აშშ-ის წარმომადგენელთა პალატამ გამოაქვეყნა ასიგნებების კომიტეტის მიერ წარდგენილი კანონპროექტი. დოკუმენტში აღნიშნულია, რომ 2021 წლისთვის საქართველო აშშ-სგან დახმარების სახით 132 025 000 აშშ დოლარს მიიღებს. თუმცა შესაძლებელია ამ თანხის 15% ქვეყანას არ გადაეცეს სანამ აშშ-ს კონგრესს არ წარედგინება სახელმწიფო მდივნის ანგარიში საქართველოს მთავრობა ქმედითუნარიან ნაბიჯებს დგავს ქვეყანაში დემოკრატიული ინსტიტუტების გაძლიერების, კორუფციასთან ბრძოლისა კერძო სექტორში კანონის უზენაესობისა და უცხოური ბიზნესების დაცვის კუთხით. ამ კანონპროექტს პოლიტიკური შეფასებები მოჰყვა საქართველოშიც.

მსოფლიომ ნელ-ნელა დაიწყო კორონავირუსის პანდემიის გამო დაწესებული შეზღუდვების მოხსნა, მაგრამ შეზღუდვების მოხსნასთან ერთად იმატა დაინფიცირების შემთხვევების რაოდენობამაც. ბევრმა ქვეყანამ თავიდან შემოიღო საკარანტინე რეჟიმი და გაამკაცრა შეზღუდვები.

საქართველოდან იაფი მუშახელის გადინება ქვეყნისთვის უდიდეს პრობლემად რჩება. მართალია, კორონავირუსის გავრცელებამ ეს პროცესი შეაჩერა, მაგრამ როგორც კი საფრთხე გადაივლის, ემიგრაციის მასშტაბი გაიზრდება, რის შესახებაც სპეციალისტები აქედანვე გვაფრთხილებენ. პრობლემაა ისიც, რომ საქართველოდან სამუშაო ძალის გასვლის პარალელურად სულ უფრო და უფრო მატულობს იმ უცხოელი მოქალაქეების რაოდენობაც, რომლებიც ჩვენს ქვეყანაში დასაქმების მიზნით ჩამოდიან. თუკი 10 მუშახელი გადის საქართველოდან, მათ ნაცვლად შემოდის 8 მოქალაქეობის არმქონე პირი. ტენდენცია მზარდია და არსებობს რისკი, რომ შემომსვლელთა რიცხვმა გამსვლელთა რაოდენობას გადააჭარბოს.

პანდემიის გამო ყველა სფეროს და ყველა ქვეყნის ფინანსურ ზარალს, უცხოეთში მომუშავე ქართველი ემიგრანტების  უმუშევრად დარჩენა მოჰყვა. მათი ნაწილი ახლა გეგმავს სამშობრლოში დაბრუნებას, როგორც კი რეგულარული რეისები აღდგება, ნაწილი კი სპეცრეისებით უკვე დაბრუნდა. ქართულ ემიგრაციას რომ ძალიან გაუჭირდა, ამის გაზომვა ციფრებითაც შესაძლებელია. შარშანდელთან შედარებით, 42.3%-ით არის ფულადი გადმორიცხვები შემცირებული. 

უძრავი ქონების მიმართ მოთხოვნა თითქმის არ არის, მაგრამ დეველოპერები, იშვიათი გამონაკლისის გარდა, ამ პირობებშიც არ ფიქრობენ უძრავი ქონების გაიაფებას. ხშირ შემთხვევაში მათ არგუმენტად მოჰყავთ მასალების სიძვირე და მშენებლობი მაღალი ხარჯი.  ისიც ფაქტია, რომ  ბინების ღირებულება ხელოვნურად გაბერილია და რეალურად არაფერი კეთდება, რომ ფასების ბუნებრივ მდგომარეობამდე დაყვანა მოხდეს. იპოთეკის სესხების პროგრამის გამო მომხმარებელი და ბიზნესიც მოლოდინის რეჟიმში აღმოჩნდა, რამაც მოთხოვნა ბაზარზე თითქმის გაანულა. მყიდველიც და გამყიდველიც ხელსაყრელ ფასს ელოდება.

