"სამწუხაროდ, საქართველოში კვლავ არაერთი ბავშვია ფიზიკური თუ ფსიქოლოგიური ძალადობის მსხვერპლი", - აღნიშნულია სახალხო დამცველის მიერ გავრცელებულ განცხადებაში, რომლითაც გურჯაანის მუნიციპალიტეტში მომხდარ ფაქტს გამოეხმაურა. ბავშვთა მიმართ ძალადობის საგანგაშო სტატისტიკაზე საუბრობს გაეროს ბავშვთა ფონდიც. 2013 წელს ჩატარებული კვლევის მიხედვით, მოსახლეობის 60% ბავშვის აღზრდისას იყენებს ძალადობრივ მეთოდებს. რასაც ფსიქოლოგები დაუშვებლად მიიჩნევენ. მათი აზრით, ძალადობის მსხვერპლნი მომავალში თვითონ გვევლინებიან მოძალადედ.

ექიმებს ხელფასი უგვიანდებათ. პრობლემა განსაკუთრებით რეგიონებში მდებარე კერძო კლინიკებშია. სახელმწიფოს დაქვემდებარებაში არსებულ დაწესებულებებში ანაზღაურებასთან დაკავშირებული საკითხი მეტ-ნაკლებად მოგვარებულია. მედპერსონალი მიზერული ხელფასის გამოც ხშირად ჩივის.

კაფეებსა და რესტორნებში მომსახურების ღირებულება გაიზარდა, ლარის დევალვაციის ფონზე კი ხალხს შემოსავალი შეუმცირდა. სწორედ ამ მიზეზით ბევრი თეატრსა თუ სხვა გასართობ ადგილებში სიარულს ვეღარ ახერხებს. მომხმარებლის ნაკლებობას უჩივიან ბარების წარმომადგენლებიც. მიზეზად ისინიც ლარის გაუფასურებას და ტურისტების შემცირებას ასახელებენ.

სახელმწიფო ტენდერების არარეალური ფასი და ფინანსური პირამიდა ბოლო ორი წლის განმავლობაში ქვეყანაში ინფრასტრუქტურული თუ სხვა პროექტების შეფერხების ერთ-ერთი მიზეზი იყო. ამიტომაც შესყიდვების სააგენტომ ტენდერებში მონაწილე კომპანიებს დამატებითი ვალდებულება დაუწესა, რომლის მიხედვითაც სახელმწიფო ტენდერში მონაწილეობის მსურველი კომპანიისთვის ფასწარმოქმნის ადეკვატურობის დოკუმენტის წარმოდგენა აუცილებელი ხდება.

"ნებისმიერ ჩვენგანს თვალს ადევნებს დიდი თვალი, რომელსაც არცერთი ჩვენი ქმედება არასოდეს გამოეპარება. იგი უმაღლესი კოსმიური გონი, მე კი ერთ-ერთი დამაკავშირებული რგოლი ვარ თქვენსა და მას შორის" - ეს ბულგარელი უსინათლო ნათელმხილველის ვანგას სიტყვებია.

დუბლინში გამართულ მსოფლიო რაგბის საბჭოს სხდომაზე მიიღეს ერთსულოვანი გადაწყვეტილება, რომ 20-წლამდელთა 2017 წლის მსოფლიო ჩემპიონატი საქართველოში ჩატარდეს. საგულისხმოა, რომ დღემდე ეს პატივი მხოლოდ ელიტურ სარაგბო ქვეყნებს ჰქონდათ მინიჭებული.

ტყეში ხროვებად გასული გაველურებული ძაღლების რაოდენობის სწრაფი ზრდა სოფლების გარდა დედაქალაქის შემოგარენშიც შეინიშნება. როგორც "რეზონანსთან" საუბრისას ეკოლოგი ნინო ჩხობაძე ამბობს, გაველურებული ძაღლი მოსახლეობას ხშირად მგელი ჰგონია, თუმცა მისი თქმით, გარეული ძაღლები მგლებზე არანაკლებ საშიშები არიან.

გაზრდილი მიგრაცია, რუსული აგრესია და შიდა უთანხმოებები - ესაა იმ მიზეზების არასრული ჩამონათვალი, რომელთა გამოც, სპეციალისტების აზრით, ევროკავშირს ჩვენთვის ვიზალიბერალიზაციზე უარის თქმა უწევს. მათი განცხადებით, აღმოსავლეთ პარტნიორობის მიმართ ევროპის დამოკიდებულება არ შეცვლილა და უბრალოდ პროცესი ჭიანურდება. რაც შეეხება ჩვენი მხრიდან ვალდებულებების შესრულებას, პოლიტოლოგები აცხადებენ, რომ უარის მიზეზი ეს ყველაზე ნაკლებადაა.

"ჩვენი საზოგადოების განწყობა ჩვენს ამერიკელ მეგობრებს პირდაპირ ეუბნება, რომ მათმა მოქმედებებმა ამ 23 წლის განმავლობაში ხალხის დამოკიდებულება შეცვალა. ვგულისხმობ იმას, რომ ჩვენი მეგობრები მათთვის სასურველ მმართველებს ყველაფერში ამართლებდნენ და ყველაფერში ხელს აფარებდნენ. ამან ეს შედეგი მოიტანა, რომ ხალხს რუსეთის მმართველობა დაავიწყდა და თანდათანობით ისევ მისკენ მიბრუნდა.

მანჩესტერ იუნაიტედის" წამყვანმა ფეხბურთელმა ანხელ დი მარიამ ჟურნალისტებთან ინგლისში გადაბარგებასთან დაკავშირებულ პრობლემებზე ისაუბრა.

პარლამენტის ორი კომიტეტის თავმჯდომარის ვაკანტურ თანამდებობებს ამჯერად მმართველი პარტიის დეპუტატები დაიკავებენ, რაც შესაძლოა, "ქართულ ოცნებასა" და "რესპუბლიკელებს" შორის უთანხმოების საგანი გახდეს.

2015 წლის პირველ კვარტალში ქართულმა კომერციულმა ბანკებმა უცხოურ ბანკებზე 226 მილიონი დოლარით მეტი გაყიდეს, ვიდრე იყიდეს. სწორედ ამ პერიოდში, დოლარის დეფიციტის მიზეზით, ლარი კატასტროფულად გაუფასურდა. თუმცა, ეს კერძო სექტორის გადაწყვეტილებაა, ეროვნულ ვალუტაზე ზრუნვა კი ხელისუფლებას მართებს. აქედან გამომდინარე, არ არის გამორიცხული, მთავრობამ არაპოპულარული გადაწყვეტილება მიიღოს და ეროვნული ბანკიდან სრული ინფორმაციის მისაღებლად რამე ღონისძიება შეიმუშაოს.