ვიდრე "რუსთავი 2"-ის ბედი არ გაირკვევა, საქართველოსთვის ვიზალიბერალიზაციის პროცესის შეჩერებას ითხოვენ. აღნიშნულის შესახებ ევროპის სახალხო პარტიის ვიცე-პრეზიდენტმა იაცეკ სარიუშ-ვოლსკიმ განაცხადა და აღნიშნა, რომ საქართველო არ ასრულებს პირობებს და ევროკავშირს აქვს ყველა საბაბი, რომ თავი მოტყუებულად იგრძნოს.

საქართველოს ხელისუფლება ნატოს ფოთში სამხედრო-საღვაო ბაზის მოწყობას სთავაზობს, რაც შესაძლოა რუსეთსა და დასავლეთს შორის დაპირისპირების გამწვავების საფუძველი გახდეს. ამის შესახებ რუსული მედია წერს. ქართველი ექსპერტების შეფასებით კი, მოსკოვში ყველაფერს ისე წარმოაჩენენ, თითქოს ამ საკითხზე გადაწყვეტილება უკვე მიღებულია, რაც რეალობას არ შეესაბამება.

პოლიტოლოგ სოსო ცინცაძეს "რუსთავი 2"-ის საქმესთან დაკავშირებით სტრასბურგის სასამართლოს გადაწყვეტილება არ გაჰკვირვებია. მისი თქმით, ხელისუფლებამ იმდენი ტაქტიკური შეცდომა დაუშვა, რომ ევროპელებს ეჭვების გაჩენის მიზეზი მისცა.

"რუსთავი 2" საქართველოს წინააღმდეგ - თუ რა გადაწყვეტილებას მიიღებს ადამიანის უფლებათა ევროპული სასამართლო, რამდენიმე დღეში გაირკვევა. მანამდე კი ხელისუფლებას მოუწევს ევროპელი მოსამართლეების დარწმუნება, რომ საქართველოს უზენაესი სასამართლოს გადაწყვეტილებით ქვეყანაში სიტყვის თავისუფლებას საფრთხე არ ემუქრება და ქუჩაში საპროტესტო აქციები მოსალოდნელი არ არის. ხოლო იმ შემთხვევაში, თუ იუსტიციის სამინისტრო შესაბამის მტკიცებულებებს ვერ წარადგენს, საქმეს წარმოებაში მიიღებენ და ამის განხილვას კი უკვე წლები დასჭირდება.

საპარლამენტო უმრავლესობის წევრის გუგული მაღრაძის აზრით, ტელეკომპანია "რუსავი 2"-ის ირგვლივ განვითარებული მოვლენები მხოლოდ სამართლებრივი დავაა და ამ თემის პოლიტიზება არ შეიძლება. მისი აზრით, მიუხედავად იმისა, რომ საზოგადოების დიდი ნაწილი უზენაესი სასამართლოს გადაწყვეტილებას სამართლიანობის აღდგენად მიიჩნევს, ამ ფონზე, ტელეკომპანიის მენეჯმენტი ცდილობს ვითარება ტრაგიკულად დახატოს და საერთაშორისო საზოგადოების ყურადღება ამგვარი ფორმით მიიქციოს, რისი ბერკეტიც მათ გააჩნიათ.

"საიდან მოდის ეს ქედმაღლობა ჩვენს მინისტრებში, ცოტა გაუგებარია. ბოლოს და ბოლოს, იგი ერთი სუსტი დემოკრატიის მქონე, ძალიან უსუსური მთავრობის წარმომადგენელია", - აღნიშნული შეფასება "რესპუბლიკური პარტი" წევრმა ლევან ბერძენიშვილმა იუსტიციის მინისტრის, თეა წულუკიანზე საუბრისას გააკეთა.

"ბავშვთა სამყაროს" ხანძრისგან დაზარალებულმა მოვაჭრეებმა შაბათს მთავრობის კანცელარიასთან საპროტესტო აქცია გამართეს. ისინი მთავრობისგან კომპენსაციას მოითხოვენ.

2017-2018 სასწავლო წლისათვის აფხაზ აბიტურიენტებს რუსეთის უმაღლეს სასწავლებლებში მოსახვედრად რუსეთის ფედერაციის განათლების სამინისტრომ 150 ადგილი გამოუყო. ლიმიტი, რომელიც აფხაზი აბიტურიენტებისათვის რუსეთის უმაღლეს სასწავლებლებში უფასო სწავლის საშუალებას იძლევა, რუსეთის ფედერაციის 2013 წლის 8 ოქტომბერის დადგენილებითაა განსაზღვრული და მას ხელს რუსეთის განათლების მინისტრი, საგარეო საქმეთა მინისტრი და ორგანიზაცია "როსსოტრუდნიჩესტვოს" ხელმძღვანელი აწერენ.

გრავიტაციული ფლეთა - ასე იმ ვარსკვლავების განადგურებას ეწოდება, რომლებიც შავი ხვრელის სიახლოვეს "დაეხეტებოდნენ". სუპერმასიურ შავ ხვრელებს ძალიან დიდი გრავიტაცია, ანუ მიზიდულობის უნარი აქვთ, რის გამოც ყველა ახლოს მყოფ სხეულს შთანთქავენ (მათ ვერც მზის სხივები უსხლტებათ).

ასტრონომებმა დედამიწიდან 10 მლრდ სინათლის წელიწადით დაშორებული დიდი, კაშკაშა ობიექტი (მამონტ 1) ადრეული გალაქტიკების "პროტოგროვის" ცენტრში აღმოაჩინეს. გარდა იმისა, რომ იგი აქამდე აღმოჩენილ მსგავსი ტიპის სისტემებს შორის ყველაზე დიდი და გაურკვეველი წარმომავლობის ნათების ენერგიით გამოირჩევა, მკვლევრები იმასაც ვარაუდობენ, რომ იგი "ტყვიის ნისლეულზე" დიდია. ეს უკანასკნელი კი 2 მლნ სინათლის წელიწადზეა გადაჭიმული.

იაპონიაში მკვლევართა ჯგუფმა მოლეკულური რობოტი შექმნა, რომელიც პროტეინსა და დნმ-ს შეცავს. იგი ინფორმაციას დნმ-დან სიგნალის სახით იღებს და შესაბამისად იცვლის ფორმას. მას ისეთ რთულ სისტემებშიც შეუძლია ფუნქციონირება, როგორიც ადამიანის სხეულია.

საქართველოს კომპოზიტორთა კავშირის გამგეობის წევრი ბარამ ბარამიძის მიერ 23 თებერვალს გავრცელებულ განცხადებაში აღნიშნულია, რომ კომპოზიტორთა კავშირის შენობაში (დავით აღმაშენებლის გამზ. 123) ვითომდა არსებული საროსკიპოს არსებობის შესახებ გავრცელებულ ცრუ ინფორმაციამ შეცდომაში შეიყვანა.