შრომის, ჯანმრთელობისა და სოციალური დაცვის მინისტრმა დავით სერგეენკომ რამდენიმე დღის წინ მის მიერ ნათქვამი განცხადება, რომელიც მცოცავ ოკუპაციას შეეხებოდა, განმარტა.

საქართველოში მოსახლეობის დიდი ნაწილი დასასვენებლად რომ წავიდეს, ფულს სესხულობს. დაისვენებენ 10-12 დღის განმავლობაში და შემდეგ ნასესხებ თანხას მთელი წელი იხდიან. არსებობს ადამიანთა კატეგორია, რომლებიც ამას პრობლემად არ მიიჩნევენ, რადგან, მათი აზრით, დასვენება აუცილებელია და მნიშვნელობა არ აქვს, ეს ნასესხები ფულით მოხდება თუ საკუთარი სახსრებით.

"აფხაზები ამბობენ, რომ რუსებს მათი ვალი აქვთ. მათი აზრით, აფხაზებმა რომ წინააღმდეგობა გაუწიეს საქართველოს, ამით რუსეთს სამხრეთ კავკასია შეუნარჩუნეს და მოსკოვს საშუალება მისცეს, ნატო-ს საწინააღმდეგო სამხედრო ბაზა გაეძლიერებინა აფხაზეთის ტერიტორიაზე. აფხაზები მიიჩნევენ, რომ მათ წინაშე ვალდებულები არიან ყველანი - ქართველებიც, რუსებიც, სომხებიც. რუსების აზრით, აფხაზები უმადურები არიან და მათ უმადურობაზე ღიად წერენ," - აფხაზების ანტირუსული განწყობის ზრდაზე საუბრობს სტრატეგიული კვლევების კავკასიური ცენტრის დირექტორი მამუკა არეშიძე

"დაიბადა გორში, სტალინის სახლ-მუზეუმიდან ორი ფეხის ნაბიჯზე. გაიზარდა ვერაზე, სწავლობდა ვერის ყველაზე ცნობილ მე-18 სკოლაში. დაამთავარა ორი უმაღლესი - "გეპეი" და უნივერსიტეტი. კარიერა დაიწყო გაზეთ "ახალგაზრდა კომუნისტში", სადაც სტრიქონში მანეთს უხდიდნენ. ფილარმონიაში გამოსვლა არ უყვარდა, "ცოტას იხდიანო". "კომუნისტური პარტია" 8 დღეში დაშალა. თავის ამბებს იუმორით ყველაზე უკეთ თვითონ ყვებოდა" - ასე იხსენებენ ძველი ვერელები ლეგენდარულ კონფერანსიეს, პაროდისტს, მწერალსა და ესტრადის მსახიობ ქართლოს კასრაძეს, რომლის გამოსვლას სცენაზე დიდი სიხარულით ელოდა სამოციანი წლების თბილისელი მაყურებელი.

"ამ ვიზიტის მიზეზები, როგორც რუსები ამბობენ, ის არის, რომ აფხაზეთში ბევრი პრობლემა დაგროვდა. პრობლემებია რუსულ-აფხაზურ ურთიერთობაში, რადგან აფხაზები უკმაყოფილოები არიან რუსეთის პატრონაჟით," - ასე აფასებს პოლიტოლოგი რამაზ საყვარელიძე "რეზონანსთან" საუბრისას ოკუპირებულ აფხაზეთში რუსეთის პრეზიდენტ ვლადიმერ პუტინის ჩასვლას.

