მძიმე ეკონომიკური პრობლემების ფონზე გაკეთებული სახელისუფლებო განცხადებები პოლიტოლოგ სოსო ცინცაძეს აფიქრებინებს, რომ მთავრობა ხალხსა და რეალობას იმდენად დაშორდა, რომ საკუთარ შექმნილ სამყაროში ცხოვრობს და ვერ ამჩნევს თუ რა გასაჭირი ადგას მოსახლეობას.

2-თვიანი პრემია ბრწყინვალე მუშაობისთვის და არაკომპეტენტურობის გამო სამსახრუდან გაშვება - ახალგაზრდა კაცი უკვე მე-4 დღეა საგარეო საქმეთა სამინისტროში დაბრუნებას და თანამდებობაზე აღდგენას ამაოდ ითხოვს. ამბობს, რომ აქციების პარალელურად დავას სააპელაციო სასამართლოშიც გააგრძელებს და სიმართლისთვის ბოლომდე იბრძოლებს, მიუხედავად იმისა, რომ ამის იმედი აღარ აქვს.

სამომხმარებლო ბაზარი კლიენტების ნაკლებობას განიცდის. ეროვნული ვალუტის გაუფასურებამ და ინფლაციამ მოსახლეობის მსყიდველობითი უნარი მკვეთრად შეამცირა. მოვაჭრეებიც მყიდველთა რაოდენობას უჩიავიან და თავიანთ სავაჭრო ობიექტებში მარაგს ამცირებენ. მდგომარეობის სიმძიმეზე საუბრობენ, როგორც რიგითი მომხმარებლები ასევე ბიზნესის წარმომადგენლები. თუ სიტუაცია არ დასტაბილურდა, ისინი საქმიანობის შეჩერებას არ გამორიცხავენ.

ელექტროენერგიის ტარიფის შენარჩუნების საკითხი ჯერ ისევ კითხვის ნიშნის ქვეშაა. ენერგეტიკის სამინისტროსა და სემეკში ირწმუნებიან, რომ ყველაფერი ძველებურად დარჩება, მაგრამ სპეციალისტები სხვაგვარად აფასებენ შექმნილ მდგომარეობას. შეიძლება ითქვას, რომ მთელი ენერგოსისტემა ზღვარზე მუშაობს, რადგან ტარიფის მატება მხოლოდ ლარის კურსზეა დამოკიდებული.

პიროტექნიკის გაყიდვაზე რეგულაციის არარსებობა მოსახლეობისთვის დიდი პრობლემაა. ხალხი ითხოვს, თავის ნებაზე მიშვებული ბაზარი ბოლოს და ბოლოს კონტროლს დაექვემდებაროს. ერთი წლის წინათ, არსებობდა პეტიციაც, რომლის ხელმომწერებიც პარლამენტს ამ საშიში სათამაშოს გაყიდვაზე სპეციალური ნორმის შემოღებას სთხოვდნენ, თუმცა საახალწლო ეიფორიის ჩავლის შემდეგ, ეს პრობლემა ყველას გადაავიწყდა.

ლარის დევალვაციის ფონზე ქვეყნის საექსპორტო შესაძლებლობების გამოყენებაზე აქტიურად მიდის საუბარი. მთავრობაში ამბობენ, რომ ეროვნული ვალუტის გაუფასურება ექსპორტს ახალისებს, რეალურად კი სრულიად საპირისპირო სურათი გვაქვს. ადგილობრივი წარმოება, ძირითადად, უცხოურ ნედლეულზეა დამოკიდებული. მისი ფასი კი მატულობს. ამიტომ საექსპორტო პროდუქციაც ძვირდება და საბოლოო ჯამში ერთ ადგილს ვტკეპნით.

იუსტიციის მინისტრმა თეა წულუკიანმა განაცხადა, რომ 10-20 მოქალაქის მიერ უვიზო რეჟიმის დარღვევამ, შესაძლოა, უვიზო რეჟიმის უკან გაწვევა გამოიწვიოს, რის საპასუხოდაც ანალიტიკოსები ამბობენ, რომ ეს სიმართლე არ არის და ამის თქმა არასერიოზულია.

დღეიდან ადამიანისთვის ხელის დარტყმაზე, წამებასა და შეურაცხყოფის მიყენებაზე პასუხისმგებლობა მკაცრდება. შესაბამისი ცვლილებები სისხლის სამართლის კოდექსში შევიდა და კანონპროექტს პრეზიდენტმაც მოაწერა ხელი.

პოლიტოლოგი ნიკა ჩიტაძე ამბობს, რომ ამერიკის სახელმწიფო მდივნად მსოფლის უდიდესი კერძო ნავთობკორპორაცია "ექსონ მობილის" ხელმძღვანელის, რექს ტილერსონის წარდგენა, რომელსაც ვლადიმირ პუტინთან ნაცნობობა აკავშირებს, ამერიკის გეოპოლიტიკურ კურსზე არსებით ზეგავლენას ვერ მოახდენს, რადგანაც საგარეო პოლიტიკის მიმართულებით, მთავარ გადაწყვეტილებებს სენატი და ქვედა პალატა, კონგრესი იღებს.

"ოპოზიციის საქმე ლაპარაკია და უნდა ილაპარაკონ. ჩვენი საქმა კი საქმის კეთებაა და ასეც უნდა მოვიქცეთ," - ასე პასუხობს გუგული მაღრაძე ოპონენტების კრიტიკას და ამბობს, რომ მათი მხრიდან გამოთქმული შენიშვნები არ აკვირვებს.

"თქვენი და კვირიკაშვილის ყოველი განცხადების შემდეგ, ლარი გაუფასურების ახალ რეკორდს ამყარებს" - ეს ბრალდება გუშინ საპარლამენტო უმცირესობის წევრმა ზურაბ ჭიაბერაშვილმა ფინანსთა მინისტრ დიმიტრი ქუმსიშვილს პარლამენტში წაუყენა.

პოლიტოლოგი იგორ კვესელავა ფიქრობს, რომ საპარლამენტო უმრავლესობასა და პრეზიდენტის ინსტიტუტს შორის წამოჭრილი უთანხმება, რომელიც საკონსტიტუციო კომისიაში პრეზიდენტის ჩართვის საკითხს უკავშირდება, თავად გიორგი მარგველაშვილის მიერ წამოწყებული დაპირისპირების გაგრძელებაა, რომელიც მისთვის არცთუ ისე სახარბიელოდ დასრულდება. მისი ვარაუდით, უახლოეს მომავალში შესაძლოა პრეზიდენტის არჩევის წესიც კი შეიცვალოს და იგი არა ხალხმა, არამედ უკვე პარლამენტმა აირჩიოს. კვესელავას თქმით, ეს სწორი ცვლილება იქნება.