ბუღალტრის ერთ ვაკანტურ ადგილზე დასაქმების სააგენტოებში 500-600 განაცხადი კეთდება. გაყიდვების მენეჯერის, დისტრიბუტორის პოზიციაზე 200-მდე მსურველია, ხოლო სამედიცინო სფეროს 1 მიმართულებაზე 100-მდე განცხადება შედის. გამოკითხულთა უმეტესობა აცხადებს, რომ ბოლო დროს უმუშევართა რაოდენობა გაზრდილია, შესაბამისად, იმატა სამსახურის მაძიებელთა რიცხვმაც. ეს ტენდენცია დასაქმების სააგენტოს მუშაობაზე უკვე აისახა.

საყოფაცხოვრებო მომსახურების თითქმის ყველა სერვისი გაძვირდა. ტექნიკის შემკეთებლებმა და სანტექნიკის ხელოსნებმა მომსახურება დაახლოებით 10%-ის ფარგლებში გააძვირეს. მცირედით მოიმატა ტაქსისა და სილამაზის სალონების მომსახურების ფასმა, გაძვირდა რემონტიც. ყველა ერთხმად აცხადებს, რომ ტარიფების შეცვლის გადაწყვეტილება ლარის გაუფასურების გამო მიიღეს.

"ჩვენ არ უნდა ველოდოთ, როდის შეიქმნება ხელსაყრელი პოლიტიკური გარემო კონფლიქტების დარეგულირებისათვის, ასეთი გარემო ჩვენ თვითონ უნდა შევქმნათ," - განაცხადა პოლიტიკისა და სამართლის მეცნიერებათა დოქტორმა ჯემალ გახოკიძემ, რომელსაც "რეზონანსი" საქართველოში არსებული კონფლიქტების დარეგულირების საკითხებზე გაესაუბრა.

გასულ უქმეებზე გაირკვა მსოფლიოს თასის გათამაშების ფინალისტების ვინაობა რაგბიში. მსოფლიო თასის მიმდინარე გათამაშების უძლიერესი გუნდი შაბათს "ტვიკნემზე" ახალი ზელანდიისა და ავსტრალიის შეხვედრაში გამოვლინდება. მსოფლიოს ორი უძლიერესი გრანდის შერკინება დიდ ინტერესს იწვევს. საგულისხმოა, რომ სამხრეთელი კლასიკო აქამდე მსოფლიო თასის ფინალში არასდროს შემდგარა, რაც კიდევ უფრო მეტ ხიბლს სძენს შაბათის რკენას.

სპეციალურად "რეზონანსისთვის" ერევნიდან

"არქიტექტურული თვალსაზრისით, შეიძლება გადაჭრით ითქვას, რომ ტაო-კლარჯეთში მდებარე კულტურული მემკვიდრეობის ძეგლები აშენდა როგორც სომხური არქიტექტურის ტაძრები, ხოლო რაც შეეხება ისტორიულ ნაწილს, ამაზე დავა ნამდვილად შესაძლებელია," - ამბობს "რეზონანსთან" საუბრისას სომეხი არქიტექტორი სტეფან ნალბანდიანი და დასძენს, რომ ამ მოსაზრების გასამყარებლად ბევრი სხვადასხვა ფაქტი არსებობს. მისი აზრით, ტაო-კლარჯეთში აშენებული ტაძრები ქართულ-სომხურია და ამასაც აქვს ახსნა.

"საპატიმროებში ძირითადად იყო ცემა ჯგუფურად ციხის თანამშრომლების მხრიდან წიხლებით, რეზინის ხელკეტებით. ძალიან უმნიშვნელო მიზეზის გამო პატიმარი სიკვდილამდეც მიუყვანიათ. მაგალითად, თუ საკანში 8 პატიმარი იყო და ერთის საუბარი კონტროლიორმა ხმამაღლა ლაპარაკად ჩათვალა, 8-ვე პატიმარს სიკვდილამდე სცემდნენ. იყო აბაზანაში ხელკეტებით ჯგუფურად ცემის ფაქტები. იყო შემთხვევები, როდესაც ცემის დროს შემოაკვდათ პატიმარი, მერე სასწრაფოდ გადაიყვანეს საავადმყოფოში და ვითომ იქ გარდაიცვალა. გაუპატიურების შემთხვევებზე თითქმის არც ერთი პატიმარი არ ყვება. რაც ცნობილია ჩვენთვის, ეს არის ზოგადად გახმაურებული ფაქტები. გამოდიოდა ხმები, რომ ხდებოდა ასეთი კონკრეტული დანაშაული, მაგრამ პატიმრებმა გარკვეული მიზეზების გამო ამის გახმაურება არ ისურვეს. თუმცა ის, რომ ასეთი დანაშაული ხდებოდა, გავრცელებულ კადრებამდეც არავისთვის არ იყო საიდუმლო," - 2102 წლამდე ციხეებში არსებულ წამებაზე საუბრობს ა/ო "კონსტიტუციის 42-ე მუხლის" იურისტი არჩილ ჩოფიკაშვილი.

