„პირადად ჩემი მოსაზრებაა, რომ გახარია უნდა მოვიდეს პარლამენტში  და ნათელი მოჰფინოს ყველაფერს, რაც მოხდა. ოპოზიციამ ძალიან კარგად იცის, რომ  შს მინისტრი რკინისებური არგმუნტებით წარსდგება ამ ტრიბუნიდან და ამიტომ არიან მისი პარლამენტში გამოსვლის წინააღმდეგი“, - ასე ეხმაურება უმრავლესობის დეპუტატი აკაკი ზოიძე  საპარლამენტო ოპოზიიის განცხადებას, რომ გახარიას მოსვლა პარლამენტში უფრო გააღიზიანებს ხალხს.

„როგორც იქნა, ხელისუფლებამ ადეკვატური და ფუნდამენტური, სისტემური ნაბიჯი გადადგა. 0%-იანი ბარიერი გარკვეულ ქაოსსა და კონსოლიდაციის ნაცვლად პოლიტიკური ძალების დაქსაქსვას იწვევს, ეს პრობლემატურია, მაგრამ არა კრიტიკულად პრობლემატური. ბიძინა ივანიშვილი თუ დააპირებს ვინმეს ყიდვას, როგორ გგონიათ, 3%-იანს ვერ იყიდის?! მაინცდამაინც 0,76%-იანი იყიდება და გვაქვს იმის ილუზია, რომ 3%-იანი არ გაიყიდება?", - ასე შეაფასა „რეზონანსთან" საუბრისას პოლიტიკურმა ექსპერტმა, გია ხუხაშვილმა 2020 წლის საპარლამენტო არჩევნების პროპორციული სისტემით, ნულოვანი საარჩევნო ბარიერის პირობებში ჩატარება, რის შესახებაც მმართველი პარტიის, „ქართული ოცნების" თავმჯდომარემ, ბიძინა ივანიშვილმა საგანგებო ბრიფინგზე განაცხადა.

„მელია არის დესტრუქციული ძალის წარმომადგენელი, რომელიც კიდევ ცდილობდა, რომ თავი გაემართლებინა. ფაქტობრივად, მან მოუწოდა ახალგაზრდებს შეჭრილიყვნენ და პარლამენტის გადატრიალება მოეხდინათ. ყველაფრის მიუხედავად, ჰქონდა ძალიან დიდი პრეტენზია, გამოდიოდა და დემაგოგობდა," - ასე იხსენებს უმრავლესობის დეპუტატი შოთა ხაბარელი „რეზონანსთან" საუბრისას დღეს პარლამეტში მომხდარ ინციდენტს.

„ჯერ კიდევ ვლადიმე ილიას ძე ლენინი თვლიდა, რომ თუ ბურჟუაზიამ (კაპიტალისტურმა სამყარომ) მოგება ნახა, შეუძლია, რომ თვითონ მოიტანოს საკუთარი თავის დასახრჩობი თოკი. ძალიან ცუდად გამოიყურება ევროპული ღირებულებების ღალატი, რაც იქნება, თუკი ევროპამ რუსეთს „საზღვრების გადაკერვა" შეარჩინა," - ასე შეაფასა პოლიტოლოგმა რამაზ საყვარელიძემ რუსეთის ევროსაბჭოს საპარლამენტო ასამბლეაში დაბრუნება, რასაც მხარი დაუჭირა 118-მა დელეგატმა, წინააღმდეგიიყო 62, 10-მა კი თავიშეიკავა.

„რუსეთში პროპაგანდისტული წიოკია ატეხილი იმის გამო, რომ საქართველოში ანტისაოკუპაციო აქციები მიმდინარეობს. სამწუხაროა, მაგრამ რუსეთის საგარეო საქმეთა სამინისტრო უკვე კარგა ხანია აღარ არის დიპლომატიური უწყება, ის კრემლის პროპაგანდისტული სააგენტო გახლავთ,"- აცხადებს საქართველოს საგარეო საქმეთა ყოფილი მინისტრი, ანალიტიკოსი ირაკლი მენაღარიშვილი და ამით ეხმაურება სერგეი ლავროვის განცხადებას, რომ დასავლელი კურატორები მზად არიან თვალი დახუჭონ ულტრანაციონალისტების მოქმედებებზე, რუსოფობიაზე, ოღონდ კი გაწყვიტონ ქართველი ხალხის კავშირი რუსეთთან.

