სექტემბერი საკმაოდ დახუნძლული თვეა ქართული სპორტის მოყვარულთათვის. ერთი მხრივ, კალათბურთელთა ეროვნულ ნაკრებს უწევს ევროპის ჩემპიონატის ფინალურ ეტაპზე გამოსვლა ხორვატიაში, მეორე მხრივ კი მორაგბეთა ნაკრები მსოფლიო თასის ფინალურ ეტაპზე იასპარეზებს ინგლისში.

"ეს დოკუმენტი ნამდვილად არსებობს და შემიძლია მისი ასლები გაჩვენოთ", - განაცხადა "მთელ კვირასთან" ისტორიულ მეცნიერებათა დოქტორმა, საქართველოს საპატრიარქოს, წმინდა ანდრია პირველწოდებულის სახელობის ქართული უნივერსიტეტის რექტორმა სერგო ვარდოსანიძემ.

უკვე ერთი კვირაა, აფხაზი "დეპუტატები" აფხაზეთის სუვერენიტეტის შელახვასა და რუსეთის პრემიერის თანაშემწის, ვლადისლავ სურკოვის მხრიდან შანტაჟზე ძალიან აღშფოთებულ განცხადებებს აკეთებენ. მართალია, ყველა ე.წ. პარლამენტარის გამოსვლაში კრემლის პოლიტიკის კრიტიკა არცთუ თამამია, მაგრამ სურკოვის ღია ლანძღვაში ანტირუსული ქვეტექსტი მრავლადაა, ხოლო აფხაზური მედია რუსული პოლიტიკის ღია და მწვავედ კრიტიკას უკვე არ ერიდება.

სვანაძის ქუჩა სტიქიიდან ორი კვირის შემდეგაც ტალახიანი, დანგრეული და ხალხმრავალია. დილიდან საღამომდე მისი და ვერეს ხეობის გასაწმენდად შესაბამისი სამსახურები მუშაობენ, ადგილობრივ მცხოვრებლებს კი სახლებიდან გადარჩენილი ნივთები გააქვთ. ამბობენ, რომ მათი ზარალის აღსაწერად ხელისუფლებიდან ჯერ არავინ მისულა. ოჯახების დაკარგული ქონება არავის აღურიცხავს. რაც შეეხება დაზარალებულ ადამიანთა სიას, რომელიც მერიაში აქვთ, იგი 2-3-ჯერაა გაბერილი. შესაბამისად, შიშობენ, რომ დაზარალებულთა სიაში ზედმეტი ხალხის შეყვანა მავანთ ხელის მოთბობის საშუალებას მისცემს.ამ ბრალდებებს კატეგორიულად უარყოფენ დედაქალაქის მერიასა და ლტოლვილთა და განსახლების სამინისტროში და ამბობენ, რომ როგორც ადამიანების, ისე უძრავ-მოძრავი ქონების აღწერა უკვე რამდენიმე დღის წინ თავად ადგილობრივი მცხოვრებლებისა და ტელეკამერების თანდასწრებით ჩატარდა. ახლა კი ეს ინფორმაცია მუშავდება, რის შემდეგაც თითოეული ოჯახის კომპენსაციისათვის საჭირო თანხა გახდება ცნობილი.

პრეზიდენტი მესამე ვეტოსთვის ემზადება. მას ოპოზიცია, არასამთავრობო სექტორი, საერთაშორისო ფინანსური ინსტიტუტები უჭერენ მხარს და ზურგს საერთაშორისო ხელშეკრულება უმაგრებს. საუბარია ევროკავშირთან ზუსტად ერთი წლის წინ გაფორმებულ ასოცირების ხელშეკრულებაზე, რომელსაც პირველი მოსმენით მიღებული ცვლილება რამდენიმე ასპექტში ეწინააღმდეგება.

პატიმართა შიშველი ჩხრეკა და ბუქნების მეთოდი - მსჯავრდებულ ქალთა ჩხრეკის შეურაცხმყოფელი მეთოდები სახალხო დამცველის აპარატის მიერ "სასჯელაღსრულების #5 ქალთა დაწესებულების მონიტორინგის ანგარიშში აისახა.

