საქართველო საშუალო პენსიის რაოდენობით პოსტსაბჭოთა 8 ქვეყანას შორის მე-7 ადგილზე იმყოფება. ჩვენთან ასაკობრივი პენსია, საშუალოდ, 65 დოლარს შეადგენს, რაც მოლდოვას მაჩვენებელს მხოლოდ 9 დოლარით აღემატება. ამასთან, კურსთა სხვაობის შედეგად, ბოლო ერთი წლის განმავლობაში ყველაზე ნაკლებად პენსია სომეხ პენსიონერებს შეუმცირდათ, სულ რაღაც 15 დოლარით, საქართველოში კი ლარის დევალვაციამ ისედაც მინიმალური პენსია 20 დოლარით "შეჭამა".

2010 წლიდან მოყოლებული დღემდე, საქართველოში ბუნებრივი აირის მოხმარება გაორმაგდა. ამ პროცესში განსაკუთრებით დიდი წვლილი ავტოგაზგასამართი სადგურებისა და თბოსადგურების მიერ გაზის მოხმარების რეკორდულად გაზრდილ მაჩვენებლს მიუძღვის. თუ ეს პროცესი გაგრძელდა, გაზის მთლიან მოხმარებაში ე.წ. "შეღავათიანი გაზის" წილი შემცირდება, რაც სამომხმარებლო ტარიფის გაზრდის წინაპირობას შექმნის.

ფინანსური ზედამხედველობის საბჭოს თავმჯდომარე ირაკლი კოვზანაძეა. სააგენტოს ხელმძღვანელის კანდიდატად კი კოტე სულამანიძეა წარდგენილი. ასევე დამტკიცებულია სააგენტოს საბჭოს წევრები. სააგენტოს შექმნის ერთ-ერთ ინიციატორ თამაზ მეჭიაურს სურვილი აქვს, რომ ლარის გასამყარებლად სააგენტომ ბაზარზე ეროვნული ბანკის რეზერვები გამოიტანოს. დეპუტატის ამ სურვილს სააგენტო ვერ აასრულებს, ვინაიდან თავად მეჭიაურის მიერ მომზადებული კანონით სააგენტოს ამის უფლება არ გააჩნია.

რეფინანსირების სესხების მოცულობა რეკორდულ მაჩვენებლამდე - 1,162 მილიარდ დოლარამდე გაიზარდა. ეკონომისტების ნაწილის აზრით, ამ ინსტრუმენტის გამოყენებით ეროვნული ბანკი ლარის კურსის გაუფასურებას უწყობს ხელს. სებ-ის მიერ გაკეთებული ანალიზის მიხედვით კი, რეფინანსირების სესხების შეზღუდვა ლარის კურსს მოკლე პერიოდში გაამყარებს, თუმცა ხანგრძლივ ვადაში ეკონომიკას გაცილებით მძიმე დარტყმას მიაყენებს.

ქართველმა იმპორტიორებმა მარაგის შემცირება დაიწყეს. პრობლემა ბიზნესის თითქმის ყველა სეგმენტშია. არაოფიციალური მონაცემებით, აგვისტოში, წინა თვესთან შედარებით, კომპანიებმა მარაგი 30%-ის ფარგლებში შეამცირეს, მათ შორის, სურსათის სფეროშიც.

მოგების გადასახადის სტრუქტურაში, შესაძლოა, ცვლილებები შევიდეს და არსებული სისტემა ესტონური მოდელით ჩანაცვლდეს, რაც განაწილებული მოგების დაბეგვრას ითვალისწინებს. როგორც ფინანსთა სამინისტროში აცხადებენ, ამ დროისთვის უწყება აღნიშნულ საკითხზე აქტიურად მუშაობს, დამატებითი დეტალები კი ცნობილი მოგვიანებით გახდება. განაწილებული მოგების დაბეგვრის სისტემის შემოღებას დადებითად აფასებენ ეკონომისტები და ბიზნესმენები და აცხადებენ, რომ ეს ქვეყანაში რეინვესტირების სტიმულირებას შეუწყობს ხელს.

დღეს პარლამენტის დარგობრივი ეკონომიკისა და საფინანსო-საბიუჯეტო კომიტეტებში ფინანსური ზედამხედველობის სააგენტოს საბჭოს წევრების კანდიდატურებს მოუსმენენ. მთავარობის მიერ წარმოდგენილი 4 კანდიდატიდან 2 "საქართველოს ბანკის" ყოფილი თანამშრომელია. სააგენტოს ხელმძღვანელის თანამდებობის დაკავების ყველაზე დიდი შანსი საპარტნიორო ფონდის აღმასრულებელ დირექტორ ირაკლი კოვზანაძეს აქვს. "რეზონანსი" ამის თაობაზე კარგა ხნის წინ წერდა.

იაფიანი იმპორტირებული ხორცი ადგილობრივ ნაწარმს გაძვირების საშუალებას არ აძლევს. გარდა ამისა, ქართველ ფერმერებს მკვეთრად შეუმცირდათ ექსპორტი აზერბაიჯანში. აქედან გამომდინარე, ამჟამინდელი ფასი მომავალშიც შენარჩუნდება.

ორნიშნა ინფლაცია, მოსახლეობის მსყიდველუნარიანობის გაუარესება და ლარის კატასტროფული გაუფასურება საკმაოდ მყარ საფუძველს ქმნის, რომ მდგომარეობა სოციალურ აფეთქებამდეც მივიდეს. ეკონომისტები ამაზე უკვე თამამად საუბრობენ.

ავიაბაზარი სულ უფრო აქტიურდება. მატულობს ახალი ავიაკომპანიებისა და რეისების რაოდენობაც. როგორც "რეზონანსს" საქართველოს აეროპორტების გაერთიანებაში განუცხადეს, 2014 წელს ექვსმა ავიაკომპანიამ აითვისა ისეთი ახალი მიმართულება, როგორიცაა მოსკოვი, შარჟა, დნეპროპეტროვსკი, თელ-ავივი და კიევი. ეს რიცხვი კიდევ უფრო გაიზარდა 2015 წელს. ქუთაისიდან, ბათუმიდან და თბილისის აეროპორტიდან სხვადასხვა ავიაკომპანიამ დაიწყო ფრენა ანტალიის, თელ-ავივის, მოსკოვის, სტამბულისა და კიევის ბაზრებზე. იგეგმება კიდევ რამდენიმე ახალი კომპანიის შემოსვლა.

სავალუტო ბაზარზე სრული პანიკაა. ვალუტის გადამცვლელ პუნქტებში 1 დოლარის ღირებულებამ 2,48 ლარს მიაღწია, კომერციულ ბანკებში კი დოლარის ფასი 2,50 ლარს გადასცდა. კურსის ნახტომისებურ გაუფასურებასთან დაკავშირებით "რეზონანსის" პროგნოზი მართლდება. პროცესი აბსოლუტურად თვითდინებაზეა მიშვებული.

საქართველოში გაზის გაძვირება დღის წესრიგიდან უნდა მოიხსნას და ამ საკითხით სპეკულაცია უნდა შეწყდეს. ნავთობის გაიაფების კვალდაკვალ გაზის საერთაშორისო ფასიც დიდი სისწრაფით თავქვე მიექანება. 2016 წლიდან რუსული გაზის ღირებულება 164 დოლარამდე ჩამოვა. სპეციალისტების აზრით, საქართველომ აზერბაიჯანთან დადებულ კონტრაქტს უნდა გადახედოს და მსოფლიო ფასების გაიაფების პროპორციულად ე.წ. "სოციალური გაზის" ღირებულებაც კი უნდა შემცირდეს.