"ვერ დავეთანხმები იმ ექსპერტებს, რომლებიც თვლიან, რომ ამ არჩევნებით ახალი პოლიტიკური რეალობა მივიღეთ, იმიტომ, რომ საქართველოში პარტიები საერთოდ არ არსებობს და მათი შექმნა დაწყებულიც არ არის. ამ არჩევნებით გამოაშკარავდა პარტიების რეალური წონა ჩვენს საზოგადოებაში," - აცხადებს პეტრე მამრაძე, რომელსაც "რეზონანსი" ქართულ პოლიტიკაში მოვლენათა განვითარების სავარაუდო პერსპექტივებზე ესაუბრა.

ფსიქოლოგების აზრით, ძველი ხალხური ზღაპრები ბავშვებისთვის აღმზრდელობითი საზრდოა. ამიტომ მათთვის, განათლებისა და მეცნიერების მინისტრ ალექსანდრე ჯეჯელავას პოზიცია ქართული ზღაპრების და მულტფილმების შეცვლასთან დაკავშირებით, გაუგებარია. მინისტრის პოზიციას არ იზიარებს განათლების ექსპერტების ნაწილი; ზოგი, უფრო მეტიც, მინისტრს სხვა მნიშვნელოვანი საკითხებით დაკავებისკენ მოუწოდებს.

თბილისის საკრებულოს დამოუკიდებელი დეპუტატი ალეკო ელისაშვილი და ფრაქცია "რესპუბლიკელების" წევრი დავით ზურაბიშვილი თბილისის მერიისგან "სითი პარკთან" ხელშეკრულების გაუქმებას მოითხოვენ. ისინი ხელისუფლებას 2014 წლის თვითმართველობის არჩევნების დროს, თბილისელებისთვის მიცემული დაპირების შესრულებას სთხოვენ და დავით ნარმანიას ქალაქის ბიუჯეტის დამტკიცებამდე გადაწყვეტილების მიღებისკენ მოუწოდებენ.

პოლიტოლოგი, პროფესორი იგორ კვესელავა რუსეთსა და ამერიკას შორის ურთიერთობის დათბობას პროგნოზირებს და აცხადებს, რომ ამ პროცესში ვერავინ მოგვცემს იმის გარანტიას, რომ ეს ჩვენი ინტერსების ხარჯზე არ მოხდება და საქართველო რაიმე კუთხით არ დაზარალდება.

მსოფლიოს წამყვანმა სოციოლოგიურმა კომპანიებმა წელს უკვე მეორედ არასწორი პროგნოზი დადეს და ვერ გამოიცნეს მსოფლიოსთვის მნიშვნელოვანი მოვლენები - ვერც აშშ-ის პრეზიდენტის ვინაობა და ვერც ბრიტანეთის ევროკავშირიდან გასვლაზე რეფერნდუმის შედეგი. ამ ფონზე რა გასაკვირია ის შედეგი, რაც საქართველოში წინასაარჩევნოდ იდება ხოლმე.

შეცვლის თუ არა ამერიკის 45-ე პრეზიდენტი, რესპუბლიკელი დონალდ ტრამპი გლობალურ პოლიტიკურ ვითარებას და რა ადგილი ექნება საქართველოს აშშ-ის საგარეო პოლიტიკაში, ამის თაობაზე "რეზონანსი" პოლიტოლოგ სოსო ცინცაძეს გაესაუბრა.

"ნაციონალური მოძრაობის" გარშემო კვლავ ვნებათაღელვაა - პარლამენტში შესვლა-არშესვლის მსჯელობის შემდეგ პარტიაში ლიდერის შეცვლაზე ალაპარაკდნენ, სადაც მიხეილ სააკაშვილის მომხრეები და მოწინაღმდეგებები ერთმანეთს ღიად დაუპირისპირდნენ.

"ამერიკის შეერთებული შტატების ხელმძღვანელობის დამოკიდებულება იმის მიმართ, რაც სამხრეთ კავკასიასა და საქართველოში ხდება, არ შეიცვლება. თუკი ამის შეცვლა ვინმემ არ მოინდომა და იქაურ ადმინისტრაციას არ შეუჩნდა," - ამბობს პოლიტოლოგი, კონფლიქტოლოგი მამუკა არეშიძე აშშ-ის საპრეზიდენტო არჩევნების შედეგებზე საუბრისას და დასძენს, რომ ეს "ვინმე" შესაძლოა, მიხეილ სააკაშვილი იყოს. მით უმეტეს, რომ მას ტრამპთან "გარკვეული ურთიერთობები" უკვე აქვს.

უკრაინის მინისტრთა კაბინეტმა მიხეილ სააკაშვილის ოდესის ოლქის გუბერნატორის პოსტიდან გათავისუფლების გადაწყვეტილებას გუშინ მხარი დაუჭირა. ახლა სააკაშვილის გათავისუფლების დოკუმენტს ხელი პრეზიდენტმა პეტრო პოროშენკომ უნდა მოაწეროს და საქართველოს ექსპრეზიდენტი უკვე ოფიციალურად გათავისუფლდება თანამდებობიდან.

სჭირდება თუ არა საქართველოს ფლოტი და საზღვაო სამხედრო ძალები? ამ კითხვაზე თავდაცვის მინისტრსა და სამხედრო სფეროს სპეციალისტებს განსხვავებული პასუხები აქვთ. მინისტრი მიიჩნევს, რომ ეს საქართველოსთვის "ძვირი სიამოვნებაა", ექსპერტები კი აცხადებენ, რომ თუკი საზღვაო მიმართულებით ქვეყანას ფული "ენანება", მაშინ შეიარაღებული ძალებისათვის ფინანსების გამოყოფა საერთოდ უნდა შევწყვიტოთ.

საქართველოს საპატრიარქოს ოფიციალური დელეგაცია, 7-11 ნოემბერს საინფორმაციო შეხვედრებს ბრიუსელში, ნატო-ს შტაბბინასა და ევროპარლამენტში გამართავს და როგორც საქართველოს პოლიტიკის ინსტიტუტის დირექტორი კორნელი კაკაჩია აცხადებს, რადგან საქართველოში მომძლავრებულია რუსული პროპაგანდა, რომლის მთავარი სამიზნე არის ეკლესია და მესიჯი, რომ ევროკავშირი არის გარკვეული საფრთხე ქართული ფასეულობებისა თუ იდენტობისთვის, ეს შეხვედრები ერთგვარი გზავნილი იქნება იმისჰ, რომ ქართული ეკლესია ევროინტეგრაციის მომხრეა.

ანალიტიკოს ზაალ ანჯაფარიძეს მიაჩნია, რომ ამ არჩევნებმა საზოგადოებას და პოლიტიკოსებს კარგი გაკვეთილი ჩაუტარა, რადგანაც მისმა შედეგმა ყველას კარგად დაანახა კონკრეტული პარტიების მიღმა რა იმალებოდა და მათი ამბიციები მხოლოდ ფუჭი ილუზია აღმოჩნდა.