2017 წელს ინფლაციის მაჩვენებელი მიზნობრივ ნიშნულს აუცილებლად გადასცდება. ამაზე სპეციალისტები ხმამაღლა საუბრობენ და აცხადებენ, რომ ფასების ზრდას მთავრობის მხრიდან აქციზის გაძვირება და სავალუტო რყევებიც უწყობს ხელს.

საყოველთაო ჯანდაცვის პროგრამაში ცვლილების გამო, სახელმწიფოსა და სადაზღვევო ინდუსტრიის წარმომადგენელთა შორის დიდი უთანხმოებაა. კომპანიების მხრიდან კრიტიკა საყოველთაო ჯანდაცვისა და კერძო დაზღვევის პაკეტების გამიჯვნას მოჰყვა. ჯანდაცვის მინისტრს კი მიაჩნია, რომ ახლა, როდესაც საყოველთაო ჯანდაცვის პროგრამაში ცვლილებები მზადაა და გადაწყვეტილება კი - მიღებული, კერძო სექტორის მხრიდან შენიშვნები არალოგიკურია.

საქართველოში ფასიანი ქაღალდების ბაზარი ერთპიროვნულად ბანკების მხრიდან კონტროლდება. საბაკო სექტორის ინტერესებში სულაც არ შედის სხვა საფინანსო მიმართულების განვითარება, რომელიც მათ ღირსეულ კონკურენციას გაუწევს. ახალგაზრდა ფინანსისტთა და ბიზნესმენთა ასოციაციის პრეზიდენტი შოთა გულბანი აცხადებს, რომ ბანკები საფონდო ბირჟის განვითარებას ხელოვნურად აფერხებენ. იგი საქართველოს ეროვნული ბანკის მიერ გატარებულ ახალ რეფორმას საფონდო ბირჟასთან დაკავშირებით არადამაჯერებლად მიიჩნევს.

საქართველოში მსხვილი სავაჭრო ობიექტები იხურება და ეს ტენდენცია მთელი წელი გაგრძელდება. ამ ტენდენციას იმპორტიორები და დარგის სპეციალისტები სხვადასხვა მხრივ განიხილავენ. იმპორტიორთა თქმით, სავაჭრო ქსელებს უჭირთ ფინანსური ვალდებულების შესრულება და თავიდან იცილებენ ნაკისრ ვარლდებულებებს. ექსპერტების აზრით კი, მსხვილი სავაჭრო ობიექტების დახურვის მიზეზი მონოპოლიზებული ბაზარია.

სპეციალისტების მიერ დაწუნებული მოგების ახალი გადასახადი უკვე ძალაშია. გადამხდელებს დეკლარაციის წარდგენა ახალი წესის შესაბამისად მოუწევთ. მთავრობა ფიქრობს, რომ ე.წ. ესტონური მოდელის შემოღება ეკონომიკურ ზრდას, დაახლოებით, 1,5%-ით დააჩქარებს. საგადასახადო სფეროს სპეციალისტების შეფასებით, მოგების გადასახადის რეფორმირების შემოღებამ შესაძლოა, ეკონომიკური ეფექტი ნამდვილად მოგვცეს, მაგრამ არც იმდენად მნიშვნელოვანი, როგორი განცხადებაც მთავრობის მხრიდან კეთდება.

2017 წლის იანვარში ექსპორტი 45%-ით გაიზარდა. მთავრობა ირწმუნება, რომ შემოდგომისთვის ეს მაჩვენებელი კიდევ უფრო მოიმატებს. მათ ოპტიმიზს მაინცდამაინც არ იზიარებენ სპეციალისტები, რადგან ექსპორტის საშუალო წლიურ მაჩვენებელთან შეფარდებით ზრდა თვალშისაცემი არ არის.

