აზერბაიჯანმა საკუთარ ტერიტორიაზე საკონტეინერო გადაზიდვის ტარიფები გაანახევრა და ეს გადაწყვეტილება ბაქო-თბილისის-ყარსის სარკინიგზო მონაკვეთის ექსპლოატაციაში შესვლამდე რამდენიმე თვით ადრე მიიღო. როგორც ადგილობრივი მედია წერს, ასეთი გადაწყვეტილებით კომპანია ცდილობს საკუთარი საქმიანობის უფრო ეფექტური გახადოს. სპეციალისტების აზრით, ბაქო ცდილობს, ტარიფის დაწევით საქართველოს ტერიტორიაზე გამავალი ტვირთის ნაწილი ბაქო-ყარსის რკინიგზისკენ გადაქაჩოს.

სემეკმა "ჯორჯიან უოთერ ენდ ფაუერს" ტარიფის კორექტირებაზე უარი უთხრა. შესაბამისად, თბილისში 2017 წლის იანვრამდე წყლის გადასახადი არ შეიცვლება, მარეგულირებლის ახალ გადაწყვეტილებას ვადა სწორედ იმ დროისთვის ეწურება. მანამდე კი დედაქალაქში წყლის სულადობრივი ტარიფი ისევ 3,1407 ლარი იქნება, მრიცხველით მოხმარებისას კი - 0.2655 ლარი.

საქართველოში დასაქმების თითქმის ყველა სააგენტოს ვაკანსიების რაოდენობა შეუმცირდა. მათ შორის, უმსხვილეს კომპანიებსაც, რომლებიც აქამდე სტაბილურობის შენარჩუნებას მეტ-ნაკლებად ახერხებდნენ, სამუშაო ადგილები რეალურად არ აქვთ.

ბენზინის გაძვირების კვალდაკვალ საავტომობილო გაზიც გაძვირდა - 1 კბ/მ ფასი უკვე 1,25 ლარია. სპეციალისტების განცხადებით, ბუნებრივი აირისა და თხევადი საწვავის ფასს შორის სხვაობა იმდენად მცირეა, რომ ავტოგაზის მოხმარება უკვე აზრს კარგავს. აქვე უნდა ითქვას ისიც, რომ ბოლო დროს მუდმივად ძვირდება ნავთობპროდუქტები. გუშინ ბენზინი კიდევ 5 თეთრით გაძვირდა და არ არის გამორიცხული, ტენდენცია ისევ გაგრძელდეს.

ნერგებზე მოთხოვნაც და ფასიც გაზრდილია. გამწვანების კომპანიება და სანერგე მეურნეობების წარმომადგენლები აცხადებენ, რომ ლარის გაუფასურების გამო, თითქმის ყველა დასახელების მცენარის ნერგი გაძვირდა. ცვლილება განსაკუთრებით შემოტანილ პროდუქციას შეეხო.

ხელნაწერთა ეროვნულ ცენტრში უკიდურესად დაძაბული ვითარებაა. შაბათს საკონკურსო კომისიამ ცენტრის ახალ დირექტორად ისტორიკოსი ზაზა აბაშიძე აირჩია. ახალი დირექტორი ცენტრში დღეს უნდა მისულიყო, თუმცა, თანამშრომელთა მასობრივი პროტესტის ფონზე იგი ამაზე უარს ამბობს და აცხადებს, რომ გაოგნებულია მათი ასეთი დამოკიდებულებით.

დასავლური დემოკრატიის ერთ-ერთი აქტიური დამცველი რუსულ ნავთობკომპანიაში მაღალ თანამდებობაზე დაინიშნა. საუბარია შვედეთის ყოფილ საგარეო საქმეთა მინისტრზე, რომელიც ამ ინფორმაციის გავრცელებამდე ერთი დღით ადრე უკრაინის პრეზიდენტის მრჩეველთა საბჭოში სააკაშვილის თანამშრომელი გახდა.

საქართველოდან სირიისაკენ გზას მამაკაცებთან ერთად ქალებიც დაადგნენ და პირველი შემთხვევაა, როდესაც პანკისის გარდა, აზერბაიჯანული თემიდან სირიაში წასულებზე გავრცელდა ინფორმაცია.

შესაძლოა, "ნაციონალურმა მოძრაობამ" ექსპრეზიდენტ მიხეილ სააკაშვილის წინააღმდეგ სისხლის სამართლებრივი დევნის შეწყვეტის მოთხოვნით ფართომასშტაბიანი აქციები დაიწყოს, რაც სააკაშვილს საქართველოში დაბრუნების შესაძლებლობას მისცემს. "ნაცმოძრაობაში" იმედი აქვთ, რომ ეს მათ საბოლოო გამარჯვებამდე მიიყვანს.

2012 და 2013 წლების 17 მაისისგან განსხვავებით, გუშინდელმა დღემ თბილისში მშვიდად ჩაიარა. ერთი მხრივ, ოჯახის სიმტკიცისა და სიწმინდის დაცვისა და, მეორე მხრივ, ჰომოფობიასთან და ტრანსფობიასთან ბრძოლის საერთაშორისო დღე საპატრიარქოს მიერ გაუქმებული ღონისძიებით და ლგბტ პირების უფლებადამცველი ორგანიზაცია "იდენტობის" მიერ ორგანიზებული მინი აქციით აღინიშნა. წინა წლების გამოცდილების გამო აქციაზე უსაფრთხოების გამკაცრებული ზომები იქნა მიღებული. პოლიციელთა რაოდენობა ბევრად აღემატებოდა აქციის მონაწილეებისას.

"რუსეთის მხრიდან ასეთი გამოწვევა გვაქვს, ასეთი პრობლემა, პოლიტიკურ თემებზე დიალოგი არ არსებობს და ევრაზიულ კავშირზე ლაპარაკი როგორ შეიძლება?!" - ამბობს "გაერთიანებული დემოკრატიული მოძრაობის" მხარდამჭერი ირაკლი ბათიაშვილი და დასძენს, რომ იმ ადამიანებს, რომელთაც რუსეთთან დაახლოება და ევრაზიულ კავშირში შესვლა უნდათ, არასერიოზულად უყურებს.

"ქართული ფილმის" აღორძინებისა და მისი განვითარების ხელის შემშლელ ფაქტორებზე და იმაზე, თუ რატომ ვერ მოგვარდა ამ დრომდე კინოსტუდია "ქართულ ფილმთან" დაკავშირებული პრობლემები, "მთელი კვირა" კინორეჟისორ გიორგი შენგელაიას ესაუბრა.