პარლამენტმა "ეროვნული ბანკის შესახებ" საკანონმდებლო ცვლილებების მიღება ევროკავშირთან ასოცირების ხელშეკრულების დადების წლისთავს დაამთხვია. ფონდ "ღია საზოგადოება - საქართველოს" ევროკავშირის პროექტების ხელმძღვანელი ვანო ჩხიკვაძე "მთელ კვირასთან" საუბრისას ამბობს, რომ ხელისუფლების ეს გადაწყვეტილება "ასოცირების ხელშეკრულების შესრულების მხრივ პრობლემას შექმნის".

პარლამენტარები "ოჯახური მდგომარეობის" მიზეზით სხდომებს ვეღარ გააცდენენ. გაცდენის შემთხვევაში კი ხელფასის 10% ჩამოეჭრებათ, რაც მინიმუმ 300 ლარია. რაც მთავარია, ეს ეხება ერთ გაცდენას და ათი გაცდენის შემდეგ რიგით დეპუტატებს უკვე ხელფასიც აღარ ეყოფათ. "მთელი კვირის" ინფორმაციით, ეს ინიციატივა საპროცედურო საკითხთა კომიტეტის ხელმძღვანელს უკვე მომზადებული აქვს და პარლამენტში ინიცირება უახლოეს დღეებში მოხდება.

დედაქალაქის მთავრობას უფლებამოსილება ეზრდება. შესაბამისი ცვლილება "ადგილობრივი თვითმმართველობის კოდექსში" შედის, რომელიც პირველი მოსმენით პარლამენტმა უკვე მიიღო. ამ ცვლილებების განხორციელებას აკრიტიკებს თბილისის საკრებულოს ოპოზიცია. ამბობენ, რომ კანონის მორგება დავით ნარმანიაზე ხდება, რათა მერიას საკრებულოს მერიის კონტროლის მექანიზმები შეუმცირდეს.

სად, როგორ და როდიდან შეძლებს ქართველი გულშემატკივარი ევროპის სუპერთასზე დასასწრები ბილეთების შეძენას - დღეს გახდება ცნობილი. ფეხბურთის ფედერაციამ უეფაში სპეციალური სტრატეგია რამდენიმე დღის წინ გადააგზავნა, რომლის მიხედვითაც ბილეთების რეალიზაციას კვლავ იშდუეუიშ.პუ მოახდენს, მაგრამ მხოლოდ ქართველ მომხმარებლებზე განკუთვნილ ბილეთებს გაყიდის.

"აიკრძალოს თბილისში "სიტი პარკის" - "უგულავას ხარკის" ოპერირება" - ამ ლოზუნგით მიმდინარე კვირის ბოლოს კომპანიის წინააღმდეგ ფართომასშტაბიანი აქცია გაიმართება, სადაც აქციის მონაწილეები "სიტი პარკის" ავტოსადგომის ბლოკირებას მოახდენენ. "დემოკრატიული მოძრაობა - ერთიანი საქართველოს" საბჭოს წევრის ბესო დანელიას განცხადებით, მერიასა და "სიტი პარკს" შორის მიღწეული შეთანხმების მიუხედავად, კომპანია არასწორად გაჩერებული მანქანების საჯარიმოზე გადაყვანას აგრძელებს. მისი თქმით, ბოლო ერთ კვირაში მან ათეულობით ასეთი ფაქტი დააფიქსირა. ერთ-ერთ ასეთ შემთხვევაზე კი "მთელ კვირას" ავტომრბოლელი ოთარ თავართქილაძეც ესაუბრება.

უკვე ერთი კვირაა, რაც სომხეთის დედაქალაქ ერევანში მოსახლეობა ელექტროენერგიის ტარიფის გაძვირებას აპროტესტებს. მას შემდეგ, რაც ცნობილი გახდა ქვეყნის მარეგულირებელი კომისიის 17 ივნისის გადაწყვეტილება პირველი აგვისტოდან ელექტროენერგიაზე ტარიფის გაძვირებასთან დაკავშირებით, მოსახლეობამ საპროტესტო აქცია დაიწყო.