ევროპა რუსეთზე ენერგოდამოკიდებულების შემცირებისთვის ემზადება. ტრანსანატოლიური გაზსადენის (ტანაპი) მშენებლობა უკვე დაიწყო, მისი განშტოების - ტაპ-ის პროექტის განხორციელება კი 2016 წლის მაისიდან დაიწყება. მშენებლობის დაწყებაზე ნებართვას ხელს იტალიის ეკონომიკის განვითარების მინისტრმა უკვე მოაწერა.

"სამი წელი დემოკრატიული რესპუბლიკის არსებობა უფრო ძლიერი იყო თავისი განცდის ინტენსიურობით, ვიდრე ჩვენი მონობის ასი წელი" - წერდა კონსტანტინე გამსახურდია. მართლაც რა იყო ქართველებისთვის ეს დღე და როგორ აღნიშნა პირველად საქართველოს მოსახლეობამ 26 მაისი, ამის შესახებ გვინდა რამდენიმე ისტორიული ფაქტი შევახსენოთ ჩვენს მკითხველს დღევანდელ სტატიაში.

"თუ ევროკავშირი ჩვენი პარტნიორია და რეალური დახმარება უნდა, მაშინ მის წინაშე უნდა დავსვათ ისეთი საკითხები, რომელიც ჩვენთვის სამკვდრო-სასიცოცხლოდ მნიშვნელოვანია. პირველ რიგში, ეს არის პირდაპირი ინვესტიციები ეკონომიკის რეალურ სექტორში.

კულტურული მემკვიდრეობის დაცვის ეროვნულ სააგენტოსა და კულტურული მემკვიდრეობის კვლევისა და რესტავრაციის საერთაშორისო ცენტრ იკრომ-ს შორის თანამშრომლობის მემორანდუმი გაფორმდა. მემორანდუმი საქართველოში რესტავრაციის საწვრთნელი პლატფორმის ჩამოყალიბებას ითვალისწინებს, რომელიც ძეგლთა დაცვის სფეროში მომუშავე სპეციალისტებს განათლებისა და კვალიფიკაციის ამაღლების შესაძლებლობას მისცემს.

"აღმოსავლეთ პარტნიორობის" რიგის სამიტის წინ ევროპული საბჭოს პრეზიდენტმა დონალდ ტუსკმა საქართველოს, უკრაინის, ბელარუსისა და აზერბაიჯანის ოთხ მედიასაშუალებას, მათ შორის "რეზონანსს", გააცნო, თუ როგორ ხვდებიან მონაწილენი მნიშვნელოვან ღონისძიებას და როგორია მისი ხედვა ინიციატივის მომავლის შესახებ.

დღეს რიგაში ევროკავშირის სამიტი გაიხსნა, საიდანაც ისევ დიდი მხარდაჭერა და დიდი დაპირებები ისმის, თუმცა წინასწარი ცნობით, მხოლოდ შექება და დაპირებებს მოვისმენთ, რაიმე კონკრეტული პოლიტიკური გადაწყვეტილება კი მიღებული არ იქნება - ოფიციალურად დოკუმენტში არც უვიზო მიმოსვლისა და არც ევროკავშირში გაწევრიანების პერსპექტივის დაფიქსირება არ მოხდება და ამას უკვე საქართველოს ხელისუფლების წარმომადგენლებიც აღიარებენ.

"მომავალ წელს რომ საქართველო მაპს მიიღებს, ამის არანაირ მოლოდინს არ ვაჩენთ, მაგრამ ყოველდღიურად უნდა გამოვიყენოთ ყველა შესაძლებლობა ინტეგრაციის გზაზე, რომ შესაბამისი პოლიტიკური საკითხები დავაყენოთ და თუ ამას გაითვალისწინებენ, ძალიან კარგი იქნება," - ამბობს "რეზონანსთან" საუბრისას თავდაცვისა და უშიშროების კომიტეტის თავმჯდომარე ირაკლი სესიაშვილი.

საქართველოში პირუტყვისა და ფრინველის რაოდენობა იზრდება. შესაბამისად, მეცხოველეობაში წინსვლაა. დარგის სპეციალისტები აღნიშნავენ, რომ საქართველოს თავისუფლად შეუძლია 1,7 მილიონი რქოსანი პირუტყვის ყოლა. ასევე აქვს შესაძლებლობა, იყოლიოს 35-40 მილიონი ფრთა ქათამი, რაც მოხსნის ამ სფეროში არსებული პრობლემებს.

ბოლო 2 დღეა, ლარი ერთბაშად მყარდება. ეროვნული ბანკის ოფიციალური კურსით ერთი დოლარი 2,32 ლარია, ვალუტის გადამცვლელ პუნქტებში კი დოლარი 2,27 ლარზე ნაკლებად იყიდება. სპეციალისტების განცხადებით, აღნიშნულმა პროცესმა კიდევ ერთხელ დაადასტურა, რომ საქართველოში სავალუტო სპეკულაცია მიმდინარეობს და ეროვნული ვალუტის კატასტროფულ გაუფასურებას ეკონომიკურ ფაქტორებთან კავშირი არ აქვს.

ლუის ნაზარიო დე ლიმა, იგივე რონალდო, ბრაზილიური ფეხბურთის ვარსკვლავი, ერთ-ერთი იმათგანია, ვისი თამაშიც ფეხბურთს თხუთმეტიოდე წლის წინ განსაკუთრებულ პეწსა და ლაზათს მატებდა. ბრაზილიური სტილი კარგად წარმოჩინდა მის დრიბლინგებსა და ინდივიდუალიზმში, რაც შესანიშნავად ერწყმოდა გუნდური ინტერესებით აზროვნებას.

ქუთაისთან შედარებით, თბილისის საერთაშორისო აეროპორტში ბილეთის ფასი მაღალია. ამას ტურისტული კომპანიებისა და ექსპერტების ნაწილი იმით ხსნის, რომ ავიაკომპანიებისთვის "ტავ ჯორჯიას" მიერ დაწესებული მოსაკრებელი მაღალია. თურქულ კომპანიაში "რეზონანსს" განუცხადეს, რომ მოსაკრებლის ცვლილებასთან დაკავშირებით, ინფორმაცია ხელშეკრულების დადების შემდეგ გახდება ცნობილი.

"ინფორმაცია, თითქოს ეს კარასინის ახალი თანამდებობაა, სიმართლეს არ შეესაბამება. ეს პოსტი გულისხმობს იმას, რომ კარასინი დსთ-ს სივრცესა და ყოფილ საბჭოთა რესპუბლიკებთან ურთიერთობას კურირებს. ამ საკითხებზე პრეზიდენტის დავალებით მუშაობს, ამიტომ როდესაც რუსეთის დუმაში რაიმე დოკუმენტი შედის რატიფიცირებისათვის, ამ დოკუმენტებს კარასინი წარადგენს. ასე იყო შარშანაც, როდესაც ოკუპირებულ აფხაზეთთან გაფორმდა ე.წ. სამეკავშირეო ხელშეკრულება. ჩვენი დამოკიდებულება ამ "ხელშეკრულებების" მიმართ ცნობილია, ესაა აბსოლუტურად უკანონო დოკუმენტები," - ამბობს "რეზონანსთან" საუბრისას პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე.