"ალიანსის წევრობის საკითხში არ არსებობს მესამე ქვეყნების მიერ ვეტოს დადების უფლება, ამგვარ გადაწყვეტილებას იღებენ მხოლოდ ნატოს წევრი ქვეყნები - ოღონდ ეს გადაწყვეტილება ერთხმად უნდა იქნეს მიღებული", - განაცხადა "რეზონანსთან" ინტერვიუში გერმანიის ფედერაციული რესპუბლიკის ელჩმა საქართველოში ბეტინა კადენბახმა ჩვენი ქვეყნის ალიანსში გაწევრიანების პერსპექტივასთან დაკავშირებით.

"სილქნეტი" და "კავკასუს ონლაინი" ვეღარ გაერთიანდებიან. კომუნიკაციის ეროვნულმა კომისიამ მათი შერწყმის საკითხი დროებით შეაჩერა. "კავკასუს ონლაინისა" და "მაგთიკომის" შესაძლო გაერთიანებაზე კი მარეგულირებელი კომისია 5 ნოემბერს იმსჯელებს, აღნიშნულ საკითხზე ზეპირი მოსმენა სწორედ ამ დღეს გაიმართება.

კომერციული ბანკების მიერ მომხმარებელთა უფლებების დარღვევაზე ეროვნული ბანკიც ალაპარაკდა. ბანკები კლიენტს არ აცნობენ ისეთ მნიშვნელოვან ინფორმაციას, როგორიცაა კრედიტის ეფექტური საპროცენტო განაკვეთი, სავალუტო რისკი და ფინანსური ხარჯი. სპეციალისტები სებ-ს მოუწოდებენ, ბანკებს მის მიერ განსაზღვრული მოთხოვნების შესრულება მოსთხოვოს და მომხმარებლის უფლებების დაცვა თავადაც უზრუნველყოს.

ადრეულ საქართველოში წელიწადის ერთ-ერთ თვეს "ღვინობისთვეს" უწოდებდნენ. ახლაც "ღვინობისთვეა" და სწორედ ამიტომ გადავწყვიტეთ თვალი გადაგვევლო წარსულისათვის და გაგვეცოცხლებინა ოჯახური მოსავლის აღების ზეიმი - რთველი, რომელიც მიეკუთვნება იმ განსაკუთრებულ, უნიკალურ წესჩვეულებებს, რომლებიც ჯერ კიდევ ცოცხლობს.

პაველ ნედვედი იმ მცირე რაოდენობის ვარსვკვლავთა რიცხვში შედიოდა, რომლებმაც ლომის წილი დაიდეს "იუვენტუსის" სერია "ა"-ში დაბრუნებაში. "კალჩიოპოლის" სკანდალს არა მარტო იმიჯი და ფინანსები, არამად ერთბაშად რამდენიმე წამყვანი ფეხბურთელის გუნდიდან წასვლაც მოჰყვა. თუმცა იყვნენ ისეთებიც, რომლებიც დარჩნენ.

სპეციალისტები და ქართული ავიაკომპანიების ნაწილი ანტიდემპინგური კანონის ამოქმედებას მხარს უჭერს. მათი აზრით, მსგავსი ცვლილება ბიზნესის განვითარებას, ავიაბილეთების გაიაფებას შეუწყობს ხელს. ექსპერტთა ნაწილი კანონპროექტს უარყოფითად აფასებს და მიაჩნიათ, რომ ეს ბიზნესის გასაყვლეფად კეთდება. მათივე განმარტებით, მსგავსი რეგულაცია ბიზნესს შეაფერხებს, რაც საქართველოში ისედაც მძიმე ეკონომიკურ ფონს კიდევ უფრო დაამძიმებს.

3 დაყენებული შუამდგომლობა და არც ერთი დაკმაყოფილებული - "რუსთავი 2"-ის გენდირექტორი დარწმუნებულია, რომ სასამართლო ტელეკომპანიას ქიბარ ხალვაშს გადასცემს და არ აპირებს, ამას შეეგუოს. ამიტომ, მან დღეს, 1-ელ საათზე მხარდამჭერებს ტელეკომპანიის ეზოში უხმო. ამბობს, რომ აქვს უტყუარი ინფორმაცია, რომ მოხდება სასამართლოს გადაწყვეტილების დაუყოვნებლივ აღსრულების მცდელობა, რისთვისაც სპეცრაზმი უკვე მობილიზებულია.

საქართველოს ყოფილი პრეზიდენტი და ამჟამად ოდესის გუბერნატორი მიხეილ სააკაშვილი ოდესის მერის არჩევნების შედეგებს არ ეთანხმება და აცხადებს, რომ მონაცემები ფალსიფიცირებულია. ამის შესახებ მან საკუთარ "ფეისბუკზე" დაწერა და დასძინა, რომ საპროტესტო აქციებს გეგმავს.

"ძალიან დიდი ეჭვი მაქვს, რომ წამების ამსახველი კადრების გავრცელების უკან სწორედ ხელისუფლება დგას" - აცხადებს "თავისუფალი დემოკრატების" წევრი ზურაბ აბაშიძე. მისი თქმით, ამის მიზეზი ისაა, რომ "ქართული ოცნების" "რეიტინგი სრულიად დაცემულია".

საზოგადოებრივი მართვის კომუნიკაციების სპეციალისტი არჩილ გამზარდია აცხადებს, რომ ყოფილი პრემიერ-მინისტრის ბოლო დროს გამოჩენამ საზოგადოების დამოკიდებულება ზოგიერთ პროცესთან მიმართებაში რადიკალურად შეცვალა.

მთავრობა რუსული გაზის იმპორტის პარალელურად, ირანული გაზის დაბევებაზეც იწყებს ფიქრს. რამდენად საინტერესოა ირანისთვის საქართველოს ბაზარი, ეს სხვა საკითხია, თანაც, ირანული გაზის საქართველოში ტრანსპორტირებისთვის შესაბამისი ინფრასტრუქტურაც არ არის. საბოლოოდ, ყველაფერი მაინც ბუნებრივი აირის ფასს უკავშირდება. ამჟამად 1000 კბ/მ აზერბაიჯანული (კომერციული) გაზის ფასი 240 დოლარია, რუსულის - 200 დოლარი, ხოლო ირანულის - 400 დოლარი.

სოსო ჯაჭვლიანი, გოგი თოფაძე, ლუკა კურტანიძე, გოგი ქავთარაძე, ომარ ნიშნიანიძე, გია ჟორჟოლიანი, ზურაბ ტყემალაძე - ეს იმ დეპუტატთა ჩამონათვალია, რომელთა შეყვანასაც პოლიტოლოგები "ქართულ ოცნებას" 2016 წლის საპარლამენტო სიაში არ ურჩევენ და ამბობენ, რომ თუკი პარტიას არჩევნებში წარმატების მიღწევა უნდა, სიიდან არაპროფესიონალი კადრები უნდა ამოიღონ. ასევე ისეთებიც, რომლებიც სკანდალური განცხადებებით გამოირჩევიან და მათი ნათქვამის გამო ხელისუფლებას ხშირად თავის მართლება უწევს.