„აუცილებლად მოვა ის დრო, როდესაც მიუხედავად ვირუსისა, ყველა იმუშავებს, ოღონდ გარკვეული დაცვის საშუალებებით" - ასე ეხმიანება ინფექციონისტი ირაკლი ხმალაძე „რეზონანსთან" საუბრისას, კორონავირუსის შესაძლო მძიმე ზემოქმედებას მსოფლიო ეკონომიკაზე, რამაც შესაძლებელია მასობრივი შიმშილობა გამოიწვიოს.

ოკუპანტებმა ქართველების მისამართით საოკუპაციო ხაზთან უკვე ცეცხლის გახსნა დაიწყეს. 33 წლის ზაზა გახელაძეს ოკუპანტებმა  ჯერ ცეცხლი გაუხსნეს, შემდეგ კი დაჭრილი გაიტაცეს და ცხინვალის მიმართულებით წაიყვანეს. 

ბურუსით მოცული კიდევ ერთი გარდაცვალება - მოკლეს თუ თავი მოიკლა 27 წლის ვახტანგ გულუამ. ოჯახს ახლაა ამ კითხვაზე პასუხის გაცემა სჭირდება. გულუას მშობლები მუხლის გადაკვალიფიცირებას და  განზრახ მკვლელობის მუხლით გამოძიების დაწყებას  მოითხოვენ. ამტკიცებენ, რომ გარდაცვლილს სხეულზე ცემის კვალი აქვს და არ არის გამორიცხული, რომ ის სიმაღლიდან განზრახ გადმოაგდეს. 

"ძალა ერთობაშია", რომელშიც 12 პოლიტიკური პარტიაა გაერთიანებული, შეიძლება დაიშალოს. საბოლოო გადაწყვეტილება რამდენიმე დღეში გახდება ცნობილი. "ნაციონალურმა მოძრაობამ" შეიძლება უარი თქვას თვეების წინ გაფორმებულ მემორანდუმზე, რომელიც არჩევნებში კოალიციური ფორმით გასვლას ითვალისწინებდა და დამოკიდებლად გავიდეს არჩევნებში. გაერთიანებაში შემავალი პარტიები ამ დრომდე "ნაციონალური მოძრაობის" გადაწყვეტილების მოლოდინშია. როგორც პარტია "კანონი და სამართალის" თავმჯდომარე თაკო ჩარკვიანმა "მთელ კვირასთან" განაცხადა, იმ შემთხვევაში, თუ "ძალა ერთობაშია" დაიშალა, ის და გიორგი ვაშაძე ბლოკის სახით ერთად გავლენ არჩევნებზე, რომლის სახელიც იქნება "ახალი საქართველო - კანონი და სამართალი". ამბობს, რომ გაერთიანების დანგრევა გიგა ბოკერიას დამსახურებაა.

საერთაშორისო ორაგნიზაციები და პოლიტიკოსები თურქეთს მოუწოდებენ და მკაცრად აფრთხილებენ, რომ შეცვალოს გადაწყვეტილება აია-სოფიას მეჩეთად გადაკეთებასთან დაკავშირებით. პრეზიდენტმა რეჯეპ ტაიპ ერდოღანმა ესბრძანება 10 ივლისს გასცა, მას შემდეგ, რაც თურქეთის სასამართლომ მე-6 საუკუნის ბიზანტიურ ტაძარს, რომელიც საუკუნეების განმავლობაში მსოფლიოში ყველა მაღალი შენობა იყო, მუზეუმის სტატუსი გაუუქმა.

ამერიკის შეერთებული შტატების პრეზიდენტმა, დონალდ ტრამპმა 2018 წელს ინტერნეტ-გამოძიების რუსულ სააგენტო „ტროლების ფაბრიკაზე" კიბერთავდასხმის ბრძანება გასცა. ამის შესახებ პრამპმა 8 ივლისს „ვაშინგტონ პოსტისთვის" მიცემულ ინტერვიუში განაცხადა.

გელათის მონასტრში, სადაც უამრავი სიწმინდე იყო დაცული, დავით აღმაშენებელს ბევრი რელიკვია შეუწირავს. გელათის ღვთისმშობლის ტაძრის ჩრდილოეთის ფრესკაზე მეფეს მარცხენა ხელში ტაძრის მაკეტი უპყრია, მარჯვენა ხელის თითზე კი სამეფო ბეჭედი უკეთია. გადმოცემის თანახმად, დავითს ეს ბეჭედი სახელმწიფო ბეჭდის ნაცვლად ჰქონია, როცა რომელიმე სიგელს აწერდა ხელს. ბრძოლაში შესვლის წინ კი ჯერ ამ ბეჭედს ეამბორებოდა, მერე თავს ახდიდა და სანაწილეში მოთავსებულ წმინდანთა ნაწილებს შეწევნას სთხოვდა. ისტორიკოსთა აზრით, დავთის ბეჭედში მოთავსებული უნდა ყოფილიყო ძელი ჭეშმარიტების ნაწილი და წმინდა გიორგის ნაწილი. ბეჭდის ზედაპირზე კი, რომელიც ამობურცული და ოქროთი დაფერილი იყო, სიღრმეში ფეხზე მდგომი წმინდა გიორგი იყო ამოტვიფრული.

