ქალაქში საზოგადოებრივი ტრანსპორტით გადაადგილება დღითი დღე შეუძლებელი ხდება. მგზავრებს თითქმის ყოველდღე გაჩერებაზე ნახევარსაათიანი ლოდინი უწევთ, სანამ მათთვის სასურველი ტრანსპორტი გამოჩნდება. ავტობუსითა და მიკროავტობუსით მგზავრობის შემთხვევაში ადამიანი დანიშნულების პუნქტამდე დაუგვიანებლად ვერ მიდის. პრობლემა ქალაქის ქუჩებში გახშირებული საცობებითა და საზოგადოებრივი სატრანსპორტო საშუალებების ნაკლებობითაა გამოწვეული.

"კალაძის გუნდი აღმასრულებელი ხელისუფლებიდან ფაქტობრივად გაქრა - ეს ლოგიკურია, იმიტომ, რომ კალაძე საჭირო პოლიტიკის მიმართულებით გადანაწილდა. გრძელვადიან პოლიტიკურ თამაშში მას შეიძლება აწყობს კიდეც არ აიღოს პასუხისმგებლობა აღმასრულებელი ხელისუფლების მოქმედებებზე", - ამბობს "რეზონანსთან" საუბრისას პოლიტოლოგი გია ხუხაშვილი.

ევროკავშირში უვიზოდ მიმოსვლის პროცედურები საქართველოს მოსახლეობის 6%-მა, ანუ 9 875-მა მოქალაქემ დაარღვია. ექსპერტები ამბობენ, რომ რიცხვი საგანგაშო არ არის, თუმცა, ჩვენი რეალობიდან გამომდინარე, არც ცოტაა, რადგან თუ ტენდენცია მზარდი გახდა, შესაძლოა, ევროკავშირს ხელშეკრულებაში გარკვეული კორექტივების შეტანა დასჭირდეს.

ორი კვირა არ გასულა, რაც ბაქო-თბილისი-ყარსის სატრანზიტო მაგისტრალი საზეიმოდ გაიხსნა და რუსეთის პრეზიდენტმა ყაზახეთის გავლით ალტერნატიული რკინიგზის მაგისტრალის შექმნა დააანონსა. ამით მოსკოვმა ევროპა-აზიის დამაკავშირებელ "ახალ აბრეშუმის გზაზე" ერთგვარი შეჯიბრი თუ სარკინიგზო-გეოპოლიტიკური ომი გამოაცხადა.

თვითმმართველობის არჩევნების გუშინდელი მეორე ტური სრულად გადაფარა გუშინ გავრცელებულმა ცნობებმა მთავრობაში დაგეგმილი მასშტაბური სტრუქტურული და საკადრო ცვლილებების შესახებ. ეს ცნობა ღიად დაადასტურეს როგორც მთავრობის, ისე საპარლამენტო უმრავლესობის წარმომადგენლებმა. შესაბამისი განცხადებით კი პრემიერი გიორგი კვირიკაშვილი დღეს გამოვა.

შესაძლოა, უკრაინაში გაერო-ს სამშვიდობო მისია შევიდეს, თან საუბარია, რომ აშშ-ის გეგმაა, ამ საერთაშორისო მისიით 20 000 მშვიდობისმყოფელი გაიგზავნოს, რაც რუსეთის უკმაყოფილებას იწვევს. მოსკოვისთვის კატეგორიულად მიუღებელია უკრაინისა და დასავლეთის სურვილი, მშვიდობისმყოფელები რუსეთ-უკრაინის საზღვართან განლაგდნენ და არა უშუალოდ სეპარატისტთა მიერ კონტროლირებად ტერიტორიებსა და უკრაინის დანარჩენ ნაწილს შორის. კრემლში ამაზე დათანხმებას გამორიცხავენ.

2016 წლის დეკემბერში რუსეთში უსაფრთხოების ფედერალურმა სამსახურმა რამდენიმე პიროვნება დააკავა, რომლებსაც ბრალად აშშ-ის დაზვერვისათვის საიდუმლო მასალების გადაცემა წაუყენეს. ამის გარდა, რამდენიმე წლის განმავლობაში დაკავებულთა ჯგუფის წევრები სოციალურ ქსელებში რუსი მაღალჩინოსნების პირადი მიმოწერისა და პირადი ცხოვრების გასაიდუმლოებულ ფაქტებს აქვეყნებდნენ.

"ჩვენ გვინდა, დავაქციოთ მუზეუმები, ბიბლიოთეკები. ვიბრძოლოთ მორალის, ფეტიშის და ყოველგვარი ოპორტუნისტული და უტილიტარული სისაძაგლის წინააღმდეგ. ჩვენ გვინდა, ვადიდოთ აგრესიული მოძრაობა, ჩქარი სიარული, საშიში ნახტომი, სილა და მუშტი" - იტალიელი ფილიპო მარინეტის ამ ფუტურისტულ ქუხილს თბილისში გვიანი ექო ჰქონდა. პარიზულ ჟურნალ "ფიგაროს" ფურცლებზე 1909 წლის 20 თებერვალს გამოქვეყნებულ "სასიკვდილო ნახტომს" ქართველები 1922 წლის 25 აპრილს გამოეხმაურნენ და კონსერვატორიის შენობაში პირველი ფუტურისტული საღამოც გაიმართა, გამოსცეს მანიფესტი "საქართველო - ფენიქსი".

მოსკოვი-მესამე რომის თეორია დღემდე რჩება რუსული იმპერიული მისწრაფების მთავარ საყრდენად. ერთიანი ქრისტიანული, რელიგიური არეალის ერთ პოლიტიკურ სივრცეში მოქცევა განმათავისუფლებლისა და მართლმადიდებლობის დაცვის ნიღბით, დიდი ხანია, ჩვენი ჩრდილიელი მეზობლის სავიზიტო ბარათია.

"კალაძე ძალიან სწორ გადაწყვეტილებას იღებს, როცა "სითი პარკთან" სასამართლოს გზით იწყებს პრობლემის მოგვარებას. ეს მას პოლიტიკურ ქულებს მაინც მოუტანს, თუ ვერ შეძლო სასამართლოს მოგება", - ამბობს "მთელ კვირასთან" საუბრისას ანალიტიკოსი ვახტანგ ძაბირაძე, რომელსაც ქვეყანაში მიმდინარე პროცესებზე ვესაუბრეთ.

რუსეთსა და სომხეთს შორის სამხედრო ძალების გაერთიანებაზე ხელშეკრულებას ერევანში ხელი საბოლოოდ მოეწერა, რაც სომხეთის ექსპერტების ნაწილის მიერ შეფასდა, როგორც მათი ქვეყნის ნებაყოფლობით ანექსირებაზე თანხმობა. საქართველოში კი საუბარია, რომ საქართველოსთვის რუსული საფრთხე საგანგაშოდ გაიზარა და თან მოსკოვმა ამ ხაფანგში ერევანიც ჩაითრია, რადგან, ამ ხელშეკრულების მიხედვით, თუკი რუსეთი საქართველოსთან ომს კიდევ დაიწყებს, სომხეთის არმია აუცილებლად ჩაერთვება საქართველოს წინააღმდეგ ომში.

სირიის პრეზიდენტმა ბაშარ ალ ასადმა აფხაზეთის დე ფაქტო ლიდერ რაულ ხაჯიმბას მის მილოცვაზე საპასუხო წერილი გაუგზავნა, სადაც ხაჯინბასადმი მადლიერებას გამოხატავს "იმ თბილი სიტყვებისთვის, რომელიც მის იუბილესთან დაკავშირებით გამოთქვა".