პრეზიდენტის ვეტო ეროვნული ბანკიდან საბანკო ზედამხედველობის სამსახურის გამოყოფის პროცესს შეაყოვნებს, მაგრამ ვერ შეაჩერებს - ასეთია ახალი კანონის ინიციატორთა და ექსპერტების ერთი ნაწილის აზრი. კანონს მხარდამჭერები არ აკლია. ზოგიერთი მათგანი ადრე ცვლილებას ეწინააღმდეგებოდა, მაგრამ ახლა სხვა პოზიციაზეა. მაგალითად, ბანკების ასოციაციაში თვლიან, რომ პრეზიდენტის ვეტო მხოლოდ ზიანის მოტანი იქნება.

ჰიბრიდული ავტომობილების იმპორტზე, შესაძლოა, საგადასახადო შეღავათი დაწესდეს. შესაბამისი კანონპროექტი "თავისუფალმა დემოკრატებმა" პარლამენტის ბიუროს უკვე წარუდგინა. ინიციატივის ავტორთა გათვლებით, თუკი პარლამენტი კანონპროექტს დაამტკიცებს, ქვეყანაში ჰიბრიდული ავტომობილების რაოდენობა მკვეთრად გაიზრდება, რაც გარემოს გაჯანსაღებას შეუწყობს ხელს.

სოციალური რისკის ასაცილებლად მთავრობა ელეტროენერგიის ტარიფის სუბსიდირებას მოახდენს. ამისთვის ბიუჯეტიდან დამატებით, დაახლოებით, 20 მლნ ლარი დაიხარჯება. პრემიერ-მინისტრის ირკლი ღარიბაშვილის მტკიცებით, ამით ღარიბ მოსახლეობას სოციალური ტვირთი შეუმსუბუქდება, მაგრამ ის არაფერს ამბობს, რა ელოდება მოსახლეობის იმ კატეგორიას, რომელიც ასევე გაჭირვებით ცხოვრობს, მაგრამ სოციალურად დაუცველის სტატუსი არ გააჩნია.

დენის გაძვირება მცირე და საშუალო საწარმოებს დიდ პრობლემას შეუქმნის. გარდა იმისა, რომ მათი ხარჯი გაიზრდება და მომსახურება გაძვირდება, ზოგიერთმა, შესაძლოა, ფინანსურ დარტყმას ვერ გაუძლოს და ბაზრიდანაც გავიდეს. ეს კი უმუშევრობას კიდევ მეტად გაზრდის.

დენის ტარიფის ზრდა სამომხმარებლო ბაზარზე მტკივნეულად აისახება. მეწარმეები პროდუქტის გაძვირებისათვის ემზადებიან. მთავრობამ რამდენიც უნდა ამტკიცოს, რომ მეწარმეები ფასს ვერ მოუმატებენ და "ნებისმიერ პროცესში მთავრობა ჩაერევა", ეს ბაქი-ბუქი აბსოლუტურად უსაფუძვლოა. ენერგეტიკის მინისტრის განცხადებიდან რამდენიმე საათიც არ იყო გასული, რომ მეწარმეების ნაწილი გარდაუვალ გაძვირებაზე ალაპარაკდა.

ელექტროენერგიის ტარიფის გაძვირება ქვეყანაში სოციალურ რისკს გაზრდის. სპეციალისტებს მიაჩნიათ, რომ ტარიფი უსამართლოა და მოსახლეობას მძიმე ტვირთად დააწვება. ზუსტად 2,5 წელიწადში "ქართულმა ოცნებამ" იმდენი შეძლო, რომ გადასახადის სიმძიმე ხალხს საკუთარ ჯიბეზე მტკივნეულად ეგრძნო - განახევრების ნაცვლად, ელექტროენერგიის გადასახადი ძველ ნიშნულს დაუბრუნდა, ხოლო მესამე საფეხურის ტარიფი აქამდე არნახულ დონემდე გაიზარდა.