ექმნება თუ არა საქართველოს ევრო-ატლანტიკურ ამბიციას საფრთხე "რუსთავი 2"-ის საქმის გამო და რამდენად დამოუკიდებელია სასამართლო, ამის შესახებ "რეზონანსი" პოლიტოლოგ სოსო ცისკარიშვილს ესაუბრა.

"პატრიოტთა ალიანსის" ერთ-ერთი ლიდერი ირმა ინაშვილი აცხადებს, რომ უკრაინული საიტის მიერ გავრცელებული პირველი სამი ვიდეო სამეგრელოს კასრების კადრებია, რომელიც მას მედიისა და სამოქალაქო საზოგადოების წარმომადგენლებთან ერთად პრემიერ-მინისტრ ირაკლი ღარიბაშვილის მინისტრობის დროს შსს-ში შეხვედრაზე აქვს ნანახი. თუმცა აცხადებს, რომ ბოლოს გამოქვეყნებული წამების კადრები მისთვის უცნობი იყო და სიახლეს წარმოადგენდა. მისი თქმით, ასევე არსებობს სხვა კადრებიც, სადაც "ათასობით და ათიათასობით" ადამიანის წამებაა ასახული. ხოლო დამნაშავეთაგან ძალიან ცოტა თუ არის დაკავებული და პასუხისგებაში მიცემული.

"მაესტროს" გასაყიდად ამზადებენ, მისი ყიდვა დავით კეზერაშვილს უნდა" - ეს ინფორმაცია "რეზონანსს" ანონიმურმა წყარომ მიაწოდა, რომელმაც ვინაობის დასახალებისაგან თავი შეიკავა. მისი თქმით, "ნაციონალურმა მოძრაობამ" დაინახა, რომ შესაძლოა, "რუსთავი 2"-ზე კონროლი დაკარგონ, არჩევნების წინ კი მათ სხვა რეიტინგული ტელევიზია სჭირდებათ და ეს ტელევიზია სწორედ "მაესტრო" იქნება.

ლარისა და "რუსთავი 2"-ის ბედი ბუნებრივ მონოპოლისტად იქცა ქართულ მედიასივრცეში. იქმნება შთაბეჭდილება, რომ ჩვენს ხალხს საერთოდ აღარ აინტერესებს, რა ხდება ერთი ციცქნა საქართველოს სულ რაღაც რამდენიმე ასეული კილომეტრით შემოზღუდულ საზღვრებს მიღმა. მხოლოდ პოლიტიკოსების რიტუალური პოლემიკის ფრაზეოლოგიურ მასალადღა შემოგვრჩა სადღეისო რეალური თუ თეორიული გარე საფრთხეები. ამიტომ, ამჯერად სწორედ გარე საფრთხეებზე ვესაუბრებით საერთაშორისო ურთიერთობების სპეციალისტს, პროფესორ სოსო ცინცაძეს.

თსუ-ს სტუდენტურ თვითმმართველობასა და ხელმძღვანელობას შორის დიალოგი შედგა. ეს უკანასკნელი მზადაა, სტუდენტების მიერ წარდგენილი 10-პუნქტიანი გეგმის განხორციელება ეტაპობრივად დაიწყოს.

ერთ თვეში კომერციული ბანკების წმინდა მოგება 85,3 მილიონი ლარით გაიზარდა. გარდა ამისა, მკვეთრად იმატა პროცენტებიდან მიღებულმა შემოსავლებმა. საბანკო სფეროს სპეციალისტთა აზრით, ბანკების რეკორდული მოგება პირდაპირ უკავშირდება ლარის გაუფასურებას.