ჯერჯერობით უცნობია, როდის გაიმართება ყრილობა და ვინ განიხილებიან "ნაციონალური მოძრაობის" თავმჯომარის კანდიდატურებად. როგორც "მთელ კვირასთან" პარტიის ერთ-ერთმა წევრმა ელენე ხოშტარიამ განაცხადა, აღნიშნულ საკითხებზე მსჯელობა ჯერ არ დაწყებულა.

მიუხედავად იმისა, რომ უკეთესის მოლოდინი დიდი იყო, ახალი მოწვევის პარლამენტში გენდერული დისბალანსის საკითხი კვლავ მწვავედ დგას - 150 დეპუტატიდან ქალი მხოლოდ 24-ია. თუმცა, წინა, მე-8 მოწვევის პარლამენტთან შედარებით ეს შედეგი გაუმჯობესებულია - მაშინ საკანონმდებლო ორგანოში 18 დეპუტატი ქალი იყო.

2 ნოემბერს, რუსეთის დუმამ, აფხაზეთის პარლამენტის მიერ 2015 წლის დეკემბერში მიღებული კანონის რატიფიცირება მოახდინა. დოკუმენტი, რომელიც რუსულ-აფხაზური შეიარაღებული ძალების გაერთიანებული დაჯგუფების შექმნას შეეხება, ქართული მხარის, ასევე აფხაზური ოპოზიციის მწვავე განხილვისა და რუსეთთან დაპირისპირების ახალი ტალღის გამომწვევი გახდა.

ნატოს გენერალური მდივანი იენს სტოლტენბერგი აცხადებს, რომ ევროპა უსაფრთხოების კუთხით რთულ სიტუაციაშია და რუსეთი მზად არის უკრაინასა და საქართველოს წინააღმდეგ სამხედრო ძალა გამოიყენოს.

"ნაცმოძრაობის" ხელმძღვანელობის შესაძლო ცვლილების ინიციატივას პოლიტოლოგები საეჭვოს უწოდებენ. მათი აზრით, ამ თემის საჯაროდ გამოტანა ბევრ კითხვას ბადებს. ჩვეულებრივ სიტუაციაში, მათი თქმით, შიდაპარტიულ საკითხს "ნაციონალური მოძრაობა" საჯარო მსჯელობის საგნად არ აქცევდა.

თბილისში შემზარავი მკვლელობა მოხდა, 19 ოქტომბერს 70 წლის დაკარგულ ქალბატონს, რომელსაც პოლიცია ერთი კვირის განმავლობაში ეძებდა, გლდანის ნაგავსაყრელზე მიაგნეს, სადაც მხოლოდ მისი ფერფლიღა იყო დარჩენილი. შინაგან საქმეთა სამინისტროს ინფორმაციით, 70 წლამდე ქალის მკვლელობის ბრალდებით 5 პირია დაკავებული.

"კონსულტაციისთვის ჩემთვის არაერთხელ მოუმართავთ. მაშინაც კი, როცა ხელისუფლების ოპოზიციაში ვიყავი. არც მაშინ მითქვამს უარი და არც არასოდეს, ამიტომ გააჩნია რაზე იქნება დამოკიდებული კონსულტაცია", - აცხადებს "რეზონანსთან" საუბრისას ყოფილი "რესპუბლიკელი" ვახტანგ ხმალაძე და იქვე დასძენს, რომ აზრთა თანხვედრის შემთხვევაში მისი თანამშრომლობა არც მმართველ პარტიასთანაა გამორიცხული.

პოლიტოლოგი ხათუნა ლაგაზიძე ამბობს, რომ არჩევნების შემდეგ ქვეყანაში პოლიტიკური ველზე მხოლოდ ყამირია, ხოლო მის დასაკავებლად საკმაოდ დიდი რესურსი და ახალი სახეებია საჭირო. ამიტომაც პოლიტოლოგს მიაჩნია, რომ დავით უსუფაშვილმა აქცენტი გუნდის შექმნისას, ძველ და ვადაგასულ პოლიტიკოსებზე არ უნდა გააკეთოს.

"საქართველოს ვიზალიბერალიზაცია დამოკიდებულია შეჩერების მექანიზმის საკითხზე, თუმცა როდის მოხდება მისი ამოქმედება, ეს არავინ არ იცის", - განაცხადა ფონდ "ღია საზოგადოება-საქართველოს" ევროინტეგრაციის პროგრამის მენეჯერმა ვანო ჩხიკვაძემ უვიზო რეჟიმის შემოღების ვადებთან დაკავშირებით. მისი თქმით, ამისთვის 2-წლიანი ვადაა, თუმცა იგი იმედოვნებს, რომ საქართველოს საკითხი ამდენ დროს არ მოითხოვს.

ახალი მინისტრთა კაბინეტის დამტკიცებამდე სპეციალისტები ხელისუფლებას ეკონომიკის, ფინანსთა, საგარეო საქმეთა მინისტრების შეცვლას ურჩევენ და ამბობენ, რომ მუშაობის პროცესში ისინი აშკარად მოიკოჭლებდნენ. მიიჩნევენ, რომ მათი გადაყენება საზოგადოების თვალშიც დადებითად აღიქმება და ეს მომგებიან ნაბიჯად შეიძლება იქცეს.

ტერორისტული ორგანიზაციის "ისლამური ხალიფატის" მიერ საკუთარი მებრძოლებისადმი მოწოდება, ბრძოლის ველი თურქეთში გადაიტანონ, ქართველი ანალიტიკოსების თქმით, საფრთხეებს საქართველოსთვისაც მოიცავს - ზაალ კასრელიშვილი თვლის, რომ დაზღვეული არ ვართ ტერაქტებისგან. მამუკა არეშიძის განცხადებით კი, დღეს ქვეყანაში ყველაზე დიდი საფრთხე ბოლო დროს ძალიან გაძლიერებული ისის-ის იდეების პროპაგანდაა, რადგან აღმოსავლეთ საქართველოში რადიკალი ისლამისტების ლიდერებმა პირდაპირი საჯარო ქადაგებები დაიწყეს.

რამდენიმედღიანი კონსულტაციებისა და მსჯელობის შემდგომ, "ქართულ ოცნებაში" უკვე ღიად საუბრობენ იმის შესახებ, რომ მე-9 მოწვევის პარლამენტის თავმჯდომარე პარტიის აღმასრულებელი მდივანი ირაკლი კობახიძე იქნება.