ევროკავშირში ექსპორტი მხოლოდ 1%-ით გაიზარდა. ევროკავშირთან გაფორმებული ღრმა და ყოვლისმომცველი თავისუფალი სავაჭრო ხელშეკრულებით მიღებული სარგებელი ჯერჯერობით მხოლოდ ეს არის. მთავრობას იმედი ჰქონდა, რომ საქართველოსთვის ევროკავშირის ბაზრის გახსნა არა მარტო ექსპორტს შეუწყობდა ხელს, არამედ ქვეყანა ინვესტორებისთვისაც მიმზიდველი გახდებოდა. შედეგი ჯერჯერობით ნულოვანია.

საქართველოს ენერგეტიკაში ძვირადღირებული ელექტროენერგიის მოცულობა იზრდება, მსხვილი და საშუალო ჰიდროელექტროსადგურების მშენებლობა კი იგვიანებს. უფრო მეტიც, საინვესტიციო მონაცემებში ენერგეტიკა ერთ-ერთი მაჩანჩალა დარგია. არადა, დაგეგმილი ჰესების მშენებლობების ფონზე, მთავრობა ყველაზე მეტ უცხოურ ინვესტიციას ამ დარგში ელოდა.

საყოველთაო ჯანდაცვის პროგრამის დაფინანსება 100 მლნ ლარით იზრდება. 2016 წლის ბიუჯეტის პროექტის მიხედვით, გაისად ჯანდაცვაზე ნაცვლად 470 მლნ-სა, 570 მლნ ლარი დაიხარჯება. პროგრამის დაფინანსების ზრდის კონკრეტულ მიზეზებზე ჯანდაცვის სამინისტროში ჯერ არ საუბრობენ, სერგეენკოს უწყებაში მხოლოდ იმას აცხადებენ, რომ ბიუჯეტის ზრდა "საყოველთაო ჯანდაცვის პროგრამის სრულყოფილი და შეუფერხებლად მუშაობისთვის" მოხდა.

"ყაზტრანსგაზ-თბილისის" ყაზახური მენეჯმენტი კომპანიაში დაბრუნებას სასამართლოს გზით აპირებს. ამასთან, შუა აზიელი ინვესტორები საქართველოს მთავრობას ულტიმატუმს უყენებენ, რაც განხორციელებული ინვესტიციების ანაზღაურებას გულისხმობს. უფრო ადრე კი "ყაზტრანსგაზის" მმართველები კომპანიის გაყიდვითა და ინვესტიციების გატანით დაიმუქრნენ. ამ დაპირისპირების მიზეზი არის ის, რომ დავალიანების გამო ყაზახები "ყაზტრანსგაზ-თბილისის" მართვას ჩამოაშორეს.

წელს ციტრუსის მოსავალი 135 ათას ტონას გადააჭარბებს. აქედან 105 ათას ტონას მხოლოდ აჭარის რეგიონში ელოდებიან. ავტონომიური რესპუბლიკის სოფლის მეურნეობის სამინისტროს ინფორმაციით, შარშანდელთან შედარებით, ციტრუსის რაოდენობა თითქმის გაორმაგებულია და ხარისხითაც გამოირჩევა.

ირანი სანქციების მოხსნის ლოდინში ევროპაში გაზის ტრანსპორტირების მარშრუტების განხილვას განაგრძობს. თეირანმა "ტანაპისა" და "ტაპის" პროექტებისადმი ინტერესი კიდევ ერთხელ გამოთქვა.

ლარი - ძველი ქართული სიტყვაა და განძს, ქონებას ნიშნავს. აკადემიკოსმა ვასილ ჩანტლაძემ 1991 მინისტრთა კაბინეტს შესთავაზა ქართული ფულისთვის, როგორც ქვეყნის საგანძურისთვის, "ლარი" ეწოდებინათ. 1993 წელს ქართული ვალუტა გამოსაცემად უკვე მზად იყო. 1995 წლის აგვისტოს მიწურულს 75 ტონა საფრანგეთში მოჭრილი ლარის ბანკნოტები შემოვიდა და ეროვნული ბანკის ქუთაისის ფილიალში დაბინავდა. 1995 წლის 2 ოქტომბერს კი ლარი მიმოქცევაში გაუშვეს.

ეროვნული ბანკის მონაცემებით, მე-2 კვარტალში მაკროეკონომიკური მაჩვენებლები გაუმჯობესდა. მიუხედავად ამისა, ლარმა არათუ გამყარება დაიწყო, არამედ მესამე კვარტლის მიწურულს მისი მკვეთრი გაუფასურება მოხდა. ეკონომისტების განმარტებით, მაკროეკონომიკური პარამეტრები აგვისტოში ლარის კიდევ უფრო მეტად გაუფასურების საფუძველს არ იძლეოდა.

იანვარ-აგვისტოში საქართველოს ეკონომიკა 2,8%-ით გაიზარდა, რაც სამეზობლოში ერთ-ერთი ყველაზე დაბალი მაჩვენებელია. მშპ-ის ზრდით ვუსწრებთ საომარ მდგომარეობაში მყოფ უკრაინას, რუსეთს, ბელორუსს და ყაზახეთს. შედეგად, საქართველოს ეკონომიკური ზრდის მაჩვენებლით რეგიონის 9 ქვეყანას შორის მხოლოდ მე-4 ადგილზე იმყოფება.

საქართველოს ჩრდილოეთ-სამხრეთის მაგისტრალური გაზსადენზე რუსეთის ინტერესი ისევ აქტუალური ხდება. ირანი სანქციების მოხსნას ელოდება და გლობალურ ენერგეტიკულ ბაზარზე დაბრუნებას ცდილობს. ანტიირანული სანქციების გაუქმების შემდეგ რუსეთი შეეცდება ირანული გაზის ევროპაში ტრანზიტისთვის სომხეთ-საქართველოს გაზის ქსელი რევერსით, ანუ გაზის ნაკადის საპირისპირო მიმართულებით (სამხრეთიდან ჩრდილოეთით გასატარებლად) გამოიყენოს.

რამდენიმე დღეა ეროვნული ვალუტის კურსი სტაბილურობას ინარჩუნებს. ეკონომისტები იმედოვნებენ, რომ მთავრობა და ეროვნული ბანკი სამომავალოდ მაინც სწორ ეკონომიკურ პოლიტიკას გაატარებენ და ქვეყანას ამ კრიზისიდან გამოიყვანენ. ამჯერად ორ მთავარ ფაქტზე მახვილდება ყურადღება - ეროვნული ბანკის მიერ მონეტარული პოლიტიკის 1%-ით გამკაცრება და 2016 წლის სახელმწიფო ბიუჯეტის პროექტი. "რეზონანსი" ამ საკითხებთან დაკავშირებით ეკონომიკის მეცნიერებათა დოქტორ ლევან ქისტაურს ესაუბრა.

2015 წელს საქართველოს ეკონომიკა, ნაცვლად კორექტირებული 2%-ისა, უფრო მეტითაც გაიზრდება. ფინანსთა სამინისტროში ვარაუდობენ, რომ მშპ-ის ზრდის მაჩვენებელი 3%-საც კი გადააჭარბებს. 3%-იან ნიშნულზე საუბრობს ეკონომიკის ახალი მინისტრი დიმიტრი ქუმსიშვილიც. მთავრობის ოპტიმიზმს იზიარებენ ეკონომისტებიც, თუმცა თვლიან, რომ 3%-იანი ზრდა ისეთი ეკონომიკის მქონე ქვეყნისთვის, როგორიც საქართველოა, ძალიან დაბალია.