არსებობს თუ არა საფრთხეების მოლოდინი რუსეთისაგან, თუკი ნავთობის ფასი ვარდნას განაგრძობს და როგორც მენავთობეები პროგნოზირებენ, შესაძლოა, ის 30 დოლარამდეც გაუფასურდეს? ანალიტიკოსების თქმით, როდესაც ქვეყანაში ეკონომიკური კრიზისია, ხელისუფლება პურის არარსებობას პოლიტიკური სანახაობით ანაცვლებს და რუსეთიც შიმშილის გადაფარვას მტრის ხატის პროპაგანდითა და კონფლიქტებით შეეცდება. მით უფრო იმ ფონზე, რომ რუსეთი თურქეთთან ცივი ომის პირობებში იმყოფება და რადგანაც ამ ორ ქვეყანას ინტერესთა კვეთა, სამწუხაროდ, საქართველოში და აზერბაიჯანშიც აქვს, დიდი ალბათობაა, ჩვენზე წნეხი გაიზარდოს.

შეწყალების კომისიის თავმჯდომარის ზვიად ქორიძის განცხადებით, კონკრეტულ მსჯავრდებულთა შეწყალებასთან დაკავშირებით ცალკეული პოლიტიკოსების მხრიდან არაჯანსაღი ინტერესი დღესაც არსებობს. მთავარ პროკურატურაში რამდენიმესაათიანი დაკითხვის შემდეგ, ქორიძემ განაცხადა, რომ გამოძიებას ამ საკითხთან დაკავშირებით ინფორმაცია პარლამენტისა და საჯარო პირების, ასევე ადვოკატების შესახებ მიაწოდა.

თირი, იკორთი, გომართი და ე.წ კაპტინი - ოკუპირებულ სამხრეთ ოსეთში მდებარე ქართულ კულტურულ ძეგლებს განადგურება ემუქრება. აფხაზეთის შემდეგ ქართული ეკლესია-მონასტრების "რესტავრაცია" ცხინვალშიც დაიწყეს.

მედიკამენტების ფასები კიდევ უფრო გაიზარდა. სხვადასხვა დასახელების წამლის ფასი 5-დან 80%-მდეა მომატებული. სამედიცინო სფეროს ექსპერტები აფთიაქებში ფასების ზრდას სავალუტო რყევებს უკავშირებენ. მათი თქმით, ჯანდაცვის მინისტრი დავით სერგეენკო ჯერ კიდევ ზაფხულში აცხადებდა, რომ სექტემბრიდან მედიკამენტები გაიაფდებოდა, მაგრამ მინისტრის პროგნოზი არ გამართლდა, რადგანაც მედიკამენტებზე ფასებმა კიდევ უფრო მოიმატა.

რუსეთი საქართველოს ოკუპირებულ ტერიტორიებზე არსებულ თავის სამხედრო ბაზებს აძლიერებს. გასულ კვირას ცხინვალის მახლობლად მდებარე რუსეთის მე-4 სამხედრო ბაზაზე 150 ერთეული სხვადასხვა დანიშნულების თანამედროვე სამხედრო ტექნიკა შევიდა. სხვადასხვა წყაროებიდან გავრცელებული ინფორმაციით, საუბარია "ტ-72" ტიპის მოდერნიზებულ ტანკებზე, "ლერ-3" ტიპის უპილოტო საფრენ აპარატებზე, რადიო-ელექტრონული ტალღების ჩამხშობ ულტრათანამედროვე დანადგარ "ბორისოპოლ-2"-ზე, რეაქტიული ზალპური საარტილერიო დანადგარ "გრად"-ზე, "სტრელა-10" სისტემის მობილურ საზენიტო-სარაკეტო კომპლექსებზე, ქვეითთა ახალ ჯავშანმანქანებზე და რაც ყველაზე მთავარი და სახიფათოა, რამდენიმე ერთეულ ოპერატიულ-ტაქტიკურ კომპლექს "ისკანდერზე". აღნიშნული ინფორმაცია რუსეთის ფედერაციის თავდაცვის სამინისტრომ ოფიციალურად დაადასტურა.

პირველ მსოფლიო ომში გამარჯვებულმა დიდმა სახელმწიფოებმა (დიდი ბრიტანეთი, აშშ) გადაწყვიტეს პარიზში საზავო კონფერენციის მოწვევა, რათა შეემუშავებინათ ომში დამარცხებული გერმანიის ბლოკის სახელმწიფოებთან ზავის დადების პირობები. საქართველოს მთავრობამ გადაუდებელ საქმედ მიიჩნია პარიზს თავისი წარმომადგენლების დაუყოვნებლივ გაგზავნა.

