კონსტიტუციაში ახალი ცვლილებები იწყება. 11 დღის წინ მიღებულ კანონში რამდენიმე შესწორება შევა. ესენია: საარჩევნო ბლოკების ერთჯერადად - 2020 წლის არჩევნებისთვის დაშვება, ე.წ ბონუსების სისტემის გაუქმება, რწმენის თავისუფლებასთან დაკავშირებული მუხლის ჩასწორება და საკონსტიტუციო სასამართლოს უფლებამოსილება არჩევნებთან დაკავშირებით.

საქართველოში ექიმები ცდილობენ, პაციენტებს სპეციალურად ძვირი მედიკამენტები გამოუწერონ და ეს პრობლემა ვერაფრით გვარდება. მიუხედავად იმისა, რომ ამაზე ხმამაღალი განცხადებით ჯანდაცვის მინისტრიც გამოვიდა, პაციენტები ისევ ჩივიან, რომ ექიმები ძვირი წამლის გამოწერას კვლავ არ ერიდებიან. ფაქტია, რომ არცთუ იშვიათად ქართველი ექიმები ორიენტირებულნი არიან არა პაციენტზე, არამედ საკუთარ კომერციულ ინტერესზე.

უვიზო მიმოსვლის მიღების შემდგომ აქტუალური გახდა ევროკავშირში გაწევრიანების საკითხი. მიუხედავად იმისა, რომ, ექსპერტების შეფასებით, ამ ეტაპზე გაწევრიანებაზე პირდაპირი განაცხადი არც მართებული იქნება და არც მომგებიანი, აუცილებლობად მიიჩნევენ, რომ საქართველომ გააგრძელოს აქტიური და კონკრეტული ნაბიჯების გადადგმა იმ რეკომენდაციებისა და რეგულაციების შესასრულებლად, რაც ევროკავშირს უკვე თავად გაუჩენს ჩვენთან თანამშრომლობის სურვილს.

"ხელისუფლება ყველანაირად შეეცდება, რომ საკუთარ კანდიდატს მაქსიმალური დახმარება აღმოუჩინოს, მაგრამ თუ ჩარევა გასცდა კანონის ფარგლებს, მიიღო აშკარად უხეში ჩარევის ხასიათი, რა თქმა უნდა, არჩევნების შედეგები კითხვის ნიშნის ქვეშ დადგება", - ამბობს "რეზონანსთან" საუბრისას ანალიტიკოსი ზაალ ანჯაფარიძე.

მას შემდეგ, რაც საქართველოში კერძო საკუთრების უფლება სრულყოფილი სახით აღდგა, სასოფლო-სამეურნეო მიწის ნაკვეთების დარეგისტრირება მოსახლეობის მხოლოდ 25%-მა მოახერხა. პრობლემა წლების განმავლობაში ვერ გადაწყდა. ამიტომ 2016 წლის 1-ლი აგვისტოდან ამოქმედდა "სახელმწიფო პროექტის ფარგლებში მიწის ნაკვეთებზე უფლებათა სისტემური და სპორადული რეგისტრაციის სპეციალური წესისა და საკადასტრო მონაცემების სრულყოფის შესახებ" კანონი და საჯარო რეესტრის ეროვნულმა სააგენტომ დაიწყო მიწის რეგისტრაციის სახელმწიფო რეფორმა. იგი მოქალაქეებისთვის უფასო მომსახურებას ითვალისწინებს.

ეროვნული ბანკი ლარის თავბრუდამხვევი დევალვაციის წინაშე უძლურია. მისგან არც მთავრობა ითხოვს, ლარი აკონტროლოს და მკაცრი მონეტარული პოლიტიკა გაატაროს, რადგან ამ ნაბიჯით ეკონომიკური ზრდის მაჩვენებელს შეაფერხებს. ქვეყანაში ეკონომიკური ზრდა მართლაც შეინიშნება, თუმცა ამ ციფრობრივ მაჩვენებელს ყოველდღიურად ეწირება მოსახლეობის სოციალური მდგომარეობა, რომელიც დევალვაციისა და ინფლაციის გამო დღითი დღე მძიმდება.

