ეკონომიკის შემცირებამ და ინფლაციის ზრდამ ქვეყნის მოსახლეობის 60%-ის მდგომარეობა კიდევ უფრო დაამძიმა. ოფიციალური მონაცემებით, საქართველოში 444 ათასი ადამიანი სიღარიბის ზღვარს ქვემოთ იმყოფება, ანუ ღატაკია, რომლებიც 2015 წლის ფინანსურმა კრიზისმა კაფასტროფულ მდგომარეობაში ჩააყენა.

საექსპორტო ათეული ისევ შეიცვალა. "ღვინის ქვეყანაში" ქართულმა ღვინომ მერვე ადგილზე გადაინაცვლა და ადგილი ნავთობის ექსპორტს დაუთმო. ასევე სრული კრიზისია ავტომობილების რეალიზაციასთან დაკავშირებით. მიუხედავად იმისა, რომ კარგი დღე არც სპილენძისა და ფეროშენადნობების ექსპორტს უდგას, საექსპორტო სურათი იმდენად მძიმეა, რომ ეს პროდუქტები ჯერ ისევ პირველ მეორე ადგილს ინაწილებენ.

საქართველოში ფასიანი ქაღალდების ბაზრის ერთ-ერთი დამფუძნებელი, ფასიანი ქაღალდების რეგისტრატორი "კავკასრეესტრი" ეროვნულ ბანკსა და საჯარო რეესტრს ბიზნესის ხელყოფაში ადანაშაულებს. როგორც კომპანიის აქციონერი განმარტავს, წინა ხელისფლების დროს დაწყებული სისტემური პრობლემები ბიზნესისთვის დღესაც დაბრკოლებაა და ამ მხრივ მდგომარეობა არც "ქართული ოცნების" ხელისუფლებაში მოსვლის შემდეგ შეცვლილა.

ენერგეტიკის მინისტრი ელექტროენერგიის ტარიფების გაიაფებას ან გაძვირებას აღარ ელის. კახა კალაძე ამბობს, რომ მთავრობამ გადასახადი დაპირებისამებრ შეამცირა, თუმცა, ლარის დევალვაციის გამო, მისი ძველ ნიშნულზე დაბრუნება გარდაუვალი გახდა. სინამდვილეში, მოსახლეობა ელექტროენერგიაში უფრო მეტს იხდის, ვიდრე წინა ხელისუფლების დროს.

მცირე ბიზნესის განვითარების აუცილებლობა ყველას კარგად ესმის. მისი უმთავრესი მიზანი ხალხის დასაქმება. ამ სფეროში საქმიანობენ ინდმეწარმეები, სხვადასხვა ფიზიკური პირები და ხალხსაც შემოსავლის წყარო უჩნდება. მიუხედავად ტოტალური უმუშევრობისა, საქართველოში მცირე და საშუალო ბიზნესი ნელი ტემპით ვითარდება. მის ამგვარ განვითარებას საქართველოში შექმნილი ეკონომიკური მდგომარეობაც ემატება.

მთელი კვირის განმავლობაში მსოფლიოს სავალუტო ბირჟებზე ქაოსური მოძრაობა შეინიშნებოდა. ანალიტიკოსები ამ ფაქტს 2 მიზეზით ხსნიან. ერთია ბოლოდროინდელი მასშტაბური ტერორისტული აქტები და ტერორისტების მუქარა ცივილიზებული სამყაროს მიმართ, ხოლო მეორე ამერიკის ფედერალურ სარეზერვო სისტემაში გაკეთებული განცხადებები, სადაც აღნიშნულია, რომ შეიძლება დეკემბერში საპროცენტო განაკვეთი გაიზარდოს. პარალელურად გაიაფებას განაგრძობს ნავთობი და მის მინიმალურ ფასად 2016 წელს 35 დოლარი სახელდება.

როგორც მოსალოდნელი იყო, კომუნიკაციების მარეგულირებელ კომისიას "კავკასუსის" შეძენის თხოვნით რუსულმა "ვიმპელკომმა", იგივე "მობიტელმა" მიმართა. ამასობაში მარეგულირებელმა "მაგთიკომს" "კავკასუს ონლაინის" საცალო ბიზნესის შეძენის უფლება მისცა, "მობიტელთან" დაკავშირებით კი კომისია გადაწყვეტილებას უახლოეს დღეებში მიიღებს. "კავკასუს ონლაინისთვის" დიდი ბრძოლა გაიმართება. კომპანიაში იმედოვნებენ, რომ მოლაპარაკების დაწყებას ორივე კომპანიასთან შეძლებენ.

წლის ბოლომდე საქართველოს ფინანსურ ბაზარს ფულადი გზავნილებიდან 400 მილიონ დოლარზე მეტი დააკლდება. მომავალ წელს შემცირების ტენდენცია შეჩერდება, თუმცა, სპეციალისტების აზრით, გზავნილების მოცულობა არ მოიმატებს. ამის მიზეზი რუსეთში, უკრაინაში და საბერძნეთში არსებული რთული ეკონომიკური ვითარებაა, სადაც ყველაზე მეტი ქართველია ფულის საშოვნელად ჩასული.

2016 წლიდან თამბაქოს ფასი დაახლოებით 20-30 თეთრით მოიმატებს. ზოგიერთი ბიზნესმენი უფრო დაბალ ციფრს ასახელებს და ირწმუნება, რომ სხვაობა ფასში 15 თეთრს არ გადააჭარბებს. ყველა შემთხვევაში თვენახევარში სიგარეტი გაძვირდება. აქციზის გადასახადის ზრდას საქართველოს ხელისუფლებას ევროკავშირთან აღებული ვალდებულებები აკისრებს.

"მაგთიკომისა" და "კავკასუს ონლაინის" შერწყმასთან დაკავშირებით კომუნიკაციების მარეგულირებელი კომისია გადაწყვეტილებას ხვალ მიიღებს. კომისიის წინასწარი დასკვნა კი უკვე ცნობილია - ამ ორი კომპანიის გაერთიანება კონკურენციაზე გავლენას არ მოახდენს.

წინასწარი მონაცემებით, შემოდგომაზე ხორბალი 31,764 ათას ჰექტარზე დაითესა. ამ ნათესებს გაზაფხულზე დაახლოებით 30 ათასი ჰა-მდე დაემატება და საერთო ჯამში, ხორბლის ნათესების მოცულობა 60 ათას ჰექტარს გადააჭარბებს. ჯერჯერობით პრობლემაა ის, რომ საქართველოში მოყვანილი ხორბლის უდიდესი წილი საფურაჟეა. სოფლის მეურნეობის სამინისტროში ამ მიმართულებით აქტიურად მუშაობენ და ჯიშების გამოცდის პროცესი უწყვეტად მიმდინარეობს.

პარლამენტმა ანტიდემპინგურ კანონმდებლობაზე მუშაობა ისე დაასრულა, რომ კანონის აღსრულების არანაირი შესაძლებლობა არ არსებობს. მექანიზმი, რომელიც ფასების იდენტურობის დადგენას შეძლებს, შემუშავებული არ არის. ამის გამო ანტიდემპინგურ კანონმდებლობას პოლიტიკოსების, მწარმოებლებისა და იმპორტიორების მხრიდან მწვავე, არაერთგვაროვანი შეფასება მოჰყვა.