თბილისში გაზის მილების სრულ რეაბილიტაციას ნახევარი მილიარდი ლარი დასჭირდება. სპეციალისტების გაანგარიშებით, "ყაზტრანსგაზს" ქსელების რეაბილიტაციისათვის დაახლოებით ამ თანხის დახარჯვა მოუწევს, თუმცა აუცილებელია ასევე კანონმდებლობის გამკაცრება და არსებული სტანდარტების გაუმჯობესება, რის გარეშეც პრობლემის აღმოფხვრა შეუძლებელია.

ტექდათვალიერების ამოქმედების შემდეგ, ახალ მანქანებზე ფასი კიდევ უფრო მოიმატებს, რაც გაყიდვის შემცირებასაც გამოიწვევს. გარდა ამისა, ავტოიმპორტს კიდევ ერთი საფრთხე ემუქრება - შესაძლოა, შუა აზიის რამდენიმე ქვეყანამ, ყაზახეთის მსგავსად, საბაჟო კავშირის არაწევრი ქვეყნებიდან შესულ მანქანებზე განბაჟების გადასახადი მკვეთრად გაზარდოს.

საერთაშორისო ბაზრებზე ხორბალი იაფდება, ხოლო საქართველოში ფასი მატულობს. ამის მიზეზი რუსული მარცვლეულის ფასია, რომელიც ბოლო თვეების განმავლობაში იმატებს. მიუხედავად იმისა, რომ ხორბალი სტრატეგიული რესურსია, ბაზარი არ არის დივერსიფიცირებული და თითქმის 100%-ით რუსულ პროდუქტზე ვართ დამოკიდებული, როცა ალტერნატივა რეალურად არსებობს.

კერძო ბიზნესი საპენსიო რეფორმით გათვალისწინებული 2%-ის გადახდას არ აპირებს. დამსაქმებლები ამას კანონის გვერდის ავლითი გზების გამონახვით ახერხებენ. კომპანიების ნაწილმა დასაქმებულებს ხელშეკრულების ფორმა შეუცვალა და თავი ასე აარიდა დამატებით ხარჯს. ზოგან თანამშრომლებს შეუთანხმდნენ, რომ აღნიშნული 2%-ის გადახდას მათ დააკისრებენ. პროფკავშირები მიიჩნევენ, რომ მთავრობა ასეთი ფაქტების წინაშე უძლურია.

წყლის შემდეგ, საოჯახო ტიპის სასტუმროებმა შესაძლოა, გაზის გადასახადიც შეღავათიანი ტარიფით გადაიხადონ. ცვლილება, რომელიც 2018 წლის ბოლოს მცირე ბიზნესის ამ ნაწილს შეეხო, უფრო მეტად ფართოვდება. სემეკ-ში აცხადებენ, რომ ამ კუთხით მუშაობა ჯერჯერობით არ დაუწყიათ, მაგრამ მისი განხორციელების შანსი არსებობს.

იმპორტი კატასტროფულად მატულობს და ქვეყნის ეკონომიკური განვითარების შანსს სპობს. ყოველწლიურად საქართველოდან მილიარდობით დოლარი გაედინება და მთავრობა ამას ვერაფერს უხერხებს. ოფიციალურმა სტატისტიკამ აჩვენა, რომ 2018 წელს საქართველოს ისტორიაში ყველაზე დიდი ოდენობის იმპორტი დაფიქსირდა. წინა წელთან შედარებით, მან ნახტომისებრი ზრდა განიცადა და 9,122 მლრდ დოლარი შეადგინა.

დღეიდან ახალი სამშენებლო რეგლამენტი ამოქმედდა. მისი დაწესება, დიდი ალბათობით, უძრავი ქონების ფასს გაზრდის, თუმცა მშენებლები ფიქრობენ, რომ ცვლილება ეტაპობრივად გაგრძელდება და ხარისხიც უფრო მეტად დაიხვეწება, რაც სახელმწიფოს მხრიდან წინ გადადგმული ნაბიჯია. ჯერჯერობით რეგლამენტი ყველა სახის სამშენებლო მასალას არ ეხება და ყველა მხრივ ხარისხის გაუმჯობესება მოსალოდნელი არ არის.

სავაჭრო ქსელების პოლიტიკა მეწარმეებისა და სადისტრიბუციო კომპანიებისათვის მიუღებელია. პრობლემა განსაკუთრებით ე.წ. ქეშ-ბექებს უკავშირდება, რის გამოც იმპორტიორები სუპერმარკეტებთან პოზიციებს იძულებით თმობენ, საბოლოოდ კი მომხმარებელი ზარალდება. ისინი ამბობენ, რომ სავაჭრო ქსელების წარმომადგენლები ფულს ითხოვენ იმისათვის, რომ დისტრიბუტორების მიერ შემოტანილი პროდუქცია დახლებზე დაალაგონ და გაყიდონ. უკან არც მაშინ იხევენ, როცა საქმე პურსა და პურპროდუქტების ეხება.

ლარის კურსი და საწვავის ფასი 2019 წელსაც ერთ-ერთი მთავარი პრობლემა იქნება როგორც მთავრობისათვის, ასევე მთელი ქვეყნის მოსახლეობისათვის. 2019 წელს ლარი 2,60-იან ნიშნულს არ ჩამოსცდება. ასეთია ბიუჯეტის პროექტის მიერ განსაზღვრული მაჩვენებელი, რომლის გარშემოც ზედა ან ქვედა ზღვარს შეიძლება მხოლოდ 10 პუნქტით გადასცდეს ეროვნული ვალუტა. რაც შეეხება საწვავის ფასს, ის, მსოფლიო ბაზრის ტენდენციების მიხედვით, ბევრად მეტად უნდა გაიაფებულიყო, თუმცა ანალიტიკოსები მიიჩნევენ, რომ ხელი ადგილობრივმა მონოპოლიამ შეუშალა.

მეორე წელია, წარმატებით ტარდება "მაგთიკომისა" და "ნეოსტუდიის" ერთობლივი ფოტოკონკურსი "რაკურსი", რომლის მიზანი მოყვარული თუ პროფესიონალი ფოტოგრაფების წახალისება და მათი ნამუშევრების ფართო საზოგადოებისათვის გაცნობაა.

ახალი წლიდან მოქმედმა რეგულაციებმა მიკროსაფინანსო ორგანიზაციებს საყრდენი გამოაცალა. სწრაფი სესხების კომპანიები საფინანსო ბაზარს ტოვებენ და ეს ტენდენცია მთელი 2019 წლის განმავლობაში გაგრძელდება. სპეციალისტების განცხადებით, მიკროსაფინანსოებს სესხების გაცემის მექანიზმი მაქსიმალურად შეეზღუდათ და ისინი საქმიანობას ვეღარ ახერხებენ.

ხალხს გაძვირებული პურის საბოლოოდ შეაჩეჩეს. მიუხედავად იმისა, რომ ამ საკითხით მთავრობა დაინტერესდა და პურის გაძვირების მიზეზს კონკურენციის სააგენტო პრემიერის უშუალო დავალებით სწავლობს, მომხმარებელს პური არ გაუიაფდება. მეტიც, ბოლო დღეების განმავლობაში კიდევ 1 ლარით გაძვირდა ფქვილი, რასაც მეპურეები რუსული ხორბლის გაძვირებას უკავშირებენ. იანვრიდან მოყოლებული, 1 ტონა ხორბლის ფასი 800 ლარია.