ლარის გაუფასურებამ ელექტროენერგიის ტარიფის გაძვირება გარდაუვალი გახადა. თბოსადგურებისთვის ელექტროენერგიის ტარიფმა დაახლოებით 30%-ით მოიმატა, რაც 7%-ით აღემატება ლარის გაუფასურების მაჩვენებლს. 2014 წლის დეკემბრიდან მოყოლებული დღემდე, ეროვნული ვალუტა დოლართან მიმართებაში 23%-ით გაუფასურდა. მიუხედავად იმისა, რომ სემეკმა თბოელექტროსადგურებისთვის დანაკარგი გაითვალისწინა და ტარიფი მოსალოდნელზე მეტადაც გააძვირა, მათი გული მაინც ვერ მოიგო.

ავიაციის ფორუმის გამართვის შედეგად, საქართველოს 40-ზე მეტი ავიაკომპანიისა და 45 აეროპორტის ხელმძღვანელი პირი ეწვია. საქართველოს აეროპორტების გაერთიანება პერმანენტულ მოლაპარაკებას აწარმოებს სხვადასხვა დაბალბიუჯეტიან ავიაკომპანიებთან. ექპერტების შეფასებით, საავიაციო ბაზრის გააქტიურება კონკურენციის ზრდას, ვიზიტორების მომატებას და ბილეთების გაიაფებას გამოიწვევს. ავიაკომპანიების ნაწილი კი საფასო პოლიტიკის შეცვლას არ აპირებს.

მოულოდნელად შუა ზაფხულში აგრარულ ბაზრებში საქონლის ხორცი 1 ლარით გაძვირდა. მოვაჭრეების ინფორმაციით, ცვლილება ბაგურ კვებაზე გაზრდილი პირუტყვის ხორცს შეეხო. ბაზარზე ასეთი საქონლის დეფიციტია, რამაც პროდუქტი გააძვირა. საქონლის ხორცი ბაზრებში 11-12 ლარის ფარგლებში იყიდება, სუპერმარკეტებში 13-14 ლარამდეც ადის.

მთავრობას ლუდზე გაზრდილი აქციზის შესახებ მიღებული გადაწყვეტილების გადახედვა მოუწევს. კომპანიები ხელისუფლებას არა მარტო აქციზის გაზრდის გადაწყვეტილების შეცვლას, არამედ იმ რეგულაციის გაუქმებასაც სთხოვენ, რომელიც საზოგადოებრივი თავშეყრის ადგილებში ლუდის სმას კრძალავს.

საქართველოს სატრანზიტო დერეფანი თანდათანობით ხიბლს კარგავს. ქვეყანაში ტვირთბრუნვა ყველა მიმართულებით შემცირდა - რკინიგზა, პორტები, ავიაცია. ამ ვითარებაში ახალი, ანაკლიის პორტის მშენებლობას ეკონომისტები სკეპტიკურად უყურებენ და აცხადებენ, რომ მისი ექსპლოატაციაში შესვლის შემდეგ ტვირთები დანაწევრდება, რაც ქვეყანაში არსებულ პორტებს არარენტაბელურს გახდის.

ეროვნული ბანკი ახალი მეთოდით ცდილობს ლარის კურსზე გავლენა მოახდინოს. სებ-ი ბოლო რამდენიმე კვირაა ერთდღიან რეფინანსირების სესხებს ინტენსიურად გასცემს. მარტო 15 ივლისს 1 მლრდ 120 მლნ ლარის რეფინანსირების სესხი გაიცა. აქედან, 700 მლნ აუქციონის სესხი იყო, 80 მლნ - მუდმივმოქმედი, ხოლო 340 მლნ კი - ერთდღიანი. ასეთივე ერთდღიანი სესხი გასცა სებ-მა 14 ივლისსაც (75 მლნ ლარის მოცულობის). შედეგად, ძლივს ცოტათი გამყარებული ლარი იმ დღეებში ისევ გაუფასურდა. სპეციალისტების ამბობენ, რომ დევალვაციის დროს ერთდღიანი სესხები ლარის კურსზე ნეგატიურ გავლენას ახდენს.