 80-მდე დელეგაციამ და დაახლოებით 500-მა დელეგატმა მიიღო მონაწილეობა მსოფლიოსა და ტრადიციული რელიგიების ლიდერების მე-5 ფორუმზე, რომელიც ტრადიციისამებრ ყაზახეთის დედაქალაქ ასტანაში 3 წელიწადში ერთხელ იმართება.

მადრიდის "რეალს" ახალ საფეხბურთო სეზონში ესპანელი რაფაელ ბენიტესი გაწვრთნის, რომელმაც "სამეფო კლუბის" მთავარი მწვრთნელის პოსტზე იტალიელი კარლო ანჩელოტი შეცვალა. "ლივერპულის", "ჩელსისა" და "ნაპოლის" ყოფილმა მთავარმა მწვრთნელმა ესპანელებთან სამწლიანი კონტრაქტი გააფორმა, რომლის მიხედვითაც მისი წლიური ჯამაგირი 4 მილიონი ევრო იქნება.

მკვლელი შენობები - ასეთია სპეციალისტების მიერ ბოლო პერიოდის იმ ინფრასტრუქტურული პროექტების დახასიათება, რომლებიც სხვადასხვა მიზეზების გამო ადამიანებისთვის საფრთხის შემცველები აღმოჩნდნენ. ეს მიზეზები კი არც ისე ბევრია - ისინი ან არასწორად არის აშენებული, ან არასათანადო ადგილას ან ექსპლუატაციის ვადა აქვს გასული. ასეთი ნაგებობები კი საქართველოში ძალიან ბევრი აღმოჩნდა.

ქალის მიმართ უკანონო თვალთვალი, სატელეფონო ან ელექტრონული საშუალებებით კომუნიკაცია, რომელსაც სისტემატური ხასიათი აქვს, ორ წლამდე პატიმრობით დაისჯება. ახალი კანონი ქალთა წინააღმდეგ ძალადობისა და ოჯახური ძალადობის პრევენციის მიზნით, იუსტიციის სამინისტრომ შეიმუშავა. იურისტების ნაწილი მიიჩნევს, რომ ქალის მიმართ თვალთვალის ცალკე კანონად გამოყოფა არაგენდერულია.

რუსეთის ხელისუფლება აფხაზეთის რკინიგზის აღდგენით კვლავ აქტიურად დაინტერესდა, თუმცა, რომელ ფორმატში მოხდება ამ თემის განხილვა გაურკვეველია. ოფიციალური მოსკოვი და თბილისი ამასთან დაკავშირებით ურთიერთგამომრიცხავ ინფორმაციებს ავრცელებენ.

13-14 ივნისს თბილისში დატრიალებული ტრაგედიის მიზეზებზე, დაშვებულ შეცდომებზე და მათი გამოსწორების გზებზე "მთელი კვირა" ექსპერტს ეკონომიკის საკითხებში დემურ გიორხელიძეს ესაუბრა.

თბილისის საკრებულოს წევრმა შალვა ოგბაიძემ "მთელ კვირასთან" ინტერვიუში ვერეს ხეობაში ახალი გზის რეაბილიტაციასა და ყვითელი მიკროავტობუსების პრობლემის შესახებ ისაუბრა. გზის აღდგენა აუცილებელია, თუმცა მისი რეკონსტრუქცია და სახეცვლილება უნდა მოხდეს.

3 გარდაცვლილი თანამშრომელი, 80 დაღუპული ცხოველი და 300-მდე ფრინველი, განადგურებული ინფრასტრუქტურა - ვოლიერები, შენობები, ტექნიკა-დანადგარები, ავტომობილები, რამდენიმე მილიონის ზარალი, 24 - საათიან რეჟიმში მიმდინარე გაწმენდითი სამუშაოები და გაურკვეველი მომავალი - ასეთია თბილისის ზოოპარკი სტიქიიდან ერთი კვირის შემდეგ.

თბილისში 13 ივნისს სტიქიით დაზარალებულ ბავშვებს საქართველოს ყოფილი პრეზიდენტი და ახლა უკვე ოდესის გუბერნატორი მიხეილ სააკაშვილი მთელი ზაფხულის განმავლობაში ოდესაში დასვენებას სთავაზობს. სააკაშვილმა რამდენიმე დღის წინ ისიც განაცხადა, რომ აღნიშნულ საკითხზე უკრაინული მხარე თბილისის მერიას დაუკავშირდება, თუმცა, თავად მერიაში ამბობენ, რომ მათთან ამ საკითხზე კომუნიკაცია ჯერჯერობით არავის ჰქონია. ამ ინიციატივის დეტალებზე ინფორმაციას არც "ნაციონალურ მოძრაობაში" ფლობენ.