ტელეკომპანია "რუსთავი 2"-ის წილების საქმესთან დაკავშირებით გადამწყვეტი ბრძოლა აქტიურ ფაზაში შედის - უზენაეს სასამართლომ ტელეკომპანიის საქმეზე მსჯელობა დაიწყო, თუმცა როდის გაიმართება მორიგი სხდომა და საბოლოო გადაწყვეტილებას, როდის მიიღებენ, უცნობია.

საპარლამენტო თანამდებობების გადანაწილების შემდგომ, პარლამენტმა ნდობა განახლებულ მთავრობას უნდა გამოუცხადოს. პრემიერ-მინისტრობის კანდიდატის გიორგი კვირიკაშვილის თქმით, საზოგადოება ახალ მინისტრთა კაბინეტზე დაზუსტებულ ინფორმაციას ხვალ გამართულ სპეციალურ ბრიფინგზე შეიტყობს. მანამდე კი პოლიტოლოგები "მთელ კვირასთან" საუბრისას შეცვლილი მინისტრების განვლილ საქმიანობას აფასებენ და განახლებით მოსალოდნელ შედეგებზე საუბრობენ.

რუსული პროპაგანდისტული აქტივობები შესაძლოა მალე ოფიციალურად აიკრძალოს. ახალი მოწვევის პარლამენტში მალე შევა არასამთავრობო სექტორის მიერ მომზადებული კანონპროექტი, რომლითაც უნდა აიკრძალოს ისეთი პოლიტიკური პარტიები, გადაცემები და რეკლამები, რომელიც ქვეყნის სუვერენიტეტის წინააღმდეგაა მიმართული. შემდეგ კი ჯერი "ქართულ ოცნებაზეა", რომლის ერთ-ერთი ლიდერი მამუკა მდინარაძე აცხადებს, რომ მისი აზრით, რუსული პროპაგანდა დიდი არ არის. ამის მიუხედავად იდეას მიესალმებიან, მაგრამ მთავარი დეტალებია და ამ დეტალების გაცნობის გარეშე ვერ ისაუბრებენ რას დაუჭერენ მხარს და რას - არა.

"ქართული ოცნების" უმრავლესობის მიერ ეროვნული უსაფრთხოების კონცეფციის შეცვლა-განახლების იდეა სპეციალისტებში კითხვებს ბადებს. განსაკუთრებით იმის ფონზე, რომ საკითხი თავდაპირველად პრეზიდენტმა წამოწია, რომელიც ეროვნული უშიშროების ერთიანი სტრატეგიის შემუშავების ინიციატივით გამოვიდა.

18 ნოემბერს ახალი პარლამენტის პირველ სხდომაზე დასწრების შემდეგ, საქართველოს პატრიარქი, უწმინდესი და უნეტარესი ილია მეორე მოსკოვში გაემგზავრა. ის დაესწრება იმ საზეიმო ღონისძიებებს, რომლებიც რუსეთის კათალიკოს-პატრიარქის, კირილეს 70-ე წლის იუბილეს ეძღვნება.

"თუ ორივე მხარემ აკადემიური პრინციპებით მოქმედება არ მოისურვა და ისევ ურთიერთლანძღვის რეჟიმში დარჩა, ჩვენ დავკარგავთ 4 წელიწადს და მომავალზე საუბრის ნაცვლად, ისევ წარსულში ჩავეფლობით. პოლიტიკოსებმა კი საკუთარ თავს დააბრალონ რა განწყობასაც ქართული საზოგადოებისგან მიიღებენ", - ამის შესახებ "დამოუკიდებელ ექსპერტთა კლუბის" პრეზიდენტმა სოსო ცისკარიშვილმა "მთელი კვირასთან" "ოცნებისა" და "ნაცმოძრაობის" სამომავლო ურთიერთობის შეფასებისას განაცხადა.

წალენჯიხის მუნიციპალიტეტის სოფელ ლიაში შვილმა მშობლებს თავი მოკვეთა. როგორც ადგილობრივი მაცხოვრებლები ყვებიან, თავმოჭრილი მოხუცები მათმა ქალიშვილმა დილით იპოვა, როდესაც ის მეზობლისგან სახლში დაბრუნდა.

არჩევნების შემდეგ მედიაში საკადრო ცვლილებები გრძელდება - დღეიდან საზოგადოებრივი მაუწყებლის გენერალური დირექტორის პოსტი ვაკანტურია. გიორგი ბარათაშვილი თანამდებობიდან წასვლის შესახებ ოფიციალურ განცხადებას დღეს გააკეთებს. ამბობს, რომ წასვლაზე დიდი ხანია ფიქრობდა, ახლა კი ამისთვის საუკეთესო დროა.

ადამიანის უფლებათა დაცვისა და სამოქალაქო ინტეგრაციის კომიტეტის ახალი თავმჯდომარე სოფო კილაძე "მთელ კვირასთან" ინტერვიუში სამომავლო გეგმებსა და საკუთარ ხედვებზე საუბრობს და ამბობს, რომ ძალისხმევას არ დაიშურებს, რათა ადამიანების უფლებები საქართველოში იმაზე უკეთ იყოს დაცული, ვიდრე დღეს არის.

ახლად არჩეული პარლამენტის პირველ სხდომას პოლიტოლოგები სხვადასხვაგვარად აფასებენ. ნაწილი მიიჩნევს, რომ საკანონმდებლო ორგანოში გამართული გუშინდელი სხდომა უფრო საზეიმო ხასიათის იყო, ვიდრე სამუშაო პრინიციპებზე აგებული. ხოლო მეორე ნაწილი მიიჩნევს, რომ პირველი სხდომა თავისი გზავნილებითა და ახალი სახეებით, საერთო ჯამში, პოზიტიურ მოლოდინსა და ნაკლები აყალმაყალის პროგნოზირების საშუალებას იძლევა.

რუსეთის დუმის დეპუტატი ლეონიდ კალაშნიკოვის განცხადებამ საქართველოში ტერიტორიული კონფლიქტების შესაძლო გადაწყვეტის გზებზე სოხუმში სერიოზული ვნებათაღელვა გამოიწვია. სეპარატისტთა დე ფაქტო საგარეო საქმეთა სამინისტრომ საგანგებო განცხადებაც გაავრცელა, სადაც მოუწოდებენ რუსულ მხარეს, აფხაზეთის სტატუსთან დაკავშირებით, დაუფიქრებელი განცხადებების გაკეთებას მოერიდონ.

კონფლიქტოლოგი, ექსპერტი კავკასიის საკითხებში მამუკა არეშიძე "რეზონანსთან" საუბარში აღნიშნავს, რომ ესაა რუსული ზონდაჟი და ლეონიდ კალაშნიკოვის განცხადებები გათვლილია საზოგადოების რეაქციაზე.