იმის ფონზე, როდესაც პარლამენტის ორმა კომიტეტმა მხარი დაუჭირა „ნაციონალური მოძრაობის" წევრ ნიკა მელიასთვის იმუნიტეტის მოხსნას, სულ უფრო იზრდება ალბათობა იმისა, რომ მას საბოლოოდ, საღამოს სესიაზე, იმუნიტეტი მოეხსნას.

"გამიჭირდება თქმა, რომ "ოცნება" შეძლებს დადგეს ფეხზე, რადგან ქვეყანაში კრიზისული სიტუაციაა. ამ დარბევის შემდეგ კი ქვეყანაში ჩამოყალიბდა ორი დესტრუქციული ძალა და ახლა მთავარია, რომ ამ ორმა დესტრუქციულმა ძალამ ქვეყანა სამოქალქო დაპირისპირებამდე არ მიიყვანოს" - განაცხადა "რეზონანსთან" ვახტანგ ძაბირაძემ, ვისაც "რეზონანსი" მიმდინარე პოლიტიკურ ვითარებაზე ესაურა.

„ნიკანორ მელიას ბრალად ედება საზოგადოებრივი უშიშროების და წესრიგის წინააღმდეგ მიმართული მძიმე კატეგორიის, ძალადობრივი დანაშაულის ჩადენა, რაც მოქმედი კანონმდებლობის თანახმად, სასჯელის სახით უალტერნატივოდ ითვალისწინებს თავისუფლების აღკვეთას ხანგრძლივი ვადით," - განაცხადა პარალემნტში მისულმა პროკურორმა გულუაშვილმა.

„ვერ გეტყვით, როგორ შეხვდებიან აქციის მონაწილეები პროკურატურის ამ გადაწყვტილებას და მოჰყვება თუ არა საპროტეტსო ტალღის გაძლიერება, რადგან სიტუაცია ისედაც კრიზისულია, მაგრამ  თუ ამ აქციაში ჩაერთვება „ნაციონალური მოძრაობა“, არ გამოვრიცხავ, რომ გულანთებული ახალგაზრდების ნაწილმა საპროტეტსო აქცია დატოვოს“, - ასე ეხმაურება პოლიტოლოგი ვახტანგ ძაბირაძე პროკურატურის განცხადებას ნიკა მელიას წინააღმდეგ სამართლებრივი დევნის დაწყების თაობაზე.

„ევროპის ქვეყნების უმრავლესობა იმ დროს და იმ ვითარებაში მიეცა სიმშვიდეს, როდესაც ეს სიმშვიდე არა მხოლოდ შეცდომა, არამედ დანაშაულებრივია", - ასე ეხმაურება ფილოსოფოსი ზაზა ფირალიშვილი ევროსაბჭოს საპარლამენტო ასამბლეაში რუსეთის დელეგაციისთვის ხმის უფლების აღდგენას.

ერთ კვირიანი უწყვეტი საპროტესტო აქციის საპასუხოდ, შინაგან საქმეთა მინისტრმა  გიორგი გახარიამ, პარლამენტში მისვლა და 20- 21 ივნისის ღამით განვითარებულ მოვლენებზე სიტყვით გამოსვლა მოითხოვა. მინისტრი  გახარია პარლამენტში პლენარულ სესიაზე გამოსვლას ითხოვს. მან საკანონმდებლო ორგანოს წერილობით მიმართა. ის პარლამენტში პარასკევს მივა და მმართველ გუნდში სრული თანხმობაა იმაზე, რომ მას სიტყვით გამოსვლის უფლება უნდა მიეცეს. 

საქართველოს პროკურატურამ 20 ივნისის აქციის საქმეზე „ნაციონალური მოძრაობის" წევრი ნიკა მელია სისხლის სამართლის პასუხისმგებლობაში მისცა. როგორც შესაბამისი უწყება აცხადებს, საქმე აღძრულია ჯგუფური ძალადობის ორგანიზების, ხელმძღვანელობისა და მასში მონაწილეობის ფაქტზე, საქართველოს სისხლის სამართლის კოდექსის 225-ე მუხლით, რაც უმაღლეს სასჯელს 6-დან 9 წლამდე პატიმრობას ითვალისწინებს. ამასთანავე, 26 ივნისს პარლამენტი საკომიტეტო მოსმენაზე მელიასთვის იმუნიტეტის შეჩერებაზე იმსჯელებს.

