მადრიდის "რეალიდან" ტურინის "იუვენტუსში" გადაბარგებული ალვარო მორატა იტალიის სერია ა-ს საკმაოდ კარგად მოერგო. გუნდის ძირითად შემადგენლობაშიც ადგილი მალევე დაიმკვიდრა. კარგი თამაშის მიუხედავად, 23 წლის ფეხბურთელს გოლები ნაკლებად გააქვს, ამას კი ფეხბურთელი იმით ხსნის, რომ იტალიაში გოლის გატანა საკმაოდ რთულია, რადგან თავდამსხმელებს სამი მცველის წინააღმდეგ უწევთ თამაში.

"ქართული ოცნების" წევრი ომარ ნიშნიანიძე ამბობს, რომ პარტიაში არსებობენ გარკვეული ჯგუფები, რომლებიც გადაწყვეტილებას ერთპიროვნულად იღებენ და აზრს არავის ეკითხებიან. ეს კი, მისი აზრით, "ოცნების" ინტერესებს აზიანებს და არჩევნებში ღირსეული კანდიდატებით წარდგენის შანსს უკარგავს.

ქართველები საოკუპაციო საზღვრის მიღმა ახლობლების საფლავების მოსანახულებლად გასვლას, და წითელი კვერცხების გადაგორებას ვერც წლევანდელ აღდგომას შეძლებენ. დე ფაქტო სამხრეთ ოსეთის ხელისუფლება ისევ კატეგორიული წინააღმდეგია ერთი დღით მაინც დაუშვას ნებართვა და მხოლოდ ქალები მაინც გადავიდნენ ახლობლების საფლავების მოსანახულებლად.

"არ გამოვრიცხავ, რომ მთავრობის ზოგიერთი წარმომადგენელი შესაძლოა, ჩვენს რიგებში ვიხილოთ," - ამბობს "რეზონანსთან" საუბრისას პარტია "თავისუფალი დემოკრატების" წევრი გია ცაგარეიშვილი და დასძენს, რომ "ქართულ ოცნებაში" ბევრი ღირსეული ადამიანია, რომელთანაც შესაძლოა, პარტიამ საერთო ენა გამონახოს.

საქართველოსა და უკრაინის ვიზალიბერალიზაციის საკითხს ევროკავშირის საბჭო 11 მაისს განიხილავს და სავარაუდოდ ივნისში ამ ქვეყნების მოქალაქეები ევროპასთან უვიზო თავისუფალ მიმოსვლას შეძლებენ. პროცედურების თანახმად, საბოლოო გადაწყვეტილებას ევროპალამენტი მიიღებს, რომელიც, დიდი ალბათობით, მაისის ბოლოს იმსჯელებს და შემდეგ უკვე 20 დღეში გადაწყვეტილება ძალაში შევა.

რუსეთის პარლამენტის ზედა პალატის ქართული წარმოშობის ერთადერთი დეპუტატი, ფედერალური კრების წევრი ლიპეცკის ოლქიდან და მმართვალი პარტია "ეძინაია რასიას" წარმომადგენელი მაქსიმილიან ქავჟარაძე რუსული მედიის ყურადღების ქვეშ მოექცა. ჟურნალისტები მას აშშ-ის სახელმწიფო მდივანთან, ჯონ კერისთან მჭიდრო პოლიტიკურ ურთიერთობაში ადანაშაულებენ. მოსკოვსა და დასავლეთს შორის დღესდღეობით არსებული რთული პოლიტიკური ვითარების გათვალისწინებით კი ეს საკმაოდ მძიმე ბრალდებაა.

"პატრიოტთა ალიანსს", "მრეწველებისგან" განსხვავებით, ბიზნესწრეებთან კავშირი არ აქვს. ამგვარი კავშირები კი პარტიას არჩევნებისთვის ყოველთვის სჭირდება," - ამ მიზეზით ხსნის პოლიტოლოგი და ფსიქოლოგი რამაზ საყვარელიძე "მრეწველებისა" და "ალიანსის" შესაძლო გაერთიანებას და აქვე დასძენს, რომ ამით პარტიები სხვა მხრივაც მიიღებენ მოგებას. კერძოდ იმით, რომ მათ დაახლოებით ერთი ტიპის ამომრჩეველი ჰყავთ და გაერთიანებით ამომრჩევლის დაქსაქსვასაც აირიდებენ თავიდან.

ბაგებში, წყლის გამანაწილებელ ჭაში 46 წლის მამაკაცის ცხედარი იპოვეს. როგორც გარდაცვლილის ახლობლები აცხადებენ, მამაკაცი ნასვამ მდგომარეობაში იყო და სავარაუდოდ, ფეხი დაუცდა. ამ ეტაპზე გამოძიება დაწყებულია და დაადგენს, იყო თუ არა ჭა თავახდილი და ვის ევალებოდა ამის მონიტორინგი.

საერთაშორისო ბაზარზე ხორბალი მკვეთრად ძვირდება. მსხვილი ექსპორტიორი ქვეყნები მოსავლის შემცირებას პროგნოზირებენ და ამ ინფორმაციამ ბირჟებზე ვითარება დაძაბა. ქართველ იმპორტორებს 1 ტონა ხორბლის ღირებულება უკვე 20 დოლარით გაუძვირდათ. მიუხედავად ამისა, ისინი ახლო მომავალში ფქვილის გაძვირებას არ ელოდებიან და აცხადებენ, რომ გაზრდილი ფასი ლარის გამყარებამ დააბალანსა.

ეროვნული ბანკი დოლარს გამალებით ყიდულობს, რადგან ლარის მკვეთრ გაძლიერებას უფრთხის. ამის გამო ეროვნული ვალუტის კიდევ უფრო გამყარება რამდენიმე დღით გადაიდო. საქართველოში იშვიათია ადამიანი, რომელსაც ვალი არ აქვს. მათი უმეტესობა კი სესხს დოლარში იხდის, ამიტომ ერთი სული აქვს, მწვანე ვალუტა როდის გაიაფდება. ამიტომაც მოსახლეობისთვის ეროვნული ბანკის პოლიტიკა გაუგებარია.

საქართველოში ექსპორტის მაჩვენებელი ბოლო 3 წლის განმავლობაში მუდმივად მცირდება, ეს მაშინ, როდესაც მთავრობა თავს იწონებს და აცხადებს, რომ ქვეყანაში 160-მდე ახალი საწარმო გახსნა და სოფლის მეურნეობის მიმართულებაც გაძლიერდა. წარმოებული პროდუქცია ადგილობრივ ბაზარზე არ ჩანს, ყოველ შემთხვევაში ჭარბი რაოდენობით. იმპორტის ჩანაცვლება დღემდე ისევ პრობლემაა. არც ექსპორტს ეშველა რამე, რადგან წელს პირველ კარტალში, შარშანდელთან შედარებით, ექსპორტმა უკვე 12%-ით იკლო.

მომავალ სამშაბათს, 26 აპრილს უეფას ჩემპიონთა ლიგის პირველი ნახევარფინალური მატჩი შედგება. მანჩესტერში "სიტი არენაზე" ადგილობრივი გუნდი მადრიდის "რეალს" დაუპირისპირდება. მანჩესტერელები პირველად გავიდნენ ევროპის ყველაზე პრესტიჟული გათამაშების ნახევარფინალში, მაშინ როცა "სამეფო კლუბი" 27-ედ ითამაშებს ფინალში გადასასვლელ ორმატჩიან რაუნდს.