ამერიკაში ტეხასის შტატში მცხოვრები 30 წლის მამაკაცი COVID-19-ით მას შემდეგ გარდაიცვალა, რაც „კორონავირუსის წვეულებას" დაესწრო. ამის შესახებ საინფორმაციო „ნიუ იორკ პოსტი" იუწყება.

დარგობრივი ეკონომიკსა და ეკონომიკური კომიტეტის თავმჯდომარის რომან კაკულიას განცხადებით, „ელექტრონული კომუნიკაციების შესახებ" კანონში შესატანმა ცვლილებებმა მედიაში ვნებათაღელვა გამოიწვია, ამის გამო ის გადაიხედება და მასში ამ ეტაპზე გათვალისწინებული ცვლილებები არ შევა. ექსპერტი გია ხუხუაშვილი „რეზონანსთან" საუბრისას ამბობს, რომ ძალიან კარგია ის ფაქტი, რომ კანონი აღნიშნული ფორმით არ მიიღეს, რადგანაც ამით, უდანაშაულობის პრეზუმციის პრინციპი ირღვეოდა.

XVII საუკუნიდან მოყოლებული, მას შემდეგ რაც პორტუგალიელი ზღვაოსნებების მეშვეობით ჩაიმ ევროპაში შემოაღწია, ამ უცნაური მცენარის ნაყენმა მაშინვე მოიპოვა პოპულარობა და აღმოსავლური კულტურის ელემენტების ტრანსფორმირებით ბებერი კონტინენტის ყოველდღიურობის განუყოფელი ნაწილი გახდა.

ეს კიდევ არაფერი, XVIII  ს-ის 70-იან წლებში უწყინარმა ჩაიმ ბრიტანეთის სამეფო კარი სამკვდრო-სასიცოცხლოდ წაჰკიდა თავის ოკიანესგაღმა კოლონიებს. მატიანეები არაფერს უწყიან 1773 წელს ვესტ-ინდოეთის კომპანიის ხომალდზე ინდიელებად გადაცმულმა აჯაყებულმა კოლონისტებმა ზღვაში მწვანე ჩაი გადაყარეს თუ შავი, თუმცა, ფაქტია, გრანდიოზულმა „ბოსტონურმა ჩაის სმამ“ ამერიკის სახელმწიფოებრივ დამოუკიდებლობას დაუდო სათავე. 

ამ პოლიტიკურმა პერფორმანსმა ერთიორად გაზარდა ჩაის პოპულარობის ხარისხი.  განსაკუთრებით მწვანე ჩაის თემა გახლავთ აქტუალური. ბუნებრივია, მასთან მიმართებაში კითხვებიც უამრავია.

ჩვენი გაზეთის მკითხველებს პასუხობს კლინიკა ენმედიცის ექიმი-ენდოკრინოლოგი თამარ ჩადუნელი.

ლიბიაში გაღვივებულ კრიზისში, რომელიც „ფელდმარშალ" ხალიფა ხაფთარსა და პრემიერ-მინისტრ ფაიზ სარაჯის ხელმძღვანელობით მოქმედ ლიბიის ეროვნულ გარდამავალ საბჭოს შორის შეაიარაღებულ დაპირისპირებაში გადაიზარდა, სავარაუდოდ, რუსული სამხედრო ტექნიკაც ფიგურირებს. ამის შესახებ ინფორმაციას რუსეთის ოპოზიციური „ნოვაია გაზეტა" ავრცელებს რედაქციის მიერ ჟურნალისტური გამოძიების ჩატარების საფუძველზე.

აფხაზეთის სეპარატისტული რესპუბლიკის ე.წ. მთავრობამ დანარჩენ საქართველოსთან „ჰუმანიტარული კორიდორის" გახსნა დააანონსა. 13-დან 17 ივლისის ჩათვით „გახსნილი" „საზღვრის" გადაკვეთის საშუალება მიეცემათ დანარჩენი საქართველოს ტერიტორიაზე დარჩენილ გალის რაიონის მაცხოვრებლებს, რომლებიც კორონავირუსის პანდემიის პირობებში ვერ ბრუნდებოდნენ სახლებში.