13 ნოემბერს, ევროკავშირის წევრ ბულგარეთსა და სტრატეგიულ პარტნიორ მოლდოვაში გამართულმა საპრეზიდენტო არჩევნების მეორე ტურმა, სადაც პრო-რუსული განწყობის კანდიდატებმა გაიმარჯვეს, როგორც ქვეყნების შიდა, ასევე საგარეო პოლიტიკაში დაძაბულობა გამოიწვიეს. ბუნებრივია, ამ მოვლენებმა შესაძლოა ევროკავშირის შიგნით არსებული კრიზისი კიდევ უფრო გააღრმავოს.

ახლად არჩეული პარლამენტის პირველ სხდომას პოლიტოლოგები სხვადასხვაგვარად აფასებენ. ნაწილი მიიჩნევს, რომ საკანონმდებლო ორგანოში გამართული გუშინდელი სხდომა უფრო საზეიმო ხასიათის იყო, ვიდრე სამუშაო პრინიციპებზე აგებული. ხოლო მეორე ნაწილი მიიჩნევს, რომ პირველი სხდომა თავისი გზავნილებითა და ახალი სახეებით, საერთო ჯამში, პოზიტიურ მოლოდინსა და ნაკლები აყალმაყალის პროგნოზირების საშუალებას იძლევა.

რუსეთის დუმის დეპუტატი ლეონიდ კალაშნიკოვის განცხადებამ საქართველოში ტერიტორიული კონფლიქტების შესაძლო გადაწყვეტის გზებზე სოხუმში სერიოზული ვნებათაღელვა გამოიწვია. სეპარატისტთა დე ფაქტო საგარეო საქმეთა სამინისტრომ საგანგებო განცხადებაც გაავრცელა, სადაც მოუწოდებენ რუსულ მხარეს, აფხაზეთის სტატუსთან დაკავშირებით, დაუფიქრებელი განცხადებების გაკეთებას მოერიდონ.

კონფლიქტოლოგი, ექსპერტი კავკასიის საკითხებში მამუკა არეშიძე "რეზონანსთან" საუბარში აღნიშნავს, რომ ესაა რუსული ზონდაჟი და ლეონიდ კალაშნიკოვის განცხადებები გათვლილია საზოგადოების რეაქციაზე.

საქართველოს ექსპრეზიდენტისა და ოდესის ყოფილი გუბერნატორის, მიხეილ სააკაშვილის საქართველოში შესაძლო ექსტრადირება ბოლო დღეების უკრაინული მედიის ერთ-ერთი მთავარი თემაა. რამდენიმე დღის წინ ჯერ რადაში გაკეთდა განცხადება სააკაშვილის საქართველოსათვის გადაცემის მოთხოვნით, გუშინ კი გამოცემა "უკრაინსკაია პრავდამ" საკუთარ წყაროზე დაყრდნობით გაავრცელა ინფორმაცია, რომ ქვეყნის ხელისუფლება ასეთ შესაძლებლობას მართლაც განიხილავს.

იურისტები და უფლებადამცველები პრეზიდენტის ინიციატივას - პოლიტპატიმართა დასახმარებლად სარეზერვო ფონდიდან თანხების გაღების თაობაზე მიესალმებიან და ამბობენ, რომ ეს ბოლო წლების განმავლობაში, ამ ადამიანების განთავისუფლების შემდეგ, მათი ღირსების აღსადგენად გადადგმული პირველი ქმედითი ნაბიჯი იქნება.

ბიზანტიის საიმპერატორო კარისთვის დამახასიათებელი გახლდათ ხშირი სახელმწიფო გადატრიალებები. ამ ძალადობრივ ქმედებებს თავისი იდეოლოგიური საფუძველი გააჩნდა. ეს ხომ სწორედ ის ქვეყანაა, სადაც ყველა თანასწორად მიიჩნეოდა და ყველას ჰქონდა შანსი, მიუხედავად სოციალური წარმომავლობისა, უმაღლეს საიმპერატორო ტახტზე ეფიქრა.

ანალიტიკოსი ზაალ ანჯაფარიძე ამბობს, რომ ახალი ხელისუფლების პირველ გამოწვევას, წინასაარჩევნო დაპირებები წარმოადგენს, რომლის შესრულებაც დაუყოვნებლივ უნდა დაიწყოს. მისი თქმით, მთავრობის დაკომპლექტებისთანავე და მის მიერ გადადგმული პირველი ნაბიჯებიდანვე გამოჩნდება, ისინი რამდენად დამოუკიდებლები იქნებიან.

2017 წლის ბიუჯეტის საბოლოო ვარიანტის წარდგენამდე ცოტა დრო რჩება. მისი ფუნდამენტური გადამუშავება აუცილებელია, რათა წინა წლების მსგავსად მთავრობამ თავიდან აირიდოს ის საფრთხეები, რაც წლის ბოლოს ბიუჯეტის შესრულებას მოსდევს, როგორც შემოსულობების, ასევე გადასახდელების ნაწილი. ყოველ შემოდგომაზე მომავალი წლის მთავარი ფინანსური დოკუმენტი ზედმეტად ოპტიმისტურად იგეგმება, ამიტომ სპეციალისტების აზრით, საჭიროა ყველა დეტალის სიზუსტით გაანგარიშება.

მთავრობა საგადასახადო რეფორმაზე აქტიურ მუშაობას იწყებს. საგადასახადო კოდექსში ცვლილებები 2017 წლის იანვრიდან შევა. რეინვესტირების შემთხვევაში კომპანიები მოგების გადასახადისგან გათავისუფლდებიან. ფინანსთა სამინისტროს ინფორმაციით, მოგების გადასახადით მხოლოდ განაწილებული მოგება დაიბეგრება.

პლასტმასის ჭურჭელში საკვების შენახვა რომ ჯანმრთელობისთვის მავნებელია, ამის შესახებ ერთხელ მაინც ყველას სმენია. მიუხედავად ამისა, მინისა და კერამიკის ჭურჭელთან შედარებით დაბალი ფასისა და პრაქტიკულობის გამო, მასზე უარს ცოტა თუ ამბობს. ადამიანების უმეტესობა, ვერ იაზრებს საფრთხეს, რომელსაც პლასტმასში არსებული მავნე მინარევები უქმნის, რადგან მავნე ზეგავლენას და ჯანმრთელობის გაუარესებას მაშინვე ვერ გრძნობენ.

საქართველო სატრანზიტო ფუნქციას ნელ-ნელა კარგავს. ბოლო 4 წელიწადში გადაზიდვები 20%-ით შემცირდა. ტენდენცია თუ გაგრძელდება, მომავალ 5 წელიწადში, შესაძლოა, ეს მაჩვენებელი განახევრდეს კიდეც. საფრთხეზე უკვე ექსპერტებიც ალაპარაკდნენ. ისინი მიზეზად ექსპორტისა და რეექსპორტის კუთხით არსებულ პრობლემას მიიჩნევენ და მთავრობას არაადეკვატურ ნაბიჯებში სდებენ ბრალს.