მსოფლიოს განვითარებულ ქვეყნებში მდიდარი მოსახლეობის 10%, ღარიბი მოსახლეობის 10%-თან შედარებით, 9,6-ჯერ მეტს გამოიმუშავებს, ამერიკაში ეს მაჩვენებელი 13-ჯერ მეტია, საქართველოში კი მდიდრების შემოსავალი ღარიბების შემოსავალზე 20-ჯერ მეტია. უთანასწორობის მაჩვენებლით კი ევროპულ დონეს 2-ჯერ და მეტჯერაც ვუსწრებთ. მიუხედავად არაერთი სოციალური პროგრამისა, ქვეყანაში სიღარიბის დაძლევა და უთანასწორობის მაღალი დონის შემცირება ისევ ვერ ხერხდება.

იმპორტირებულ პროდუქციაზე დღეს არსებული ფასის შენარჩუნება მხოლოდ იმ შემთხვევაშია შესაძლებელი, თუკი ეროვნული ვალუტა დოლართან მიმართებაში 2,1-2,2 ლარის ნიშნულზე დაბალანსდება. წინააღმდეგ შემთხვევაში, როგორც "ბიზნეს-რეზონანსთან" საუბრისას მსხვილი იმპორტიორები აცხადებენ, ბაზარზე პროდუქტი კიდევ გაძვირდება. სავაჭრო ობიექტებში ფასი დღეს არსებული კურსის შემთზვევაშიც მოიმატებს, რამდენადაც, იმპორტიორების თქმით, ძველი ნაშთი ამოწურულია და მათ პროდუქცია უკვე "გაძვირებული დოლარით" შემოაქვთ.

სუპერმარკეტებისა და მაღაზიების დიდ ნაწილში პურის შენახვის ნორმები დაუდევრად ირღვევა. საქართველოში სარეალიზაციო პურის 60%-ს დართული აქვს არასწორი ეტიკეტი, ხოლო სანიტარიულ-ჰიგიენური ნორმების დაცვის მხრივ არსებულ დარღვევათა მასშტაბი 70%-ს აღწევს.

მარწყვის წლევანდელი სეზონი ჩავარდნას გადაურჩა. მართალია, უამინდობამ კახეთის რამდენიმე სოფელში მოსავლის დიდი ნაწილი დააზიანა, მაგრამ დანაკარგს მარწყვის ბიზნესზე სერიოზული გავლენა არ მოუხდენია.

კახეთში წელს ყურძნის უხვ მოსავალს ელიან, თუმცა ღვინის ექსპორტის შემცირება, სავარაუდოდ, ყურძენის შესყიდვასა და მის ფასზე გავლენას მოახდენს. ღვინის კომპანიები "ბიზნეს-რეზონანსთან" აცხადებენ, რომ მათ ღვინის დიდი მარაგი აქვთ, შესაბამისად, ყურძენს ისეთი რაოდენობით ვეღარ შეისყიდიან, როგორიც შარშან.

"საზოგადოება დიდ როლს თამაშობს იმაში, რომ საკუთარი მთავრობა გააკონტროლოს, მათ შორის სიღატაკის აღმოფხვის მიმართულებით გაწეული საქმიანობისა და საკვების უსაფრთხოების უზრუნველყოფის კუთხითაც," - ამბობს დევიდ ლეინი, აშშ-ს ელჩი რომში განთავსებულ გაეროს ჰუმანიტარულ ორგანიზაციებში, რომელიც მაისის შუა რიცხვებში გაეროს პროგრამების ნაყოფიერების შესაფასებლად პოსტსაბჭოთა სივრცის ყველაზე ღარიბ ქვეყანას, ტაჯიკეთს სტუმრობდა.

სამი ხედირა "მარკას" საშუალებით "რეალის" გულშემატკივარს ემშვიდობება. გერმანელმა ფეხბურთელმა "სამეფო კლუბში" ხუთი სეზონი გაატარა, თუმცა სეზონის ბოლოს ხედირამ მადრიდელებთან ხელშეკრულება აღარ გააგრძელა და კლუბი დატოვა.

ნიკო ფიროსმანის "არსენალის მთა ღამით" პირველ ივნისს ლონდონის ცნობილ "ქრისტის" აუქციონზე გაიყიდება. ტილო 1907-1908 წლებშია შექმნილი და მისი საწყისი ფასი 800 ათასიდან 1,2 მილიონ ფუნტამდე განისაზღვრება. ფიროსმანის ეს სურათი პირველად 2007 წელს ნიუ-იორკის "სოტბის" აუქციონზე გაიყიდა, ბოლოს კი 2010 წელს ლონდონის აუქციონზე. ამ დრომდე იგი კერძო კოლექციონერის საკუთრებაა და მისი დღევანდელი მფლობელის ვინაობა უცნობია.

"აშშ-დან ჩამოვედი ძალიან სამწუხარო ინფორმაციით. ამერიკიდან ყველაზე მთავარი გზავნილი ისაა, რომ საქართველო კაპიტოლიუმის რადარებიდან გამქრალია. მეორე გზავნილი კი ის იყო, რომ საქართველოს ხელისუფლებამ ყველაფერი გააკეთა იმისთვის, რომ ყველა ხიდი დაეწვა კაპიტოლიუმზე მოსახვედრად, იქ, სადაც საქართველოს ჰყავდა გავლენიანი მეგობრები. ვგულისხმობ სენატორებსა და კონგრესმენებს," - უთხრა "მთელ კვირას" ევროპასთან ინტეგრაციის ექსმინისტრმა, "თავისუფალი დემოკრატების" წევრმა ალექსი პეტრიაშვილმა.

პედაგოგთა კარიერული ზრდის ახალი სქემის მიხედვით, მათი შეფასების ერთ-ერთი კრიტერიუმი გაკვეთილის ვიდეოგადაღების შეფასებას დაეფუძნება. ვიდეოგადაღების ერთადრეთი მიზანი მასწავლებელთა პრაქტიკული უნარების განსაზღვრაა. ამას გამოცდების ეროვნული ცენტრი უზრუნველჰყოფს.

რიგის სამიტი ისე დასრულდა და ქართული დელეგაცია შინ ისე დაბრუნდა, რომ ლატვიიდან კონკრეტული არაფერი წამოუღია დაპირებების გარდა - არ დაითქვა კონკრეტული თარიღი, როდის შევძლებთ ევროპაში უვიზოდ გამგზავრებას და არც ჩვენი ევროინტეგრაციის პერსპექტივა ჩაიწერა მთავარ დოკუმენტში. დაიდო მხოლოდ ის პირობა, რომ დეკემბერში მოხდება ჩვენი და უკრაინის მიღწევების კიდევ ერთხელ შეფასება და დადებითი დასკვნის შემდეგ ვიზების გამარტივებაზე პოლიტიკური გადაწყვეტილებაც საბოლოოდ გაცხადდება. ახლა უკვე მთელი იმედი დეკემბერზეა. ევროპულ პერსპექტივაზე კი საერთოდ არაფერი თქმულა.

ბოლო დროს სულ უფრო ხშირად ვრცელდება ცნობები თვითმკვლელობის შესახებ. ბოლო ასეთი შემთხვევა 21 მაისს რუსთავში მოხდა.