ბოლო რამდენიმე თვეა, თბილისში მიწებზე მოთხოვნა გაიზარდა. დეველოპერების ინფორმაციით, რეალიზაცია იმდენად აქტიური გახდა, რომ დიდი მშენებლობებისთვის ფართი, პრაქტიკულად, არ დარჩა. რაც შეეხება მყიდველს, აშკარა უპირატესობა უცხოელებს აქვთ, უფრო კი, ერაყელი, ეგვიპტელი და არაბი ინვესტორები აქტიურობენ. ინტერესი უკრაინელი ბიზნესმენების მხრიდანაც შეიმჩნევა.

"კავკასუს ონლაინის" დამფუძნებელი მამია სანადირაძე კომპანიის ირგვლივ ახალ კორუფციულ სქემაზე საუბრობს. იგეგმება საბითუმო ქსელისა და კაბელის ნაწილის სახელმწიფოსთვის მიყიდვა იმ მიზნით, თითქოს უშიშროებას უსაფრთხო ნაკადი სჭირდება. "შესყიდვა ტენდერის გარეშე მოხდება. ბიუჯეტიდან გასული ფულით "კავკასუს ონლაინი" დაფარავს ვალებს, დარჩება კაბელი მის მფლობელობაში, ჩინოვნიკები კი, ვინც ამ სქემაში იქნებიან ჩართული, ბიუჯეტის ფულს გაიყოფენ", - ამბობს მამია სანადირაძე.

საქართველოს სომხეთს და აზერბაიჯანთან 1,135 მილიარდი დოლარის სავაჭრო ბრუნვა აკავშირებს. შარშან ამ ორ ქვეყანაში საქართველოდან 420,5 მილიონი დოლარის ექსპორტი განხორციელდა. სავალუტო კრიზისმა სომხეთისა და აზერბაიჯანის სავაჭრო ურთიერთობებზე გავლენა უკვე იქონია. თუკი საომარი მოქმედებები კვლავ გაგრძელდება და დროში გაიწელება, ამიერკავკასიის რეგიონის ქვეყნების ისედაც მყიფე ეკონომიკა კიდევ მეტად დასუსტებისთვის არის განწირული.

პოლონეთის ქალაქ კრაკოვში, 6 აპრილს ადგილობრივი თვითმმართველობების მე-2 ევროპულ კონგრესი დასრულდება. დედაქალაქის დელეგაციას, რომელშიც თბილისის მუნიციპალიტეტის საკრებულოსა და მერიის წარმომადგენლები იმყოფებიან, საკრებულოს თავმჯდომარე გიორგი ალიბეგაშვილი ხელმძღვანელობს.

საქართველოს მოსახლეობის დიდი ნაწილი ფსიქოლოგიური ტერორის ქვეშ იმყოფება. საკრედიტო ორგანიზაციების მომრავლებასთან ერთად, გააქტიურდნენ "სესხის ამომღები" კომპანიები, რომლებიც მარტივ ფულს ტერორის გზით შოულობენ. ამასთანავე, ეს კომპანიები არღვევენ კანონს და არ იცავენ მსესხებლის პერსონალურ ინფორმაციას. ამიტომ პროკურატურა მათი საქმიანობით უნდა დაინტერესდეს.

საწარმოებს თხილის მოსავლის ნახევარზე მეტი გაუყიდავი დარჩა. მეწარმეები ფიქრობენ, რომ წელს პროდუქტის გაყიდვა ვერც მოესწრება, ხოლო გაისად ძველი თხილის გაყიდვა ქარხნებს დანაკარგით მოუწევთ, რადგან ნაყოფი წონაში დაიკლებს და ხარისხიც გაუარესდება. შეიძლება ითქვას, თხილის ბიზნესმა წელს საშინლად იზარალა. დანაკარგი იმდენად დიდია, რომ ამ დროისთვის დასავლეთ საქართველოში, კერძოდ, ზუგდიდში თითქმის ყველა მსხვილი ქარხნის საქმიანობა შეჩერებულია. პრობლემა განსაკუთრებით თურქული ინვესტიციებით შექმნილ საწარმოებს აქვთ, ისინი თხილს არ იბარებენ.

