დედაქალაქსა და რეგიონებში ხორცი გაიაფდა. ამ ეტაპზე 12 ლარზე ძვირად ხორცი არ იყიდება. ყველაზე იაფი ის სამეგრელოშია, სადაც ადგილობრივებს ხორცის ყიდვა 9-10 ლარადაც შეუძლიათ. გაცილებით იაფია ცოცხალი საქონლის ფასი. ადგილზე 1 კილოგრამ ცოცხალ ხორცს ყასბები 5 ლარად ყიდულობენ. მოვაჭრეები საქონლის ხორცის გაიაფებას მოთხოვნის შემცირებას უკავშირებენ. მათი ინფორმაციით, წინა თვეების განმავლობაში ხორცის რეალიზაციას ხელს უწყობდა ექსპორტზე გაზრდილი მოთხოვნა.

ლომბარდებს მომხმარებელი შემოაკლდა. ბოლო დროს იკლო იმ ხალხის რაოდენობამ, რომლებიც წინა წლებში აქტიურად აბარებდნენ ოქროსა და სხვა ძვირად ღირებულ ნივთებს ფულის სანაცვლოდ. ლომბარდის მესაკუთრეებიც და სპეციალისტებიც ამბობენ, რომ ხალხს, ერთი მხრივ, ძვირფასი ნივთები აღარ შერჩა და თანაც ბოლო დროს მათ სწრაფი სესხების ბაზარზე გადაინაცვლეს. ონლაინ თუ მიკროსაფინანსო ორგანიზაციებში ნივთების ჩაბარების გარეშე მარტივად იღებენ სასურველ თანხას.

უცხო ქვეყნის მოქალაქეებზე სასოფლო-სამეურნეო დანიშნულების მიწა არ გაიყიდება. როგორც პარლამენტის აგრარულ საკითხთა კომიტეტის თავმჯდომარე ოთარ დანელიამ "მთელ კვირასთან" საუბრისას აღნიშნა, უცხოელებს მიწის დასაკუთრების უფლება არ ექნებათ, მათ მხოლოდ იჯარით სარგებლობა შეეძლებათ და ისიც გამონაკლის შემთხვევებში.

კონსტიტუციის ცვლილებების საერთო-სახალხო განხილვის ძირითადი ეტაპი დღეს, 15 მაისს, თბილისში სრულდება და "ქართულ ოცნებაში" აცხადებენ, რომ საბოლოოდ ისინი "საზოგადოებიდან გულწრფელად წამოსულ მესიჯებს" და არა "პოლიტიკურად ანგაჟირებულ საკითხებს" განიხილავენ და გაითვალისწინებენ კიდეც კონსტიტუციის პროექტში. ერთი ასეთი საკითხი კი, მათი თქმით, უკვე გამოიკვეთა - ეს ეხება წინა ხელისუფლების დროს კონსტიტუციაში ჩაწერილ დებულებას, რომელიც გადასახადის გაზრდას მხოლოდ და მხოლოდ რეფერენდუმის გზით ითვალისწინებს.

სახელმწიფო აუდიტის ხელმძღვანელი ლაშა თორდია თავდასხმაში ყოფილ მთავარ პროკურორ ოთარ ფარცხალაძეს ადანაშაულებს. ამის მიზეზად მისი საქმიანობა მიაჩნია, თუმცა ირწმუნება, რომ იგი არ გაჩერდება და დღეს სკანდალურ დასკვნას გამოაქვეყნებს, რომელიც პროკურატურაში ფარცხალაძის საქმიანობას უკავშირდება.

გამოცემა "ფორბსმა" გამოაქვეყნა სოციოლოგიური გამოკითხვის შედეგები, რომლის მიზანიც სსრკ-ის ორი ყველაზე ცნობილი ლიდერის მიმართ მოსახლეობის განწყობის დადგენა იყო. საუბარია იოსებ სტალინზე, რომლის მმართველობისას სსრკ ზესახელმწიფოდ იქცა და მიხაილ გორბაჩოვზე, რომლის დროსაც სსრკ დაიშალა.

ჰაკერულმა თავდასხმებმა, რამაც მთელი მსოფლიო მოიცვა, ყველაზე მეტად რუსეთი დააზარალა. უკვე ინფიცირებულია რუსეთის შინაგან საქმეთა სამინისტრო, ადგილობრივი ბანკები და რკინიგზა. ასევე დიდი ბრიტანეთის ჯანდაცვის სამინისტრო და ა.შ.

ბოლო თვენახევარში, აპრილიდან მოყოლებული დღემდე, სამხრეთ კავკასიაში 19 მცირე და საშუალო სიმძლავრის მიწისძვრა დაფიქსირდა. აქედან 5 - საქართველოში, დანარჩენი კი რუსეთში, თურქეთში, სომხეთსა და აზერბაიჯანში მოხდა. უფრო კონკრეტულად კი, რუსეთში - 4, თურქეთში - 5, სომხეთში -1, აზერბაიჯანში -4.

ვინ იყვნენ პირველი მეხანძრეები საქართველოში და რა სისტემით აქრობდნენ ცეცხლს თბილისში, ამის შესახებ რამდენიმე საინტერესო მასალა, გვინდა, შევთავაზოთ ჩვენს მკიხთველს დღევანდელ სტატიაში.

ზემო აჭარაში, შუახევის მუნიციპალიტეტში, ამჟამად 100-ზე მეტი შეზღუდული შესაძლებლობის ბავშვი ცხოვრებს, რომელთა ბედით მხოლოდ საქველმოქმედო ორგანიზაცია "იმედი - ჰანდიკაპია" დაინტერესებული. მათ დასახმარებლად ასოციაცია საფრანგეთის მოქალაქე მარი-კლერ ორსემ 3 წლის წინ დააარსა და ამ ადამიანების უფლებებს დღემდე აქტიურად იცავს.

8 მაისს ბალტიმორში, მერილენდში, ოფთალმოლოგთა ასოციაციის ყოველწლიურ შეხვედრაზე ქირურგებმა დისტანციურად კონტროლირებადი რობოტის მიერ თვალზე ჩატარებული ოპერაციების შედეგები წარადგინეს. მომხსენებლის თქმით, ექსპერიმენტები წარმატებით დასრულდა.

"არ მინდა, ამ ინციდენტზე (ფარცხალაძის მიერ თორდიას ცემა) რაიმე წინმსწრები დასკვნები გამოვიტანო. გამოძიება ვალდებულია, სრულყოფილად გამოიძიოს ეს საქმე, ეს თავდასხმა არის სახელმწიფო თანამდებობის პირის ჯანმრთელობის ხელყოფა. აქ უკვე ხელისუფლების პრესტიჟზეა საუბარი და ძალიან გამიკვირდება, თუ ეს საქმე ჩაიფარცხება და ეს ხელისუფლებისადმი ნდობაზე აისახება," - აცხადებს ანალიტიკოსი ზაალ ანჯაფარიძე.