ორშაბათს ჩხოროწყუს რაიონის სოფელ კირცხში ეჭვიანობის ნიადაგზე 36 წლის მამაკაცმა ცოლი მოკლა. ნასვამმა ქმარმა 33 წლის ირა ფ.ს ყელი საკუთარი სახლის ეზოში გამოსჭრა, რის შემდეგაც პოლიციაში დარეკა და საკუთარი ნებით ჩაბარდა.

საერთაშორისო ბაზრებზე შაქარი მკვეთრად იაფდება, ხოლო საქართველოში ამ ტენდენციას 5-თეთრიანი ფასდაკლებით პასუხობენ. ბოლო ერთი წლის განმავალობაში 1 ტონა თეთრი შაქარი საერთაშორისო ბაზარზე 123 დოლარით გაიაფდა, ხოლო წლის დასაწყისიდან მოყოლებული - 66 დოლარით.

მოგების გადასახადი, შესაძლოა, გაუქმდეს, დაბეგვრას კი მხოლოდ დივიდენდი დაექვემდებაროს. ფინანსთა სამინისტრო აღნიშნულ ინიციატივაზე უკვე მუშაობს, რომლის დეტალები მოგვიანებით გახდება ცნობილი. მოგების გადასახადის შესაძლო გაუქმებას დადებითად აფასებენ ბიზნესმენები და აცხადებენ, რომ ეს ქვეყანაში რეინვესტირების სტიმულირებას შეუწყობს ხელს.

საქართველოს ზედამხედველობის სააგენტოს შესახებ კანონპროექტის მიღება დიდი სისწრაფით მიმდინარეობს. მისი დამტკიცემა 1-ელ ივლისამდე უნდა მოესწროს. მანამდე საპარლამენტო კომიტეტები ბიზნესმენებთან კონსულტაციების გამართვას გეგმავენ. სპეციალისტების ერთი ნაწილი მიიჩნევს, რომ კანონპროექტის მიღების შემთხვევაში პროცესი გაციელბით გამჭვირვალე გახდება და მოიხსნება კითხვები საბანკო სპეკულაციებთან დაკავშირებით, რომელიც ლარის დევალვაციამ წარმოშვა.

დღეს ვარშავაში, სპორტულ არენა "ნაროდოვიზე" შედგება ევროპა ლიგის მიმდინარე გათამაშების ფინალური შეხვედრა - უკრაინული "დნიპრო" ესპანეთის "სევილიას" დაუპირისპირდება. ესპანელები ამ პაექრობაში უდავო ფავორიტები არიან, რასაც ის ფაქტიც მიანიშნებს, რომ მათ 2006, 2007 წლებში უეფას თასი მოიგეს, ხოლო 2014 წელს ევროპის ლიგა.

"ხელნაწერთა ეროვნულ ცენტრში ძალიან გამოცდილი ადამიანები მუშაობენ, რომელთაც ცენტრის ისტორია თავისი ღირებულებით ჩვენამდე მოიტანეს, ამიტომ არავითარ საკადრო ცვლილებებს არ ვგეგმავ. მითუმეტეს ძველი თაობის წარმომადგენლების გაშვება საერთოდ აბსურდია, ასეთ შემთხვევაში ცენტრი აუცილებლად გაჩერდება და მუშაობას ვერ შეძლებს," - ამბობს "რეზონანსთან" საუბრისას ხელნაწერთა ეროვნული ცენტრის ახალი დირექტორი, ისტორიკოსი ზაზა აბაშიძე.

"ნაციონალურ მოძრაობაში" განხეთქილებაა, პარტიას 4 დეპუტატი ტოვებს, მათ შორის აღმასრულებელი მდივანი ზურაბ ჯაფარიძე და საპარლამენტო უმცირესობაც უფრო და უფრო მცირდება.

ჰაერის შემცველობაში დამაბინძურებელი ნივთიერებების რაოდენობა თითქმის მთელი საქართველოს მასშტაბით დასაშვებ ნორმას 4-ჯერ აჭარბებს. დაბინძურების მთავარი წყარო ქვეყანაში, განსაკუთრები კი დედაქალაქში მომრავლებული ავტოტრანსპოტი და მისი გამონაბოლქვია. სპეციალისტები ქრონიკული დაავადებების ერთ-ერთ გამომწვევ მიზეზად სწორედ ჰაერის დაბინძურებას ასახელებენ.

თავშესაფრის პოლიტიკა, ტრეფიკინგთან გამკლავება. კორუფციის წინააღმდეგ ბრძოლა და ნარკოპოლიტიკის შემუშავება - ესაა ის ძირითადი საკითხები, რისი შესრულებაც ხელისუფლებამ 2015 წლის 15 დეკემბრამდე, ანუ საქართველოსა და უკრაინის მიღწევების ევროკომისიის მხრიდან ხელახლა შეფასებამდე უნდა შეძლოს.

"შესაძლოა, ვიზალიბერალიზაციის საკითხი საკამათო იყოს, გადაწყდებოდა თუ არა ეს ამ სამიტზე ჩვენგან დამოუკიდებელი მიზეზების გამოც. მაგრამ ის, რომ განზრახულობათა ოქმსა და შემდგომ პერსპექტივაში ბევრად მეტი კონკრეტიკის გაჩენა შესაძლებელი იყო, ნათელია.

20-წლამდელმა "ბორჯღალოსნებმა" შესანიშნავი საჩუქარი უძღვნეს საქართველოს დამოუკიდებლობის დღეს - მსოფლიო ალაფის ფინალში დამაჯერებლად დაამარცხეს კანადელი თანატოლები და ქართული რაგბის ისტორიაში პირველად მსოფლიო რაგბის 2016 წლის მსოფლიო ჩემპიონატში 12-გუნდა ელიტაში თამაშის უფლება მოიპოვეს.

ეროვნული ბანკის ანგარიში პარლამენტის საფინანსო-საბიუჯეტო კომიტეტმა უარყოფითად შეაფასა. უმრავლესობის წევრმა დეპუტატებმა აღნიშნეს, რომ მათ კითხვებზე ამომწურავი პასუხი ვერ მიიღეს. ზოგიერთმა მათგანმა ქადაგიძის გამოსვლა დემაგოგიად შეაფასა და აღნიშნა, რომ სებ-ის პრეზიდენტი ციფრებით მანიპულირებდა. სხდომაზე ქადაგიძეს რამდენიმე ბანკის გაკოტრების საკითხი და 2009-10 წლებში მიკროსაფინანსო ორგანიზაციებზე ზეწოლის საქმეებიც შეახსენეს.