სულ მალე საქართველოს, როგორც ჩანს, უვიზო რეჟიმი არა მხოლოდ ევროკავშირთან, არამედ რუსეთთანაც ექნება. ევროკავშირი საკუთარ გადაწყვეტილებას ხვალ გამოაცხადებს, რუსეთმა კი სავიზო რეჟიმის გაუქმებისათვის მზადყოფნა გამოთქვა.

შეწყალების სკანდალური საქმე სულ უფრო დიდ მასშტაბებს იძენს და ახალ-ახალი დეტალებით მდიდრდება - პრეზიდენტის ადმინიტრაციამ პროკურატურას 1780-გვერდიანი მასალა გადაუგზავნა. თბილისის საკრებულოს დამოუკიდებელი დეპუტატი ალეკო ელისაშვილი კი ეჭვობს, რომ პროკურატურა საქმის "ჩაფარცხვას" ცდილობს, ამიტომ პირობას დებს, რომ რამდენიმე დღეში თავად გაასაჯაროებს ყველა იმ ფაქტს, რაც გაჩნია. ამ ეტაპზე 30-ზე მეტი ადამიანია დაკითხული.

"თავისუფალი დემოკრატების" ერთ-ერთი ლიდერი და პარლამენტის დეპუტატი ვიქტორ დოლიძე ამბობს, რომ ალეკო ელისაშვილის განცხადების შემდეგ, მტყუან-მართალი მხოლოდ პროკურატურამ უნდა დაადგინოს. რადგანაც, მისი თქმით, საზოგადოებაში ეჭვი ჩნდება და ბევრი კითხვა ისმება იმაზე, რომ თუკი პრეზიდენტს ახსოვს ელისაშვილთან შეწყალების კომისიის სკანდალური საუბრის დეტალები, მაშინ რატომ არ ახსოვთ თინა ხიდაშელსა და დავით უსუფაშვილს.

დედაქალაქის მოსახლეობა დანაგვიანებულ გარემოს უჩივის. როგორც ისინი "რეზონანსთან" საუბრისას აღნიშნავენ, ნაგვის დაყრაზე ჯარიმის დაწესებამ არაფერი შეცვალა და მოქალაქეების გარკვეული ნაწილი ჩვეულ რეჟიმში აგრძელებს ქუჩების დანაგვიანებას.

ანალიტიკოსები 2016 წლის პირველ ნახევარში 1 ბარელი ნავთობის 30 დოლარამდე გაიაფებას ელიან. "შავი ოქროს" ამ მაჩვენებლამდე დაცემას აღარაფერი უკლია. გაიაფებაზე გავლენა ამერიკული ნავთობის ექსპორტზე აკრძალვის გაუქმებამ და რეფინანსირების განაკვეთის 0,25%-ით გაზრდასთან დაკავშირებით, ამერიკის ფედერალური სისტემის გადაწყვეტილებამ იქონია.

თავისუფალი ინდუსტრიული ზონების კრახის შემდეგ, კიდევ ერთი ასეთი ზონა ამჯერად თბილისში, გლდანში გაიხსნა. როგორც წინა წლებში, ახალი ზონის გახსნასაც გრანდიოზული გეგმები ახლავს - უამრავი ადამიანის დასაქმება, მილიონობით ინვესტიციის შემოსვლა. სპეციალისტების აზრით, თუკი ხელისუფლებამ ზონების წარუმატებლობის კვანძი გახსნა, სჯობს, ასეთი პროექტები რეგიონებში განხორციელდეს, სადაც უმუშევრობის მაჩვენებელი ძალიან მაღალია.

საქართველოში ბანკების ფილიალების დაყაჩაღების ფაქტები ბოლო პერიოდში საოცრად გახშირდა. მარტო 2015 წლის განმავლობაში მთელი ქვეყნის მასშტაბით სხვადასხვა ბანკის 25-მდე ფილიალი დააყაჩაღეს. მართალია, დამნაშავეს მალევე პოულობენ, გატაცებულ ფულსაც იბრუნებენ, მაგრამ ეს არ ნიშნავს, რომ პოლიციას ყოველთვის უმართლებს. რამდენად არის დაცული საქართველოში ბანკების უსაფრთხოება?

"ამ მეტად საპასუხისმგებლო პოსტზე კონსტანტინე კანდელაკმა ისეთი დიდი ნიჭი და გამჭრიახობა გამოავლინა, რომ ქართული ფული - მანეთი უმოკლეს ხანში გახდა საერთაშორისო ვალუტა, რაც ნათელს ხდის იმ მდგომარეობას, რომ საქართველოს სახალხო მეურნეობა საქართველოს დამოუკიდებლობის გამოცხადებიდან მოკლე დროის განმავლობაში ისე მომაგრდა და გაძლიერდა, რომ ერთ-ერთი ყველაზე სტაბილური ქვეყანა გახდა ყოფილი მეფის რუსეთის იმპერიის ქვეყნებს შორის.

"როგორ განწყობაზე ხართ, თქვენ უკვე ბევრი ტიტული გაქვთ მოგებული", - "საკმაოდ მშვიდად ვარ," - ამბობს ლეონელ მესი, რომელიც ამომავალი მზის ქვეყანაში "ბარსელონასთან" ერთად საკლუბო ჩემპიონატზე იასპარეზებს.

22-მეტრიანი ნაძვის ხე რუსთაველის გამზირზე და სადღესასწაულო მინი ქალაქი ვარდების მოედანზე - თბილისელებს საახალწლოდ მთავარ გასართობ ღონისძიებებში მონაწილეობის მიღება ქალაქის ამ მონაკვეთში შეეძლებათ.

"ცოტაღა მაკლია, დავრწმუნდე, რომ პროკურატურა საქმის "ჩაფარცხვას" ცდილობს. მერე კი ყველაფერს ვიტყვი. სავარაუდოდ, ეს რამდენიმე დღეში მოხდება", - ამბობს "რეზონანსთან" საუბრისას თბილისის საკრებულოს დამოუკიდებელი დეპუტატი და შეწყალების კომისიის ყოფილი თავმჯდომარე ალეკო ელისაშვილი და პირობას დებს, რომ საჯაროდ იმ "არც ისე მაღალჩინოსნის" სახელსა და გვარსაც იტყვის, რომელიც მასზე პატიმრის შეწყალებისთვის ზეწოლას ახდენდა.

საფრანგეთის სასაზღვრო პოლიციამ მოლდოვის დროშით მცურავი გემი "სფკში ზფდქ" ("კარიბის პალმა") დააკავა, რომელზეც უპრეცედენტოდ დიდი რაოდენობის - 2,4 ტონა კოკაინი აღმოაჩინეს. ადგილობრივი მედიის ცნობით, ამ რაოდენობის ნარკოტიკული საშუალების დაკავება უპრეცედენტო მოვლენაა საფრანგეთის ისტორიაში.