საწვავის ფასი ლამის ყოველდღიურად იცვლება. იანვრიდან მოყოლებული, საწვავი 35 თეთრით გაძვირდა. გარდა ამისა, ნავთობპროდუქტების ღირებულებაზე მნიშვნელოვანი გავლენა მოახდინა საერთაშორისო ფასმა და ლარის კურსმა, რამაც გარკვეულწილად მოხმარების შემცირება გამოიწვია, რასაც იმპორტიორებიც ადასტურებენ.

მიუხედავად იმისა, რომ თამბაქოზე აქციზის გადასახადი გაიზარდა და მომხმარებელთა უმრავლესობა შედარებით იაფფასიანი სიგარეტის მოხმარებაზე გადავიდა, თამბაქოს ბიზნესი მაინც ფართოვდება. ამის ერთ-ერთი დამადასტურებელი მაგალითი ბიზნესმენ თემურ ჭყონიას თამბაქოს ბაზარზე შემოსვლაა. გარდა ამისა, დიდი ომი გაჩაღდა ორ უმსხვილეს კომპანიას - "ფილიპ მორისსა" და "თბილისის თამბაქოს" შორის. თამბაქოს ბიზნესში ადგილის დამკვიდრებისთვის ბრძოლას, სპეციალისტები მისი მაღალი შემოსავლიანობით ხსნიან.

მარტში, დიდი ალბათობით, ლარის გამყარების ტემპი დაჩქარდება. როგორც სპეციალისტები ვარაუდობენ, კურსი სავარაუდოდ, 2,50-ის ფარგლებში დაფიქსირდება. "ბლუმბერგის" პლატფორმაზე ლარის გამყარების ტენდენცია თვენახევრის წინ დაიწყო და სხვადასხვა ამპლიტუდით დღემდე გრძელდება. 5 იანვარს კურსი 1 დოლარი 2,76 ლარი ღირდა, ამჟამად 2,63-ის ფარგლებშია.

ლარის გაუფასურების გამო, მედიკამენტების ფასი 2016 წელს, დაახლოებით, 20-22%-ით გაიზარდა. ეს არაოფიციალური მონაცემებია, რომელიც ფარმაცევტული ბაზრის წარმომადგენლებმა (არაბრენდირებული აფთიაქებიდან) მოგვაწოდეს. დასახელებულ ციფრს დამაჯერებელს უწოდებს სამედიცინო სფეროს სპეციალისტების უმეტესობა, რომელთა შეფასებითაც ლარის დევალვაციამ მომხმარებელს წამლები საგრძნობლად გაუძვირა, რასაც ექსპერტები ოფიციალური სტატისტიკის გარეშეც ადასტურებენ.

საქართველოს მოსახლეობის უმრავლესობისთვის სოციალური ფონი დღითი დღე უარესდება. მათ პირველადი მოხმარების პროდუქტის შეძენაც უჭირთ. სპეციალისტები აცხადებენ, რომ ბოლო წლების სტატისტიკის მიხედვით, ქვეყანაში ყველანაირი წარმოება შემცირებულია. იმისათვის, რომ ხალხის მდგომარეობა გამოსწორდეს და მათ შეძლონ გაზარდონ მოხმარება სხვადასხვა პროდუქტზე 4-5 წელია საჭირო. ესეც იმ შემთხვევაში, თუკი 2017 წლიდან დაიწყება ვითარების გაუმჯობესებაზე ზრუნვა.

მთავრობისა და საერთაშორისო ორგანიზაციების მიერ დაანონსებული მთლიანი შიგა პროდუქტის 4%-მდე ზრდას არ ეთანხმება ფინანსისტთა ნაწილი. ამის მიზეზი კი 2016 წლის მაკროეკონომიკური მაჩვენებლებია, რომლებიც საკმაოდ არასახარბიელო აღმოჩნდა. მთავრობის მოლოდინი, რომ 2017 წელი კარგი იქნება ვერ გამართლდება, თუკი ისინი რადიკალურად არ შეცვლიან ქვეყნის ეკონომიკურ პოლიტიკას.