"ამ არჩევნებზე რაღაც ცვლილებები იქნება, მაგრამ არა სისტემური, რადგან პოლიტიკური პარტიები ამომრჩეველს ახალ პროგრამებს ვერ სთავაზობენ, ახალი იდეების ნაკლებობა აქვთ" - ასე აფასებს წინასაარჩევნო გარემოს ექსპერტი გია ხუხაშვილი.

19 წლის გიორგი შაქარაშვილის ბურუსით მოცული გარდაცვალებიდან 15 დღე გავიდა-თუმცა ჯერ კიდევ უცნობია ვინ მოკლა ის და როგორ აღმოჩნდა გარდაცვლილის ცხედარი არაგვში. რაც დრო გადის, მკვლელობის ირგვლივ უამრავი კითხვები ჩნდება. გამოითქვა ეჭვები, რომ შესაძლოა უკვე მოკლულის გვამი მდინარესთან მიიტანეს და დახრჩობის ვერსიის გასამყარებლად ეს სცენარი გაითამაშეს. 

ირაკლი კობახიძის განცხადებით, იმისათვის რომ არჩევნების დღეს საარჩევნო უბნებზე არ იყოს სპეკულაციები, „ქართული ოცნება" ოპოზიციას სთავაზობს გაფორმდეს მემორანდუმი, რომლის საშუალებითაც პოლიტიკური პარტიები აიღებენ 25-მეტრიანი რადიუსის დაცვის ვალდებულებას და საარჩევნო უბნიდან 25 მეტრის მანძილზე აქტივისტები არ ეყოლებათ.

ადგილობრივ ბაზარზე საწვავის ხარისხის მოქმედ სტანდარტებთან შეუსაბამობა საქართველოში კვლავ ერთ-ერთ მთავარ გამოწვევად რჩება. ბოლო წლების განმავლობაში კვლავ აქტუალურ თემაა ავტოგასამართ სადგურებზე რეალიზებული საწვავის ხარისხთან დაკავშირებული პრობლემები, რომლებიც, თავის მხრივ, პირდაპირ კავშირშია საქართველოში არსებულ ეკოლოგიურ მდგომარეობასთან. მიუხედავად იმისა, რომ ქვეყანაში საწვავის სტანდარტი მოქმედებს,  წელს ჩატარებულმა კვლევამ აჩვენა, რომ ბაზარზე უხარისხო პროდუქტი მაინც იყიდება.

პირველი ცნობა საქართველოდან ქართული განძისა და ხელნაწერების გატანის შესახებ გვხვდება იოანე ბატონიშვილის "ალმასობაში", საიდანაც ვიგებთ, რომ თემურ ლენგმა ორი ურემი ხელნაწერი გაიტანა საქართველოდან.

სასტიკი მკვლელობა სურამში - 33 წლის თიკო რუსია, სავარაუდოდ, 34 წლის ქმარმა ილია ქურდაძემ მძინარე საწოლში ცეცხლსასროლი იარაღით მოკლა. როგორც მეზობლები „რეზონანსთან“  ყვებიან, შემთხვევა დილით გამთენიისას მოხდა. მათი თქმით, საშინელი მკვლელობის დრო მათი 3 მცრეწლოვანი ბავშვიც სახლში იმყოფებოდნენ. მეზობლებმა რამდენიმე გასროლის ხმა გაიგონეს. თავიდან მათ ეგონათ, რომ ვიღაც ფოიერვერკს ისროდა, თუმცა გარეთ გამოსულებს ეს საზარელი ამბავი დახვდათ.

ერთიანი ეროვნული გამოცდების პირველ დღეს აბიტურიენტებმა ქართული ენისა და ლიტერატურის გამოცდა დაწერეს. გამოცდების ეროვნული ცენტრის ხელმძღცავენლის სოფო გორგოძის განცხადებით გამოცდაზე აბიტურიენტების 93% გამოცხადდა.