თბილისში საცხოვრებელი ბინების ფასი დაიწევს, განსაკუთრებით იმ მდინარისპირა ადგილებში, სადაც ხალხი უსაფრთხო ცხოვრებას ეჭვის თვალით უყურებს. უძრავი ქონების სფეროს სპეციალისტები სტიქიური უბედურებიდან უკვე 10 დღის შემდეგ დაუფარავად აცხადებენ, რომ სტიქიურად სარისკო ზონებში ბინის ფასი საბაზრო ღირებულებას მნიშვნელოვნად ჩამოსცდება.

კულტურისა და ძეგლთა დაცვის სამინისტროს, კულტურული მემკვიდრეობის დაცვის ეროვნული სააგენტოს, საქართველოს იუნესკოს საქმეთა ეროვნული კომისიისა და სხვა სამთავრობო და თვითმმართველი უწყებების ერთობლივი ძალისხმევით, ქართული მხარე საფრთხის ქვეშ მყოფი ქართული ძეგლების იუნესკოს მსოფლიო მემკვიდრეობის ძირითად ნუსხაში დაბრუნების საკითხზე აქტიურად მუშაობს.

"რუსეთის პროტესტი გაუგებარია. ის რეალურად გვეუბნება, რომ მე უნდა მქონდეს თავდასხმის საშუალება და შენ თავდაცვის შესაძლებლობა არ უნდა გქონდესო. ომის დროს საჰაერო თავდაცვითი იარაღის გარეშეც ჩამოვაგდეთ რუსეთის თვითმფრინავები. ახლა, როცა ეს იარაღი გვექნება, ასე ადვილად აღარ იფიქრებს ვინმე თავდასხმას", - ამბობს "რეზონანსთან" საუბრისას "ტრადიციონალისტების" ლიდერი აკაკი ასათიანი.

"დედაქალაქის შემოგარენში მოსულმა წვიმამ შეიძლება თბილისის მდინარეების ადიდება და კალაპოტიდან გადმოსვლა გამოიწვიოს... გამოსავალი ნარჩენებით გავსებული ხევების გაწმენდაა", - ამბობს "რეზონანსთან" საუბრისას ეკოლოგი ნინო ჩხობაძე იმ მიზეზების ახსნისას, რის გამოც, შესაძლოა, დედაქალაქში მდინარეები ადიდდეს და ამან სტიქიური უბედურება კვლავ გამოიწვიოს.

"ორი მტერი ვერ დავაჩოქე, სიკვდილი და ქართველი ერი" - ეს სიტყვები ეკუთვნის შაჰ აბას პირველს, რომელიც სიკვდილის წინ წარმოთქვა. დღევანდელ სტატიაში არ ვაპირებთ "სპარსეთის ლომად" წოდებული შაჰ აბასის პოლიტიკური და სამხედრო კარიერის შეფასებას, მკითხველს მხოლოდ რამდენიმე ისტორიულ ფაქტს შევახსენებთ მისი მმართველობის პერიოდიდან, რომელიც საქართველოს და ქართველებს უკავშირდება

"არ ვიცით, რა იარაღს ყიდულობს თავდაცვის სამინისტრო. ამიტომ დააყენა ჩვენი საპარლამენტო ფრაქციის ერთ-ერთმა წევრმა ეს საკითხი, რომ ნდობის ჯგუფის ფორმატში მოხდეს ქალბატონ თინასთან გასაუბრება და შემდეგ ამ ხელშეკრულების ნახვაც, თუ რა მასშტაბის და შესაძლებლობის ხელშეკრულება გაფორმდა. ამის შემდეგ შეიძლება დასკვნის გაკეთება არის თუ არა ეს ის მემორანდუმი, რომელსაც მე მოვაწერე ხელი. სანამ არ მექნება ზუსტი ინფორმაცია, რა ხელშეკრულებას მოაწერა ხელი მინისტრმა, იქამდე დასკვნას ვერ გავაკეთებ," - აცხადებს "რეზონანსთან" საუბრისას "თავისუფალი დემოკრატების" ლიდერი და თავდაცვის ყოფილი მინისტრი ირაკლი ალასანია.

