ესპანეთის სასამართლომ კატალონიის მთავრობის ყოფილი ხელმძღვანელი კარლეს პუჩდემონი და კატალონიის მთავრობის რამდენიმე ყოფილი წევრი ჩვენების მისაცემად დაიბარა. თუმცა, ადვოკატის თქმით, პუჩდემონი სასამართლოზე მისვლას არ აპირებს და იგი მოვლენებს შორიდან დააკვირდება.

სამომხმარებლო ბაზარი მორიგი გაძვირებისთვის ემზადება. იმპორტიორები უკვე ამბობენ, რომ არსებული ფასების შენარჩუნება შეუძლებელია და უახლოეს დღეებში ყველა პროდუქტზე ფასის მინიმუმ 5%-იანი მატება გარდაუვალია. ისიც იმ პირობებში, თუ ლარის კურსი არსებულ ნიშნულზე დარჩება. გაძვირება შეეხება აბსოლუტურად ყველა დასახელების პროდუქტს - როგორც იმპორტირებულს, ასევე ადგილობრივს.

ბოლო 5 თვეში წყვილზე ეს უკვე მეორე თავდასხმა იყო და უკრაინელი მებრძოლი ქალისთვის საბედისწრო აღმოჩნდა. ჯოხარ დუდაევის სახელობის მოხალისეთა ბატალიონის ყოფილი მეთაურის ცოლი და დონბასის ომის ვეტერანი ამინა ოკუევა მეუღლესთან ერთად მანქანაში ჩაცხრილეს. ქმარი, ადამ ოსმაევი, რომელიც ადრე პუტინზე თავდასხმის მომზადებაში იყო ეჭვმიტანილი, გადარჩა, ცოლი ადგილზე დაიღუპა. ქმარი, ადამ ოსმაევი, რუსულ კვალზე საუბრობს.

ქართულ ტელემაუწყებლობაში ბორბალი უკუღმა დატრიალდა - ადრე (2012-მდე) ტელეკომპანიები ითხოვდნენ, რომ მაუწყებლობის ტრანზიტზე ავტორიზებულ პირს მათი არხები უფასოდ ჩაერთოთ, ახლა გავრცელების უფლებას გარკვეული საფაურის სანაცვლოდ აძლევენ. შედეგად, 1-ლი დეკემბრიდან 500 000-ზე მეტ მომხმარებელს ქართული არხების მისაღებად დამატებითი თანხის გადახდა მოუწევს.

"ქართველთა მარშის" მიერ ფეხბურთის ფედერაციასთან მოწყობილი აქციის დროს პოლიციამ რამდენიმე აქტივისტი დააკავა, რომელთა შორისაც მარშის ერთ-ერთი ლიდერი ლადო სადღობელაშვილია. აღსანიშნავია, რომ აქციაზე სასულიერო პირებიც იმყოფებოდნენ. ამასთან, აქციის ორგანიზატორები აცხადებენ, რომ საპროტესტო ტალღა, რომელიც გურამ კაშიას მიერ ლგბტ თემის მხარდასაჭერ სამკლავურის გაკეთებამ გამოიწვია, ამით არ დასრულდება.

მსოფლიო ბაზარზე ნავთობი ძვირდება. ფასი ელვის სისწრაფით მატულობს და ბოლო ორი წლის განმავლობაში ყველაზე მაღალ ნიშნულზეა. 1 ბარელის ღირებულებამ უკვე 61 აშშ დოლარს მიაღწია. სპეციალისტებს უჭირთ პროგნოზის გაკეთება, თუ რა იქნება მოკლევადიან პერიოდში და რამდენად დაბალანსდება შავი ოქროს ღირებულება. რაც შეეხება საქართველოს ბაზარს, აქ ნავთობის გაძვირებას საერთაშორისო ტენდენციასა და ლარის გაუფასურებას უკავშირებენ და არ გამორიცხავენ, რომ მოკლევადიან პერიოდში საწვავი კიდევ უფრო გაძვირდეს.

"თუ ყველა კითხვას პასუხი არ გაეცა და ხელისუფლებამ ვერ შეძლო საზოგადოებისთვის დეტალური ინფორმაციის მიწოდება, ეს დარჩება დიდ ლაქად შინაგან საქმეთა სამინისტროსთვის," - ასე აფასებს ნუცუბიძეზე მომხდარ ფაქტს პოლიტოლოგი, მეცნიერ-ექსპერტთა საბჭოს თავმჯდომარე იგორ კვესელავა.

კატალონიაში განვითარებული მოვლენები, როგორც ბევრი ადგილობრივისთვის, ასევე იქ მცხოვრები ქართველი ემიგრანტებისთვისაც მოულოდნელი იყო. ბარსელონაში უამრავი საქართველოს მოქალაქე მუშაობს. ისინი ჯერჯერობით ძველებურად აგრძელებენ ცხოვრებას, თუმცა რა იქნება მომავალში, ამის თქმა უჭირთ.

ტრამპის საარჩევნო შტაბის ყოფილ უფროს პოლ მანაფორტისა და მის საქმიან პარტნიორს, ბიზნესმენ რიკ გეითსს შინაპატიმრობა მიესაჯათ. ამასთან, გირაოს სანაცვლოდ მანაფორტს 10 მილიონი, ხოლო გეითსს 5 მილიონი დოლარის გადახდა დაეკისრათ. საქმე ეხება აშშ-ის საპრეზიდენტო არჩევნებში რუსეთის შესაძლო ჩარევას, რომლის გამოძიებისას მანაფორტის 12 ბრალდება წაუყენეს.

ამერიკაში მოღვაწე ქართველებსა და მათ წარმატებულ საქმიანობაზე ბევრი სმენია ჩვენს მკითხველს და ამის შეხსენებით თავს აღარ შევაწყენთ, მაგრამ სად იყო სამშობლოდან გადახვეწილი ჩვენი თანამემამულეების თავშეყრის ადგილი და როგორ ატარებდნენ დროს, ამის შესახებ ერთ საინტერესო ისტორიას გავიხსენებთ დღევანდელ სტატიაში.

"სითი პარკთან" დადებული ხელშეკრულება რომ კაბალურია და მისი გაწყვეტა დროზე ადრე რომ უნდა მოხდეს, ეს უკვე ყველა თბილისელისთვის აქსიომაა. მიუხედავად დიდი სოციალური პრობლემებისა, უწესრიგო მშენებლობებისა და ჰაერის დაბინძურებისა, დედაქალაქის მერობის კანდიდატების მხრიდან ერთ-ერთი მთავარი დაპირება სწორედ პარკირების კომპანიის დროზე ადრე შეზღუდვა იყო. ჯერჯერობით უცნობია, მოახერხებს თუ არა თბილისის ახლად არჩეული მერი კონტრაქტის გაწყვეტას იმ ორგანიზაციასთან, რომლის საქმიანობასაც ცალსახად უარყოფითად აფასებდა წინასაარჩევნო პროცესში.

ტრამპის საარჩევნო შტაბის ყოფილ უფროსს, პოლ მანაფორტის და მის საქმიან პარტნიორს, ბიზნესმენ რიკ გეითსს შინაპატიმრობა მიესაჯათ. ამასთან, გირაოს სანაცვლოდ მანაფორტის 10, ხოლო გეითსს 5 მილიონი დოლარის გადახდა დაეკისრათ. საქმე ეხება აშშ-ის საპრეზიდენტო არჩევნებში რუსეთის შესაძლო ჩარევას, რომლის გამოძიებისასაც მანაფორტის 12 ბრალდება წაუყენეს.