საქართველო სატრანზიტო ფუნქციას ნელ-ნელა კარგავს. ბოლო 4 წელიწადში გადაზიდვები 20%-ით შემცირდა. ტენდენცია თუ გაგრძელდება, მომავალ 5 წელიწადში, შესაძლოა, ეს მაჩვენებელი განახევრდეს კიდეც. საფრთხეზე უკვე ექსპერტებიც ალაპარაკდნენ. ისინი მიზეზად ექსპორტისა და რეექსპორტის კუთხით არსებულ პრობლემას მიიჩნევენ და მთავრობას არაადეკვატურ ნაბიჯებში სდებენ ბრალს.

კა-2 კოეფიციენტის რამდენიმე თვის შეზღუდვამ დედაქალაქში პრობლემა ჯერჯერობით ვერ აღმოფხვრა. ამიტომ თბილისის მერიაში რეგულაციის ვადის გაგრძელებას აპირებენ. დედაქაალრის მერმა დავით ნარმანიამ ამ ყველაფერს, გარკვეულწილად, ადასტურებს კიდეც. პარალელურად მშენებლები აცხადებენ, რომ თბილისის ცენტრი იმდენად გადატვირთულია, რომ ადგილი აღარც არის დარჩენილი.

კახეთში, შარშანდელთან შედარებით, მზესუმზირის ფასი განახევრდა, სამაგიეროდ, წელს ძალიან კარგი მოსავალია და არც ხარისხია ურიგო. თუმცა, მიზერული ფასის გამო ხალხს რეალიზაციის პრობლემა შეექმნა. გადამამუშავებელი ქარხნები უმაღლესი ხარისხის პროდუქტში 1,10 ლარს ძლივს იხდიან, როცა შარშან 2,20 ლარზე იაფად მზესუმზირა არ გაყიდულა. ხალხი ეჭვობს, რომ ქვეყანაში იაფი ნედლეული შემოდის, რის გამოც ადგილობრივის ფასი დაეცა.

საქართველოს საბანკო სექტორში ფულის გათეთრების ნიშნები აშკარაა. ჯერჯერობით სახეზეა ერთი ფაქტი, რომელიც "კაპიტალ ბანკის" საქმიანობას ეხება და მისთვის ლიცენზიის გაუქმების მიზეზი გახდა. როგორც სპეციალისტები ვარაუდობენ, საქართველოში არალეგალური ფულის მოძრაობა მხოლოდ "კაპიტალ ბანკით" არ შემოიფარგლება. ფულის გათეთრების და სხვა უკანონო მაქინაციებში შეიძლება, სწორედ ამ ტიპის ბანკები იყვნენ ჩართული. ისინი ძალიან პასიურები არიან, არ ემსახურებიან ხალხს და, ძირითადად, ფულის გატარებით არიან დაკავებული.

სახელმწიფო მოხელეები ბოლო დროს ლარის გამყარებაზე თითქმის აღარ საუბრობენ და მხოლოდ მის დასტაბილურებაზე აკეთებენ აქცენტს. ბიზნესმენები და სპეციალისტები კი ამბობენ, რომ თუკი ეროვნული ვალუტა დღევანდელ ნიშნულზე "დასტაბილურდა", ქვეყანა ეკონომიკურ კრიზისს თავს ვერ დააღწევს და ვერც მოსახლეობა ამოვა ჭაობიდან. ლარის დღევანდელ მაჩვენებელზე (2.48) შეჩერება აშფოთებთ იმპორტიორებსა და მსესხებლებს.

მთავრობის მიერ ლარის დევალვაციის შესაჩერებლად გაკეთებულმა განცხადებამ ექსპერტებს თავგზა აუბნია. ისინი ეჭვობენ, რომ შესაძლოა, დოლარში სესხების გაცემა აიკრძალოს ან უკიდურესად შეიზღუდოს. სპეციალისტები მთავრობას აკრიტიკებენ, ხოლო ბანკების ასოციაციას და საქართველოს ეროვნული ბანკს ახლა ის დრო უდგათ, როცა ლაპარაკს დუმილს ამჯობინებენ.

ტურისტული სეზონი ახლოვდება და საკურორტო ზონები დამსვენებლების მისაღებად მზად არიან. წელსაც, ისევე როგორც შარშან, ზამთრის კურორტები ისევ უცხოელი ტურისტების იმედად რჩებიან. ადგილობრივ მოსახლეობას დასვენებისთვის საკმარისი თავისუფალი სახსრები არ გააჩნია.

ლარის კურსის მორიგმა დევალვაციამ მსესხებლების მდგომარეობა მკვეთრად დაამძიმა. თუკი შარშან, ლარის გაუფასურების გამო, აღებული კრედიტის მომსახურების სანაცვლოდ მომხმარებელი 500 მილიონი ლარით ზედმეტს იხდიდა, წლეულს ეს თანხა, შესაძლოა, 900 მილიონს გაუტოლდეს.

დეკემბრიდან საქართელოს ეროვნული ბანკის საბჭოს რამდენიმე წევრი შეიცვლება და მისი სტრუქტურიდან ნაციონალურ მოძრაობასთან დაახლოებული კადრები საბოლოოდ გაქრებიან. სებ-ი დღესდღეობით ერთადერთი უმაღლესი კატეგორიის სახელმწიფო უწყებაა, სადაც სააკაშვილის დროინდელი კადრები ჯერ კიდევ უმრავლესობაში არიან. სპეციალისტების აზრით, ეროვნულ ბანკში მოახლოებული ცვლილება ბევრს არაფერს შეცვლის და სებ-ის დამოუკიდებლობა მაინც საეჭვო იქნება.

საფინანსო კომპანია "საქართველოს" მიერ დაზარალებული მეანაბრეები საპროტესტო აქციებს უკვე პერმანენტულად მართავენ. ისინი კუთვნილი ანაბრების დაბრუნებას ითხოვენ, მაგრამ რეალურად მათი პრობლემის მოგვარება ძალიან რთული იქნება თუ შეუძლებელი არა.

ქვეყანაში იმპორტი მუდმივად მატულობს. 2016 წლის იანვარ-ოქტომბერში, წინა წლის ანალოგიურ მაჩვენებელთან შედარებით, იმპორტი 31%-ით არის გაზრდილი. რაც შეეხება ექსპორტს, პირველ 10 თვეში საქართველოს საექსპორტო მაჩვენებელი 7%-ით შემცირდა. პარალელურად იზრდება უარყოფითი სავაჭრო ბალანსი.

მიუხედავად იმისა, რომ საქართველოში ეროვნული ვალუტა უფასურდება, ქვეყანაში ინფლაცია არ შეინიშნება. სავაჭრო ბაზარზე მხოლოდ შაქრისა და საწვავის ფასმა მოიმატა, დანარჩენი პროდუქტის ღირებულება ან იკლებს, ან უცვლელი რჩება. სპეციალისტები ორ ძირითად მიზეზს ასახელებენ: იმპორტიორ ქვეყნებში ეროვნული ვალუტების გაუფასურება და საქართველოს მოსახლეობის არამსყიდველუნარიანობა. ამ ორი ფაქტორის გამო ინფლაცია ჯერჯერობით მიზერულია.