დავით ნარმანია დედაქალაქის მერის პოსტს 2 კვირაში დატოვებს. სად გააგრძელებს მუშაობას 12 ნოემბრის შემდეგ, ჯერ კიდევ არ ხმაურდება. სამაგიეროდ, ცნობილი და ნათელია ყველა ის პროექტი, რომელიც მისი მერობის პერიოდში თბილისში განხორციელდა. ეს იყო ყველაზე რთული პერიოდი, რაც კი სხვადასხვა დროს ქალაქის ხელმძღვანელებს გამოუვლიათ.

ქუთაისი დაიბრუნებს კულტურულ-საგანმანათლებლო ფუნქციას და გახდება ქალაქი, საიდანაც ახალგაზრდები არ მიდიან", - ეს არის "ქართული ოცნება-დემოკრატიული საქართველოს" ქუთაისის მერობის კანდიდატის გიორგი ჭიღვარიას მთავარი მესიჯები, რომელსაც ის ამომრჩეველთან ყველა შეხვედრისას აჟღერებს. რა იქნება ქუთაისის მერობის კანდიდატის მთავარი პრიორიტეტები და რა სამოქმედო გეგმა აქვს ქალაქის მართვასთან დაკავშირებით, ამაზე "რეზონანსთან" თავად გიორგი ჭიღვარია საუბრობს.

საქართველოს მესამე პრეზიდენტის, ოდესის ოლქის ექსგუბერნატორ მიხეილ სააკაშვილის ექსტრადირება, შესაძლოა, წლის ბოლომდე მოხდეს. ყოველ შემთხვევაში, უკრაინის იუსტიციის მინისტრის განცხადებით, პროცედურების დასაწყებად მხოლოდ პროკურატურის დოკუმენტებს ელოდებიან და საბოლოო დასკვნა ნოემბრის ბოლომდე იქნება.

ევროკავშირის სანქციების გამო უდიდესი რუსული სახელმწიფო ნავთობკომპანია "როსნეფტი" იძულებულია, შავ ზღვაში ნავთობის მოპოვებაზე უარი თქვას. კომპანია, მინიმუმ, 5 წლით აჩერებს 55 მლრდ დოლარის პროექტს, რის გამოც დიდი იმედგაცრუებაა ოკუპირებულ აფხაზეთში, რადგანაც ამ პროექტით "როსნეფტს" აფხაზეთის შავი ზღვის შელფზე ნავთობის საძიებო სამუშაოები უნდა დაეწყო, დე ფაქტო აფხაზეთის ხელისუფლება კი დიდ იმედს ამყარებდა მასზე "რესპუბლიკის" ეკონომიკური აყვავებისა და გამდიდრების მოლოდინში.

"ექვთიმე თაყაიშვილი საოცარი მოვლენაა საქართველოს ახლო წარსულში. მისი მოღვაწეობა - მრავალმხრივი, უანგარო და შედეგების მიხედვით მეტად ნაყოფიერი და ფასდაუდებელი, მოკიაფე ვარსკვლავივით იქნება საქართველოს ისტორიაში", - წერდა დიდი ქართველი ენათმეცნიერი აკაკი შანიძე თავის ერთ-ერთ წერილში.

რუსეთთან ურთიერთობაში პრემიერ-მინისტრის სპეციალური წარმომადგენლის - ზურაბ აბაშიძისა და რუსეთის საგარეო საქმეთა მინისტრის მოადგილის - გრიგორ კარასინის მორიგი შეხვედრა ნოემბრის შუა რიცხვებში გაიმართება. აბაშიძე რუს კოლეგასთან, ტრადიციულად, ჰუმანიტარულ საკითხებზე ისაუბრებს.