„პარლამენტმა თქვა, რომ ეს ხალხი კენჭისყრაზე არ გავიდოდა. ამის მერე დაახლოებით 10 დღე გადის და მოსამართლეები ამბობენ, რომ არ უნდათ მათი კანდიდატურები კენჭისყრაზე განხილული იყოს. ეს მოვლენები თავისთავად რაღაცაზე მიუთითებს; შეგვიძლია ვივარაუდოთ, რომ მათ უკვე უთხრეს უარი და ახლა თითქოს თავისით გადიან. სინამდვილეში კი, პარლამენტმა უკვე უთხრა უარი. შეიძლება ასეთი გარიგება იყოს - „დაგვანებეთ თავი", - აღნიშნავს იუსტიციის უმაღლესი საბჭოს არამოსამართლე წევრი, ნაზი ჯანეზაშვილი „რეზონანსთან" საუბრისას.

სირიაში ისრაელსა და ირანს შორის კონფლიქტი უფრო და უფრო მწვავდება და მხარეები ერთმანეთს სრული განადგურებით ემუქრებიან. ისრაელის დაზვერვის მინისტრი აცხადებს, რომ კონფლიქტის ესკალაციისთვის მზად არის, თუ ირანი სირიაში პოზიციების გამაგრებას გააგრძელებს და „ვინც შენ მოსაკლავად მოვიდა, დაასწარი მას და პირველმა მოკალი". საპასუხოდ კი ირანის საჰაერო ძალების ხელმძღვანელი ამბობს, რომ მზად არიან ისრაელთან გადამწყვეტი ომისთვის, რათა ის „დედამიწიდან გააქრონ".

ლიბიაში გაუჩინარებული 23 წლის ქართველი მეზღვაურის ბედი ამ დრომდე უცნობია. დავით რაზმაძის ოჯახს, მათი ინფორმაციით, ეგვიპტის საკონსულომ უცნობი ცხედრის ფოტოები გადმოუგზავნა ამოსაცნობად. დაკარგული მეზღვაურის ოჯახი „რეზონანსთან“ საუბარში გამორიცხავს, რომ ფოტოებზე ასახული გვამი დავით რაზმაძის იყოს, რადგანაც მას ხელზე ჯვრის გამოსახულების ტატუ აქვს. ამ გვამს კი სხეულზე მსგავსი დამახასიათებელი ნიშნები არ გააჩნია. 

„იუსტიციის უმაღლეს საბჭოს შემადგენლობა არის სხვადასხვა კომპონენტისგან შემდგარი, მათ შორის პარლამენტიდან არჩეული წევრებიც არიან, რომელთა გადარჩევა ვერ წარმომიდგენია, რა პრინციპით უნდა მოხდეს. მათ შორის არის ნაზი ჯანეზაშვილი და სხვა დანარჩენი. არ ვიცი რა შემთხვევაში შეიძლება გადახალისდეს იუსტიციის უმაღლესი საბჭო," - აცხადებს საპარლამენტო უმრავლესობის წევრი ნინო წილოსანი „რეზონანსთან" საუბრისას.

ეკლესიის ირგვლივ სკანდალი არ ცხრება და სიტუაცია დღითი-დღე იძაბება. მღვდელმთავრების შუღლი უკვე ღია დაპირისპირებაში გადავიდა და არ არის გამორიცხული, რომ მეუფე პეტრეს სინოდიდან გარიცხვა ან მისი საერთოდ ეკლესიიდან განკვეთა მოხდეს. ამას თავად არც  მეუფე პეტრე გამორიცხავს და ამბობს, რომ ის ყველაფრისთვის მზად არის.

ვაშინგტონიდან მოსკოვისთვის მიცემული გამაფრთხილებელი 2-თვიანი ვადა იწურება და დიდი მოლოდინია, რომ 2 თებერვალს აშშ ოფიციალურად დატოვებს ევროპაში საშუალო და მცირე სიშორის რაკეტების ლიკვიდაციის შესახებ საბჭოთა კავშირთან დადებულ ხელშეკრულებას. რა შეიცვლება მსოფლიოში ამ ხელშეკრულების გაუქმებით - ამაზე დამაიმედებელი პროგნოზები არ კეთდება. უკვე ერთგვარად დაანონსებულია, რომ შეიარაღების გამალებული რბოლა დაიწყება, ხოლო კრემლიდან "გამაფრთხილებელი" განცხადებაც გაისმა, რომ "მსოფლიო უფრო სახიფათო გახდება".