"სადეზინფექციო კომპანიებმა" სადარბაზოების შემდეგ საყოფაცხოვრებო და სავაჭრო დაწესებულებებში გადაინაცვლეს. გაურკვეველ სერვისში, თუ ორგანიზაციასთან ხელშეკრულება გაფორმდა, მეწარმეებს 300 ლარამდე უწევთ გადახდა, ხოლო ერთჯერად მომსახურებაში, სულ მცირე 30-50 ლარს იხდიან. ასეთ თაღლითურ სქემაში, რიგითი მოქალაქეების ჩათვლით, სილამაზის სალონებისა და რესტორნების რამდენიმე წარმომადგენელი გაება.

ქართველი ფერმერები ექსპორტიორებისგან შეკვეთებს წინასწარ იღებენ. მოთხოვნაა ისეთ პროდუქტზე, რომელიც ჯერ არც კი დათესილა. განსაკუთრებით საადრეო ხილსა და ბოსტნეულს უკვეთავენ. ექსპორტზე მოთხოვნის ზრდამ, შესაძლოა, ადგილზე ქართული პროდუქტის შემცირება და გაძვირება გამოიწვიოს. ასე მოხდა შარშანაც, რის გამოც ბაზარზე დღეს ადგილობრივი ნაწარმი დეფიციტშია.

კომერციული სტრუქტურების მიერ სესხებზე დაწესებული საბაზრო საპროცენტო განაკვეთი ბოლო ერთი წლის განმავლობაში 3%-ით გაიზარდა. განაკვეთების ზრდაში მნიშვნელოვანი წილი მიკროსაფინანსო ორგანიზაციებსა და საკრედიტო კავშირებს უკავიათ. ბანკები კი უკვე რამდენიმე თვეა, ყველა ტიპის სესხზე პროცენტს ამცირებენ, რაც გამკაცრებული წესების გამო, მსესხებლების რაოდენობის კლებითაა განპირობებული.

ინვესტიციებთან დაკავშირებით ხელისუფლებაში ჯერ კიდევ ვერ ჩამოყალიბდნენ. მთავრობა წელს ინვესტიციების დიდ ნაკადს ელოდება, საპარლამენტო უმრავლესობის ნაწილს კი საკუთარი გუნდის წევრების არ სჯერა და ამბობს, რომ საარჩევნო წელს ახალი პროექტები ვერ განხორციელდება.

შარშან, შარშანწინდელთან შედარებით, საგადასახდელო ბალანსი 103 მილიონი დოლარით, ხოლო მეოთხე კვარტალთან თითქმის 200 მილიონი დოლარით გაუმჯობესდა. ეს დადებითი ტენდენცია ეროვნული ვალუტის კურსს არ დასტყობია. სპეციალისტები ვარაუდობენ, რომ 2015 წელს არსებობდა სხვა მნიშვნელოვანი ფაქტორები, რომელიც ვალუტის დევალვაციაზე გავლენას ახდენდა.

2015 წელს საქართველოში რუსული ინვესტიციები 41%-ით შემცირდა. ადგილობრივ ბაზარზე მუშაობის მრავალწლიანი გამოცდილების მქონე ჩრდილოეთის კომპანიებიც კი აშკარა პასიურობას იჩენენ. რამდენიმე დღის წინ ჯერ რუსულმა კომპანია "ვიმპელკომმა" თქვა "კავკასუს ონლაინზე" უარი, შემდეგ "ინტერ რაო ეესმა" მის მფლობელობაში არსებული მე-9, მე-10 ბლოკები "საქართველოს ინდუსტრიულ" ბლოკს გადაულოცა. ამ პროცესების შემდეგ საზოგადოებაში გაჩნდა კითხვა - გადის თუ არა რუსული კაპიტალი საქართველოდან? ენერგეტიკული და ინტერნეტბაზარი საქართვლოში ერთ-ერთი ყველაზე მომგებიანია.