მადრიდის "რეალის" ექსკაპიტანი იკერ კასილასი "მარკასთან" მიცემულ ინტერვიუში იხსენებს მის ურთიერთობას ჟოზე მაურინიოსთან, საუბრობს მის ოჯახზე და, რა თქმა უნდა, ფეხბურთზე.

"ლევან ბერძენიშვილი ან ემოციას აჰყვა, ან ცოტა ზედმეტებშია გადასული. მან თამაზ მეჭიაურთან მიმართებაში ელემენტარული ეთიკის ნორმები არ უნდა დაარღვიოს," - აცხადებს "ქართული ოცნების" წევრი დავით ლორთქიფანიძე, რომელიც ლევან და დავით ბერძენიშვილების მხრიდან მეჭიაურის კრიტიკას რადიკალურად ემიჯნება და ამ ფონზე უახლოეს ხანში სამთავრობო ცვლილებებსაც პროგნოზირებს, რადგან მიაჩნია, რომ პრემიერი მინისტრებთან კომფორტულად უნდა გრძნობდეს თავს, მეჭიაურთან დაკავშირებით ზაქარეიშვილის მხრიდან მთავრობის კრიტიკა კი ძალიან უხერხული იყო.

სანდრო გირგვლიანის მამა გურამ გირგვლიანი პაატა ბურჭულაძეს პოლიტიკურ საქმიანობაში მხარს უჭერს. მისი აზრით, ის ქვეყანასა და ხალხს იმედს დაუბრუნებს, რომელიც მათ ამჟამინდელი ხელისუფლების პირობებში დაკარგეს.

თავდაცვის ექსმინისტრი დავით კეზერაშვილი იარაღით ვაჭრობის გამო ისრაელის კორუფციულ სკანდალში ეხვევა. საუბარია ათეული მილიონი დოლარის ღირებულების კონტრაქტის დადებისას კორუფციულ გარიგებაზე, ე.წ. ატკატებზე და გამორიცხული არ არის, ექსმინისტრის წინააღმდეგ საქართველოს პროკურატურის ორ ბრალდებას კიდევ ერთი დაემატოს და ისრაელის ფაქტორის გამო, ამ შემთხვევაში მაინც, გახდეს შესაძლებელი მისი ექსტრადირება.

"სახელმწიფო ხალხისათვის" - 6 - თვიანი მოთელვის შემდეგ მსოფლიო ბანი პაატა ბურჭულაძე აქტიურ პოლიტიკურ საქმიანობას იწყებს. ამბობს, რომ იძულებული გახდა, მიეტოვებინა კარიერა, ტკბილი ცხოვრება და პოლიტიკურ ძალას სათავეში ჩადგომოდა. პარტიის ყრილობას თვის ბოლოს გამართავს და შემდეგ გახდება ცნობილი მისი გუნდის შემადგენლობაც. ამ ეტაპზე არსებული ინფორმაციით, "საქართველოს განვითარების ფონდი" ფუნქციონირებას ძველებურად გააგრძელებს, თუმცა რამდენიმე წევრის გამოკლებით, რომლებმაც პარტიაში გადაინაცვლეს.

22 თებერვალს, ფონიჭალაში დედა-შვილის სასტიკი მკვლელობის შემდეგ 3 თვე გავიდა და მკვლელი ამ დრომდე დაკავებული არ არის. თუმცა დაღუპული ნონა რომანაძის ახლობლები აცხადებენ, რომ გამოძიება მკვლელეობის რამდენიმე ვესიაზე მუშაობს და სავარაუდო ეჭვმიტანილთა ფართო წრე ჰყავს.

სახელმწიფო უსაფრთხოების სამსახურის უფროსი ვახტანგ გომელაური გუშინ საქართველოს პარლამენტში იმყოფებოდა. სუს-ის უფროსს დეპუტატებისთვის უწყების საქმიანობის ანგარიში უნდა წარედგინა. იქიდან გამომდინარე, რომ დღის წესრიგით გათვალისწინებული სხვა - საკონსტიტუციო სასამართლოს - საკითხის განხილვა სესიის დასრულებამდე გაგრძელდა, სუს-ის ანგარიშის მოსმენა, რომელიც მეორე საკითხად იყო ჩანიშნული, ვერ გაიმართა.

პაატა ბურჭულაძის პოლიტიკაში წასვლასთან დაკავშირებით პოლიტოლოგ სოსო ცინცაძეს უამრავი კითხვა აქვს. ამბობს, რომ ჯერ ყველაფერი ძალიან ბუნდოვანია, რადგან არც მისი საარჩევნო პროგრამაა ცნობილი, არც გუნდი, არც რესურსი და არც დაპირებები.

აღმოსავლეთ საქართველოს სეტყვა უტევს. ჯერჯერობით, სეტყვის საწინააღმდეგო აპარატი საგულდაგულოდ არის "შეფუთული" და განრიგით მისი ამუშავება მაისის ბოლოს არის გაწერილი. ბუნებრივია, იმ დროისთვის ქართლსა და კახეთში მოსავალი თუ კიდევ სადმე დარჩა. სინოპტიკოსები არამდგრად ამინდებს კიდევ ერთი კვირა პროგნოზირებენ. სეტყვის საწინააღმდეგო აპარატის გამოუყენებლობის გარდა, მეორე პრობლემაა ის, რომ გლეხები მოსავლის დაზღვევის სიკეთეს დღემდე ვერ მიხვდნენ. არადა, სადაზღვევო პრემიის ნახევარზე მეტს სახელმწიფო იხდის. მესამე პრობლემა კი არის ის, რომ ყვავილობისას ხეხილის დაზღვევა არ ხდება და ზარალი მხოლოდ იმ დაზღვეულებს აუნაზღაურდებათ, რომლებსაც საადრეო ხეხილის ბაღები, ან ვენახები აქვთ და ნაყოფი უკვე გამოსულია.

წლის დასაწყისიდან დღემდე მსოფიოში "შავ ოქროზე" ფასი თითქმის 70-74%-ით გაიზარდა. თუ იანვარში ბრენტის ტიპის საწვავი 27-29 დოლარი ღირდა, დღეს მისი ფასი 45-47 დოლარის ფარგლებში მერყეობს. ნავთობის ზრდა მომავალშიც გაგრძელდება, თუმცა, უმნიშვნელოდ, საერთაშორისო ინსტიტუტების პროგნოზით, წლეულს მისი ფასი 50 დოლარს არ გადააჭარბებს.

გარეუბნებში ახალი კორპუსების მშენებლობება აქტიურდება. სამშენებლო სფეროში ლ2 კოეფიციენტთან დაკავშირებული შეზღუდვის შემდეგ კომპანიების ნაწილს პრიორიტეტის შეცვლა მოუწევს. როგორც სპეციალისტები ვარაუდობენ, აქცენტი გარეუბნებზე გაკეთდება. რაც შეეხება რეგიონებს, პერსპექტივა ჯერჯერობით არ ჩანს, რადგან მშენებლობა მსხვილ რეგიონულ ცენტრებშიც კი სარისკოა ცხოვრების დაბალი დონის გამო.

რა არის სამოქალაქო განათლება და როგორი ასწავლიან მას სკოლებში? ამის შესახებ "რეზონანსი" სამოქალაქო განვითარების ინსტიტუტის განათლების სპეციალისტს, თამარ მოსიაშვილს ესაუბრა.