თბილისის მერ კახა კალაძის განცხადებაზე "ნაციონალური მოძრაობის" ბრალდებების პასუხად, "ქართულ ოცნებაში" მიმდინარე პროცესებზე, უზენაესი სასამართლოს მოსამართლეთა სიაზე შექმნილ სამუშაო ჯგუფზე, სადაც იურიდიული კომიტეტის ყოფილი თავმჯდომარე ეკა ბესელია ჯერ კიდევ არ არის მიწვეული და სხვა მნიშვნელოვან მოვლენებზე "მთელი კვირა" ანალიტიკოს რამაზ საყვარელიძეს ესაუბრა.

რადგან მაგთიკომის ხელშეწყობით წიგნები ხშირად იბეჭდებოდა, მეშინოდა, რომ შემდეგზე წერისას შემთხვევით რომელიმე არ გამომრჩენოდა. ამიტომ სია ჩამოვწერე. სულ მალე ეს ჩამონათვალი ისე გაფართოვდა, რომ სტატიის მომზადებისას, თავისი მოცულობიდან გამომდინარე, სრულიად გამოუსადეგარი გახდა. ახლა მხოლოდ ზოგადად თუ აღვნიშნავ, რომ მაგთის მხარდაჭერით გამოიცა მხატვართა და არქიტექტორთა ალბომები, მხატვრული და ბიოგრაფიული ლიტერატურა, ისტორიული ნარკვევები, ფოტოალბომები, მოგონებები... დღეს კი მაგთიკომის დახმარებით გამოცემულ წიგნებს კიდევ ერთი ტრიპლეტი - "დე" შეემატა - დათო ევგენიძის სამ პატარა წიგნად გამოცემული ლექსები. "დე" ავტორმა დედას მიუძღვნა, რომელსაც ასე მიმართავდა. საყვარელი სიტყვა "დე" ამავდროულად პოეტის სახელის ინიციალებიცაა.

პარლამენტის წევრისა და საქართველოს ძიუდოისტთა ნაკრების ყოფილი მწვრთნელის, შოთა ხაბარელის ცნობით, ქართველი ძიუდოისტები რომელთა შორისაც იაპონიაში, ოსაკას გრან სლემზე ფიზიკური დაპირისპირება მოხდა, შერიგდნენ. ხაბარელი „რეზონანსთან“ ამბობს, რომ ამ ფაქტის ირგვლივ სიტუაცია გარკვეულია და „პატარა გაუგებრობა“ იყო, რაც ბიჭების შერიგებით დასრულდა.

11 იანვარს ბერძნულ-რომაულ ჭიდაობაში საქართველოს ჩემპიონატის ფინალის დროს დაპირისპირება მოხდა, რა დროსაც ევროპის ორგზის ჩემპიონი, მოჭიდავე ზურაბ დათუნაშვილი დაშავდა. თავდაპირველად გავრცელებული ინფორმაციით, დაპირისპირების მიზეზი მსაჯის დაწერილი ქულა გახდა, რამაც მოჭიდავის უკმაყოფილება და გულშემატკივრების დაპირისპირება გამოიწვია.  

დიდთოვლობის გამო უკვე რამდენიმე კვირაა ოკუპირებული ცხინვალის რეგიონი ერთგვარ ბლოკადაში მოექცა და საკვები პროდუქტების დიდი დეფიციტია. ცხინვალსა და ახალგორში მაღაზიების დახლები ლამის მთლიანად დაცარიელდა. მალფუჭებადი პროდუქტები - ხორცი, რძის ნაწარმი, ბოსტნეული და მწვანილი დახლებიდან გაქრა. ადგილობრივების ნაწილი უკმაყოფილოა, მეორე ნაწილი კი აცხადებს, რომ მათ გადაიტანეს ომი, ათწლეულის განმავლობაში ბლოკადით იტანჯებოდნენ და გაუძლეს, ამიტომაც ახლა ამ რამდენიმე დღიან გზის ჩაკეტვასაც გაუძლებენ.