შეწყალების კომისიის ირგვლივ შექმნილ სკანდალურ თემას ყოველდღიურად ახალი დეტალები ემატება. გარდა იმისა, რომ ამ თემაზე გამოძიებამ პარლამენტის ვიცე-სპიკერი მანანა კობახიძე და დეპუტატი ეკა ბესელია უკვე დაკითხა, მედიაში ამ პროცესში შესაძლო მონაწილე სხვა პოლიტიკოსთა გვარებიც აქტიურად ვრცელდება, რომლებიც დღემდე მმართველი გუნდის შემადგენლობაში არიან.

რამდენი საეჭვო პირი მოხვდა პოლიტპატიმართა და პოლიტდევნილთა სიაში და ვინ ლობირებდა მათ - ამ თემაზე მწვავე კამათი ამ ადამიანთა გათავისუფლებიდან 3 წლის შემდეგ დაიწყო. საეჭვოდ მოხვედრილთა ათამდე გვარი სხვადასხვა პირების მიერ უკვე დასახელდა. პროგნოზი კეთდება, რომ ეს საეჭვოთა სია კიდევ გაიზრდება, რადგან თავად პოლიტპატიმრის სტატუსის მქონეების ნაწილის თქმით, სიის ნახევრაზე მათი მხრიდანაც არსებობს ეჭვი.

საკრებულოს დამოუკიდებელმა დეპუტატმა, შეწყალების სახელმწიფო კომისიის ყოფილმა ხელმძღვანელმა ალეკო ელისაშვილმა გამოძიებას თავისი ტელეფონი გადასცა, სადაც, მისი თქმით, მაღალჩინოსნები "ისტერიულ მესიჯებს" წერდნენ. როგორც პროკურორმა კოკა კაციტაძემ ჟურნალისტებს განუცხადა, ალეკო ელისაშვილის მიერ პროკურატურაში მიტანილ მობილურ ტელეფონში იმ მაღალჩინოსნების მესიჯები არ აღმოჩნდა, რომლებსაც ის ასახელებს. მისივე თქმით, მობილურ ტელეფონს ელისაშვილის სურვილის შესაბამისად ექსპერტიზა უტარდება, რომელიც ტექნოლოგიების საშუალებით დაადგენს, რა შინაარსის ინფორმაცია არსებობდა ტელეფონში.

2016 წლის საპარლამენტო არჩევნებისათვის პოლიტიკურ პარტიებს, შესაძლოა, საკანონმდებლო დონეზე დაუწესდეთ პროპორციულ სიებში ქალების მინიმალური რაოდენობა. შესაბამისი კანონის განხილვა პარლამენტის კომიტეტებში ახლა მიმდინარეობს, თუმცა, ამ საკითხზე დეპუტატების აზრი გაყოფილია და ძნელია თქმა, შეძლებს თუ არა ეს საკანონმდებლო ინიციატივა საჭირო 76 ხმის მოგროვებას. პარლამენტის ადამიანის უფლებათა დაცვის კომიტეტმა კანონპროექტი მოიწონა, ხოლო იურიდიულ საკითხთა კომიტეტმა - დაიწუნა. მეტიც, თავად პარლამენტარ ქალებს შორის ამ საკითხზე აზრთა სხვადასხვაობაა.

სამშაბათს დედაქალაქის ცენტრში მკვლელობა მოხდა. ვაჟა-ფშაველას გამზირზე 36 წლის ხათუნა ბ-მ შუახნის მამაკაცს, პაატა ხ-ს ცივი იარაღით ჭრილობა მიაყენა, რომელიც შემთხვევის ადგილზევე გარდაიცვალა. ქალის მეზობლები "რეზონანსთან" საუბარში ყვებიან, რომ დანაშაულში ეჭვმიტანილი ერთოთახიან ბინაში ქირით ცხოვრობდა.