საქართველოდან რუსი დეპუტატის გაძევების შემდეგ კრემლის გაღიზიანება არ ცხრება. მოსკოვმა საქართველოს, ფაქტობრივად, ეკონომიკური ომი გამოუცხადა; 21 ივნისს რუსეთის ფედერაციის პრეზიდენტმა ვლადიმერ პუტინმა ხელი მოაწერა ბრძანებას, რომლის მიხედვითაც 8 ივლისიდან ფრენები საქართველოს მიმართულებით, როგორც სამგზავრო, ისე ტვირთების გადაზიდვისთვის, აიკრძალება. ამასთანავე, 24 ივნისს რუსეთმა 8 ქართულ კომპანიას ქვეყანაში ღვინის შეტანა აუკრძალა „პროდუქციის ხარისხის გაუარესების" მოტოვით.

„შს მინიტრის გამოსვლა პარლამენტში აუცილებელია, რადგან არის ბევრი საკითხი, რომელზეც ჩვენს საზოგადოებას ხელი არ მიუწვდება და აქვს ნაწილ-ნაწილ ინფორმაცია. იმედია, შსს მინისტრი დეტალურად ისაუბრებს რეალურად რა მოხდა; მაგრამ, როგორც ჩანს, პარლამენტის შემადგენელობის გარკვეულ ჯგუფებს ამ ინფორმაციების გაჟღერება არ უნდათ“, - ასე ეხმაურება „ოცნების“ მაჟორიტარი დეპუტატი კობა კობალაძე პარალმენტში შსს მინისტრის გიორგი გახარიას გამოსვლას, რასაც ოპოზიცია დაუშვებლად მიიჩნევს.

ცნობილი რუსული პოლიტიკური თოკ-შოუ „60 მინუტ“ (60 წუთის) წამყვანი ევგენი პოპოვი და სკანდალური ჟურნალისტი ოლგა სკაბეევა ამტკიცებენ, რომ საქართველოს ხელისუფლება თავის მოქალაქეებს რუსებიs დახოცვისკენ მოუწოდებს. სკაბაევამ და პოპოვმა ეს ფრაზა რამდენჯერმა სხვადასხვა ფორმულირებებით გაიმეორეს თავის გადაცემაში. სკაბაევამ მოგვიანებით განაცხადა, რომ საქართველოში რუსების დახოცვის პირობა დადეს.

„ძალიან ადვილია ქუჩის აქციების წარმართვა ამა თუ იმ მიმართულებით, თუ ვინმეს რამე ინტერესი აქვს. ეს რევოლუციური სცენარი კი აუცილებელია იმიტომ რომ, სააკაშვილი ისე ვერ ჩამოვა საქართველოში. ვხედავთ, რომ „ნაცმოძრაობა" არჩევნებით ვერ გაიმარჯვებს, არადა ჩამოსვლა სჭირდება იმიტომ, რომ უკრაინაში მის წინააღმდეგ პროცესი იწყება. ასე, რომ მისი სასიცოცხლოდ აუცილებლობაა რევოლუციური რეჟიმით გადატრიალების მოწყობა და არა საარჩევნო რეჟიმით. ამიტომაც გახარია რომ გადადგეს, მერე ბახტაძის გადადგომას მოითხოვენ, რა ვიცი,.. კიდევ ბევრი მინისტრია. ბარტყების გადმოგდების არაკი ხომ ვიცით და ამ არაკთან გვაქვს საქმე", - აცხადებს პოლიტოლოგი რამაზ საყვარელიძე.

ფესტივალ Mountain Set: Kazbegi-ს ტერიტორია დაარბიეს. ინფორმაცია ფესტივალის ორგანიზატორების მიერ ვრცელდება. „რეზონანსთან“ ფესტივალის ხელმძღვანელები აცხადებენ, რომ ადგილობრივმა მოსახლეობამ  ინვენტარი დააზიანა  და წაღებულია სამუშაო იარაღები.