პროტესტის მე-5 დღეს „ქართულ ოცნებას" მოუწია კიდევ ერთ დათმობაზე წასულიყო - ბიძინა ივანიშვილი შს მინისტრ გიორგი გახარიას ვერ შეელია, თუმცა დათმო მაჟორიტარობის გაუქმება და გამოაცხადა, რომ 2020 წლის არჩევნები ჩატარდება პროპორციული სისტემით და ნულოვანი ბარიერით.

ვის დასჯას ითხოვს ივანიშვილი 20 ივნისის ღამით განვითარებული მოვლენების შემდეგ "უნდა დაისაჯოს ის, ვინც მასობრივი ძალადობის ორგანიზება მოახდინა და ისიც, ვინც ძალას გადაამეტა", - ამის შესახებ პარტია „ქართული ოცნება - დემოკრატიული საქართველოს" თავმჯდომარე ბიძინა ივანიშვილმა პარტიის ოფისში გამართულ ბრიფინგზე განაცხადა. მისი განცხადებით, საზოგადოების მოთხოვნას მოჰყვება სამართლებრივი შედეგები.

რუსი დეპუტატის საქართველოდან გაძევება კრემლისთვის რთულად გადასატანი ფაქტი აღმოჩნდა - 20 ივნისს აქართველოს პარლამენტში დაწყებული მართლმადიდებლობის საპარლამენტთაშორისო ასამბლეა, საბოლოოდ პარლამენტის თავმჯდომარის სავარძელში მოთავსებული სერგეი გავრილოვის ქვეყნიდან გაპარვით დასრულდა, რის შემდეგაც რუსეთის დამოკიდებულება საქართველოსთან მიმართებაში უფრო მკვეთრი და მკაცრი გახდა.

"გონივრული გადაწყვეტილებაა, რომ 2020 წელს არჩევნები პროპორიცული სისტემით ჩატარდება. რაც შეეხება ბარიერის გაუქმებას, რა თქმა უნდა, აქვს როგორც დადებითი, ასევე უარყოფითი მხარეც"- ასე ეხმაურება კონსტიტუციოლნალისტი ავთანდილ დემეტრაშვილი ბიძინა ივანიშივლის ინიციატივას, 2020 წლის საპარლამენტო არჩევნების პროპორციული სისტემით ჩატარებას ნულოვანი ბარიერით.

"ივანიშივლი იძულებელი გახდა ძირითად ნაწილში დაეთმო, ამას მოაყოლა ნაღმები, მაგრამ თავისივე დატოვებულ ნაღმზე აფეთქდება"- ასე ეხმაურება "რესპულიკური პარტიის" ლიდერი დავით ბერძენიშვილი "ოცნების" ინიციატივას - 2020 წლის არჩევნების ჩატარდეს პროპორციული სისტემით და ნულოვანი ბარიერით.

„რუსეთიდან შესაძლოა დაიწყოს ქართველი არალეგალების მასობრივი გამოსახლება. ამასთანავე, კრემლმა შეიძლება სრულად გადაკეტოს ყველა ის ფინანსური გადმორიცხვა, რომელიც რუსეთიდან საქართველოში ხორციელდება. დამატებით, უნდა აღინიშნოს უცაბედი განგაშის გამოცხადება საჰაერო სადესანტო ჯარებში, სამხედრო სატრანსპორტო ავიაციის ნაწილებსა და ცენტრალურ სამხედრო ოლქში, საიდანაც მოხდება დამატებითი სამხედრო ნაწილები ოპერატიულად გადმოსროლა," - აცხადებს „რეზონანსთან" ანალიტიკოსი სამხედრო საკითხებში ვახტანგ მაისაია რუსეთის მხრიდან მოსალოდნელი ნაბიჯების შესახებ საუბრისას.

"ქართულმა ოცნებამ" იმაზე მეტი შესთავაზა ოპოზიციას, ვიდრე თვითონ ითხოვდნენ. ოპოზიციას დაუდგა ახალი პოლიტიკური სტრატეგიის პროცესი და ახლავე უნდა მიხედონ პროპორციულ სისტემას, თუ ისევ ეცდებიან გააგრძელონ პროცესი, ძალიან სასაცილო და გაუგებარი იქნება"- ასე ეხმაურება პოლიტოლოგი პაატა ზაქარეიშვილი ბიძინა ივანიშვილის ინიციატივას - 2020 წლის საპრლამენტო არჩევნები პროპორციული სისტემით და ნულოვანი ბარიერით ჩატარდეს.