"დიდად გამახარა თქვენ მიერ გადადგმულმა ნაბიჯმა, ეს არის პირველი დარაზმულობა ქართველი ემიგრაციისა დამოუკიდებელი სამშობლოს აღსადგენად. საჭიროა ამ ნიადაგზე შეერთდეს მთელი ჩვენი ემიგრაცია... საზღვარგარეთ. სამწუხაროდ, ევროპაში მყოფ ქართველთა ემიგრაცია ჯგუფობრივ დაქსაქსული და დანაწილებულია. შეიძლება თქვენ ითაოდ ამ დაბნეული ხალხის თავის მოყრა და გაერთიანება. მიზანი ერთია, დროშა საერთოა. იმედია თვენს სასიქადულო მაგალითს გააგებინებთ ჩვენს ემიგრაციას და მოუწოდებთ შემოკრებას მის ირგვლივ. გისურვებთ გამარჯვებულ დაბრუნებას ტანჯულ სამშობლოში.

გაიმართა საქართველოს ეროვნული ჩემპიონატის უმაღლესი ლიგის პირველი წრის დასკვნითი, მე-15 ტურის, მატჩები. ზამთრის ჩემპიონის ტიტული თბილისის "დინამომ" მოიპოვა, მეორე ადგილზე გორის "დილა" გავიდა, მესამე ადგილი კი "ცხინვალმა" დაისაკუთრა.

თინა ხიდაშელის განცხადებას რუსები ძაღლებისა და კატების ჭამას მიჩვეული არიანო, რუსების შემდეგ თავად მმართველი კოალიციის ზოგიერთი წევრი და პოლიტოლოგიც აკრიტიკებენ და აცხადებენ, რომ ეს არის "ზედმეტი ბაქი-ბუქი", "ცეცხლზე ნავთის დასხმა", "არაკორექტული", "მოუღებელი" და "ზღვარს გადაცილებული" განცხადება. ზოგმა პარალელი ექს-თავდაცვის მინისტრის, ირაკლი ოქრუაშვილის მიერ 2006 წელს გაკეთებულ განცხადებასთანაც გაავლო, როდესაც ოქრუაშვილმა თქვა, რომ რუსეთში ფეკალიებიც კი გაიყიდებაო.

"თუ განცხადების გადაგზავნა დეპუტატის მხრიდან და რეაგირების მოხდენა პატიმრის მიერ შემოტანილ საჩივარზე არის ვინმეზე ზეწოლა, მაშინ გეტყვით, რომ 104-ჯერ მაქვს ეს ზეწოლა განხორციელებული, არ ვიცი, ელისაშვილზე, თუ ზვიად ქორიძეზე. პრეზიდენტზეც განმიხორციელებია ზეწოლა, რადგან მარგველაშვილის სახელზეც მაქვს განცხადებები გაგზავნილი", - ამბობს "რეზონანსთან" საუბრისას საპარლამენტო უმრავლესობის წევრი მანანა კობახიძე, რომელსაც ორი დღის წინ ელისაშვილის მიერ გაკეთებულ განცხადებაზე ვესუბრე.

ბოლო 6 თვეში სამართალდარღვევათა კოდექსში კომპანია "სითი პარკის" მიერ მანქანების საჯარიმო სადგომზე გადაყვანის შესაზღუდად რიგით მეორე ცვლილება შედის. დეპუტატის, სოსო ჯაჭვლიანის თქმით, 15 ივნისს კოდექსში შეტანილ ცვლილებებს შედეგი არ მოჰყოლია, ამიტომ დეპუტატებს ახალი კანონპროექტი შესთავაზა, რომლის ავტორები ისევ ზვიად ტომარაძე და როინ მიგრიაული არიან.

მომავალი წლის ზაფხულიდან დედაქალაქში "სიენჯი", ანუ თხევად გაზზე მომუშავე ავტობუსები ივლიან. ევროპის რეკონსტრუქციისა და განვითარების ბანკისგან ("იბიარდი") გამოყოფილი 30 მილიონი ევროთი თბილისის მერია 150 ასეთი ავტობუსის შეძენას გეგმავს. ავტობუსების შესყიდვაზე ტენდერი უახლოეს პერიოდში გამოცხადდება.