ტელეკომპანია "რუსთავი 2"-ის პროექტების მენეჯერები დემნა ჯაფარიძე და გიორგი ხაბურზანია ტელეკომპანია "იმედში" გადავიდნენ. როგორც "რუსთავი 2"-ის გენერალური დირექტორი ნიკა გვარამია "რეზონანსთან" საუბრისას აღნიშნავს, ეს გადაწყვეტილება მათ კომერციული ინტერესებიდან გამომდინარე მიიღეს. რაც შეეხება შემცვლელს, "რუსთავი 2"-ზე მათ იმედაშვილი შეცვლის, რომელიც რამდენიმე ფილმის რეჟისორი და, ასევე, "იმედში" "ახალი ხმის" პროდიუსერი იყო. აღსანიშნავია, რომ დემნა ჯაფარიძე და გიორგი ხაბურზანია "რუსთავი 2"-ზე ხელმძღვანელობდნენ "ნიჭიერს", "საქართველოს ვარსკვლავს" და სხვა საერთაშორისო პროექტებს.

ქართული სოფლები წლიდან წლამდე იცლება. მიზეზი სოციალურ-ეკონომიკური სიდუხჭირე და უპერსპექტივობაა. მიუხედავად იმისა, რომ საქართველოში მთის კანონი ამოქმედდა, სოფლის განვითარების პროგრამაც შემუშავდა და სოფლის მეურნეობის მიმართულებითაც მთავრობა სხვადასხვა პროგრამას ახორციელებს, ბოლო 1 წელიწადში სოფლის მოსახლეობა მაინც 3 ათასი ადამიანით შემცირდა.

ვლადიმერ პუტინის ოკუპირებულ აფხაზეთში ვიზიტს, რომელიც 2008 წლის 8 აგვისტოს ომის მე-9 წლისთავს ემთხვევა, ხელისუფლებისა და ოპოზიციის წარმომადგენლები უკვე გამოეხმაურნენ. საგარეო საქმეთა სამინისტრო აცხადებს, რომ რუსეთის პროვოკაციული ქმედებების მიუხედავად, საქართველოს მთავრობა ურყევად აგრძელებს თავის სამშვიდობო პოლიტიკას და დიპლომატიის, მოლაპარაკებისა და დიალოგის გზით ესწრაფვის კონფლიქტის მშვიდობიან დარეგულირებას.

9 წელი გავიდა რუსეთ-საქართველოს ომისა და ტრაგიკული დღეების დაწყებიდან. 2008 წლის 7 აგვისტოს ქართული სოფლების მიმართულებით ცხინვალიდან ჭურვები ისროლეს და იმავე დღეს, გვიან ღამით, ფართომასშტაბიანი საბრძოლო მოქმედებები დაიწყო.

"საქართველოს რკინიგზის" შემოსავალი წლიდან წლამდე მცირდება. ჯერ ნაადრევია 2017 წლის საბოლოო შედეგზე საუბარი, თუმცა პირველ სამ თვეში სატრანსპორტო გადაზიდვიდან მიღებული შემოსავალი 10%-ით შემცირდა. წინა წლის ანალოგიურ პერიოდთან შედარებით, ეს სერიოზული ვარდნაა.

ნარკოდანაშაულის ბრალდებით განმუხურში, სადაც "ჯემ ფესტი" მიმდინარეობს, სამართალდამცველებმა ირანის მოქალაქე დააკავეს. ნარკოლოგიური შემოწმების შედეგად, დაკავებულს მარიხუანას, "ექსტაზის" (მდმა) და მეტადონის მოხმარების ფაქტი დაუდგინდა. ამასთან, დაკავებულის ბინის ჩხრეკისას სამართალდამცავებმა დიდი ოდენობით ნარკოტიკული ნივთიერებები აღმოაჩინეს.

2017 წელს ეკონომიკური ზრდის პროგნოზი, შესაძლოა, გადაიხედოს. წლის პირველი ნახევრის შედეგი დამაიმედებელია, მაგრამ მთავრობა არ ჩქარობს. ჯერჯერობით არც ეკონომისტების დადებითი დასკვნები ჩანს. მათი აზრით, დღევანდელი მაკროეკონომიკური შედეგი ხელისუფლების მუშაობიდან ნაკლებად მომდინარეობს, ამიტომ მშპ-ს პროგნოზის გაუმჯობესებაზე საუბარი ნაადრევია.