"ჩემი აზრით, ალასანიამ ფაქტობრივად საიდუმლო ინფორმაცია გააჟღერა," - აცხადებს პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი საფრანგეთთან საჰაერო თავდაცვის სისტემების შეძენის გარშემო "თავისუფალი დემოკრატების" აქტიურობის კომენტირებისას.

კახის წმინდა გიორგის ეკლესია, რომელიც აზერბაიჯანში ერთადერთი მოქმედი ქართული მართლმადიდებლური ტაძარია, მოძღვრის გარეშეა დარჩენილი. ტაძრის წინამძღვარი, არქიმანდრიტი დემეტრე თეთრუაშვილი რამდენიმე დღის წინ აზერბაიჯანის ტერიტორიაზე არ შეუშვეს და განუცხადეს, რომ მღვდელმსახურების გაგრძელების შემთხვევაში აუცილებელია მან აზერბაიჯანის მოქალაქეობა მიიღოს, როგორც ამას ადგილობრივი კანონმდებლობა ითვალისწინებს. ამის შესახებ არქიმანდრიტმა სოციალურ ქსელში, საკუთარ გვერდზე განცხადება გამოაქვეყნა, სადაც ამბობს, რომ საბოლოოდ კახიდან წამოსვლის გადაწყვეტილება მიიღო, ვინაიდან საქართველოს ვერც ერთმა უწყებამ მისი უსაფრთხოების დაცვა ვერ მოახერხა.

"ათეული წლების მანძილზე ჩვენმა ხელისუფლებებმა მიმაჩვიეს, ჯანსაღი ეჭვით შევხედო მათ აღფრთოვანებულ განცხადებებს და დაველოდო უფრო სარწმუნო ინფორმაციას" - აცხადებს სოსო ცინცაძე, რომელსაც "რეზონანსი" ბოლო დღეებში ხელისუფლების მიერ საგარეო კუთხით გაკეთებულ განცხადებებთან დაკავშირებით ესაუბრა.

ტურინის "იუვენტუსმა" მადრიდის "ატლეტიკოსთან" მიმდინარე სატრანსფერო ფანჯრისას საკმაოდ მნიშვნელოვანი გარიგება გაჩარხა. პრიმერადივიზიონის ბოლო წლების ერთ-ერთი საინტერესო თავდამსხმელი მარიო მანჯუკიჩი ახლა უკვე "ბებერი ქალბატონის" ტყვეობაშია.

სომხეთის დედაქალაქ ერევანში უკვე ორი დღეა, ხალხმრავალი დემონსტრაციები მიმდინარეობს. აქციის- "არა ძარცვას" მონაწილეები ელექტროენერგიის ტარფის გაძვირებას აპროტესტებენ. ისინი მიიჩნევენ, რომ ფასების ზრდა ქვეყნის ხელისუფლების მიერ ხელოვნურად მიღებული გადაწყვეტილებაა, რათა თავიანთი ბიზნესპარტნიორების ინტერესები დააკმაყოფილონ.

საპარლამენტო უმრავლესობა პოზიციას არ იცვლის და ეროვნული ბანკიდან საფინანსო ზედამხედველობის სამსახურის გამოყოფის საკითხის განხილვას საპარლამენტო კომიტეტებში დღე-დღეზე გეგმავს. გუშინ საკანონმდებლო ინიციატივის ავტორებს სავალუტო ფონდისა და მსოფლიო ბანკის წარმომადგენლები შეხვდნენ. კომენტარისაგან ორივე მხარემ თავი შეიკავა, თუმცა საფინანსო-საბიუჯეტო კომიტეტის თავმჯდომარე თამაზ მეჭიაურმა აღნიშნა, რომ სებ-ს საფინანსო ზედამხედველობის სამსახური აუცილებლად უნდა გამოეყოს. გამოდის, უცხოელებმა კანონმდებლების გადარწმუნება ვერ შეძლეს.