"კონსულტაციისთვის ჩემთვის არაერთხელ მოუმართავთ. მაშინაც კი, როცა ხელისუფლების ოპოზიციაში ვიყავი. არც მაშინ მითქვამს უარი და არც არასოდეს, ამიტომ გააჩნია რაზე იქნება დამოკიდებული კონსულტაცია", - აცხადებს "რეზონანსთან" საუბრისას ყოფილი "რესპუბლიკელი" ვახტანგ ხმალაძე და იქვე დასძენს, რომ აზრთა თანხვედრის შემთხვევაში მისი თანამშრომლობა არც მმართველ პარტიასთანაა გამორიცხული.

პოლიტოლოგი ხათუნა ლაგაზიძე ამბობს, რომ არჩევნების შემდეგ ქვეყანაში პოლიტიკური ველზე მხოლოდ ყამირია, ხოლო მის დასაკავებლად საკმაოდ დიდი რესურსი და ახალი სახეებია საჭირო. ამიტომაც პოლიტოლოგს მიაჩნია, რომ დავით უსუფაშვილმა აქცენტი გუნდის შექმნისას, ძველ და ვადაგასულ პოლიტიკოსებზე არ უნდა გააკეთოს.

სოციოლოგიური გამოკითხვებით, აშშ-ის პრეზიდენტობის კანდიდატი დემოკრატიული პარტიიდან, ჰილარი კლინტონი მის კონკურენტს რესპუბლიკური პარტიის კანდიდატ დონალდ ტრამპს რამდენიმე პროცენტით უსწრებს. 8 ნოემბრის არჩევნების შედეგები მსოფლიო პოლიტიკისთვის იქნება მნიშვნელოვანი.

"საქართველოს ვიზალიბერალიზაცია დამოკიდებულია შეჩერების მექანიზმის საკითხზე, თუმცა როდის მოხდება მისი ამოქმედება, ეს არავინ არ იცის", - განაცხადა ფონდ "ღია საზოგადოება-საქართველოს" ევროინტეგრაციის პროგრამის მენეჯერმა ვანო ჩხიკვაძემ უვიზო რეჟიმის შემოღების ვადებთან დაკავშირებით. მისი თქმით, ამისთვის 2-წლიანი ვადაა, თუმცა იგი იმედოვნებს, რომ საქართველოს საკითხი ამდენ დროს არ მოითხოვს.

დასავლეთ საქართველში თხილის ფასი არ იმატებს, ხოლო ნიგოზი კატასტროფულად ძვირია. თხილის შემთხვევაში, დაბალი ფასი მოსავლის ხარისხმა განსაზღვრა. რაც შეეხება ნიგოზს, მომხმარებელს პროდუქტი დეფიციტის გამო გაუძვირდა. თუ ასე გაგრძელდა, საახალწლოდ ნიგვზის ფასმა ქვეყნის დასავლეთ რაიონებში, შესაძლოა, 40 ლარსაც მიაღწიოს.

საქართველოს ეკონომიკური ზრდის პროგნოზი გაცილებით ნაკლებია იმაზე, რაც ქვეყანას რეალურად სჭირდება. ევროპის რეკონსტრუქციისა და განვითარების ბანკი წელს მშპ-ს 3,4%-ით, 2017 წელს კი 3,9%-ით გაზრდას პროგნოზირებს. სპეციალისტების შეფასებით, საერთაშორისო ფინანსური ინსტიტუტების ვარაუდი რეალობას მეტ-ნაკლებად ასახავს.

ხშირად საუბრობენ, რომ თბილისში სატრანსპორტო საშუალებების რიცხვი დღითი დღე იზრდება. ტრანსპორტის სიმრავლის და გადატვირთული გზების ფონზე, მდგომარეობას კიდევ უფრო ამძიმებს ქვეითთა მხრიდან მოძრაობის წესების სისტემატური დარღვევა: გზის გადაკვეთა იმ ადგილებში, სადაც ეს აკრძალულია; შუქნიშნიან გადასასვლელზე გადასვლა, როცა ქვეითებისათვის წითელი შუქია ანთებული და ამით საავარიო სიტუაციების შექმნა.

კერძო და საჯარო სექტორში მინიმალური ხელფასის ზრდამ, შესაძლოა, დასაქმებულთა რაოდენობა შემციროს. დამსაქმებლები ცდილობენ, რომ თავი აარიდონ ვალდებულებებს და მიზერული ხელფასის გაცემით დაკმაყოფილდნენ. აქვს თუ არა საშუალება, აბსოლუტურად ყველა დამფინანსებელი ხელფასის გაზრდის მოთხოვნის წინააღმდეგია.

ვარძიის უნიკალური ფრესკების აღდგენითი სამუშაოები თბილისის სამხატვრო აკადემიის წარმომადგენლების მიერ, ლონდონის უნივესტიტეტის - კურტოს ხელოვნების ინსტიტუტის რეკომენდაციების გათვალისწინებით ჩატარდება. ამის შესახებ კულტურული მემკვიდრეობის დაცვის ეროვნულ სააგენტოში აცხადებენ. ისტორიკოსთა ნაწილი კი ვარძიაში განვითარებულ მოვლენებს დაუდევრობას უკავშირებს და ამბობს, რომ კულტურული მემკვიდრეობა ქვეყნისთვის პრიორიტეტი არასდროს ყოფილა.

როგორც ისტორიკოსები ამბობენ, ქართულ მეცნიერებაში ნაკლებად არის შესწავლილი ძვ. წ. ათასწლეულებში ამიერკავკასიაში მსხვილფეხა საქონლის აბორიგენული წარმომავლობისა და ალპური მეურნეობის საკითხი.

ახალი მინისტრთა კაბინეტის დამტკიცებამდე სპეციალისტები ხელისუფლებას ეკონომიკის, ფინანსთა, საგარეო საქმეთა მინისტრების შეცვლას ურჩევენ და ამბობენ, რომ მუშაობის პროცესში ისინი აშკარად მოიკოჭლებდნენ. მიიჩნევენ, რომ მათი გადაყენება საზოგადოების თვალშიც დადებითად აღიქმება და ეს მომგებიან ნაბიჯად შეიძლება იქცეს.

ტერორისტული ორგანიზაციის "ისლამური ხალიფატის" მიერ საკუთარი მებრძოლებისადმი მოწოდება, ბრძოლის ველი თურქეთში გადაიტანონ, ქართველი ანალიტიკოსების თქმით, საფრთხეებს საქართველოსთვისაც მოიცავს - ზაალ კასრელიშვილი თვლის, რომ დაზღვეული არ ვართ ტერაქტებისგან. მამუკა არეშიძის განცხადებით კი, დღეს ქვეყანაში ყველაზე დიდი საფრთხე ბოლო დროს ძალიან გაძლიერებული ისის-ის იდეების პროპაგანდაა, რადგან აღმოსავლეთ საქართველოში რადიკალი ისლამისტების ლიდერებმა პირდაპირი საჯარო ქადაგებები დაიწყეს.