საახალწლოდ პროდუქტი საგრძნობლად არ გაძვირდება, უფრო სწორად, ვერ გაძვირდება. გაყიდვის შემცირებამ, რომელიც ბოლო დროს ტენდენციად იქცა, მოვაჭრეებს სხვა გზა არ დაუტოვა. ისინი იძულებულნი არიან, ფასი მაქსიმალურად შეინარჩუნონ, რომ რეალიზაციის სტიმულირება მოახდინონ. მით უმეტეს, ზოგიერთი დასახელების პროდუქტი გაიაფდა კიდეც, მათ შორის, რძის ნაწარმი და ხორციც, რომელზეც წინასაახალწლოდ ტრადიციულად ყველაზე დიდი მოთხოვნაა.

მომხმარებლების ნაწილი ე.წ. ბრენდულ მაღაზიებში მომსახურების ხარისხს უჩივის. როგორც თბილისელები ამბობენ, ძალიან ბევრ მაღალ სეგმენტზე გათვლილ სავაჭრო ცენტრში კონსულტანტები ან გადამეტებულ ყურადღებას იჩენენ, ან კლიენტებს საერთოდ ზედაც არ უყურებენ. არის უხეშობის შემთხვევებიც.

ეროვნული ბანკი მონეტარული პოლიტიკის განაკვეთს 8%-მდე ზრდის. სებ-მა ასეთი გადაწყვეტილება ინფლაციის შიშით მიიღო. წინ საახალწლო პერიოდია და პროდუქციის გაძვირების რისკი დიდია. სპეციალისტების ნაწილი თვლის, რომ სებ-ის გადაწყვეტილება სწორი, მაგრამ დაგვიანებულია, თუმცა არიან ისეთებიც, რომელებსაც საკმაოდ სკეპტიკური დამოკიდებულება აქვთ.

საქართველოში საშუალო ხელფასი 930 ლარია. ამას ამტკიცებენ სტატისტიკოსები, თუმცა რეალურად მოსახლეობის დიდი ნაწილისთვის ამ ოდენობის ხელფასი სანატრელია. საყურადღებოა ისიც, რომ ოფიციალური სტატისტიკის მიხედვით, მამაკაცების ჯამაგირი ქალებისას 62%-ით აღემატება.

1936 წლის ნოემბერში ნეაპოლის "ინსტიტუტო ორიეტალიში" გრაფ ბერნარდო ბარბიელინის ინიციატივით დაარსდა ქართული ენისა და ლიტერატურის კათედრა, რომელმაც 1943 წლამდე იარსება. ამ კათედრაზე მოღვაწეობდნენ იტალიელი დეპუტატი კოლოტტო, პროფესიით ვექილი; ცნობილი მკვლევარი სპატარო, სენატორი ჩიამპიტი და ეპისკოპოსი ემპენიო ჯიანნიკო, რომლებიც დიდ ინტერესს იჩენდნენ საქართველოსა და ქართული ენისადმი.

"ლივერპულის" თავკაცი იუპ კლოპი თანამედროვე ფეხბურთის ისტორიაში ერთ-ერთი გამორჩეული მწვრთნელია. მან გულშემატკივართა ყურადღება დორტმუნდის "ბორუსიაში" მუშაობისას მიიქცია. ჩემპიონთა ლიგაზე გუნდის სისტემატური წარმატებული გამოსვლა გერმანელი სპეციალისტისთვის კიდევ ერთი საერთაშორისო აღიარების მომტანი გახდა.

რამდენი ქულით შეფასდება საგზაო მოძრაობის წესების თითოეული დარღვევა, უკვე ცნობილია. შეგახსენებთ, რომ "საგზაო მოძრაობის შესახებ" კანონში დაგეგმილი ცვლილებებით, მართვის მოწმობას 100 ქულა ენიჭება, ხოლო თითოეული ადმინისტრაციული სამართალდარღვევა კონკრეტული ქულით შეფასდება, რომელიც 100 ქულას გამოაკლდება და კალენდარული წლის განმავლობაში 100 ქულის ნულამდე დაყვანის შემთხვევაში, მძღოლს მართვის უფლება შეუწყდება. მის მისაღებად კი გამოცდის ხელახლა ჩაბარება მოუწევს.