სულ მალე ქართულ ენერგეტიკაში რუსული გაზის წილი, შესაძლოა, გაიზარდოს. ენერგეტიკის მინისტრი კახა კალაძე რუსულ სახელმწიფო ენერგოკომპანია "გაზპრომთან" თანამშრომლობის გაღრმავების საკითხებზე მოლაპარაკებას მართავს.

"ძალიან სწორია პოზიცია, რომ დასავლეთს ვუთხრათ - ჩვენ ვართ თქვენთან, ვატარებთ დემოკრატიულ რეფორმებს, მცდელობას არ ვაკლებთ, რომ გავხდეთ ევროპული ოჯახის ნაწილი, მაგრამ თქვენც უფრო აქტიურები უნდა იყოთ ჩვენთან მიმართებაში", - ამბობს "მთელ კვირასთან" საუბრისას საპარლამენტო უმრავლესობის წევრი გუგული მაღრაძე.

სომხურ-აზერბაიჯანული კონფლიქტის ზონაში სიტუაცია ამ ეტაპზე უკიდურესად დაძაბულია. მხარეები კონფლიქტის ესკალაციის, საბრძოლო მოქმედებების განახლებისა და მშვიდობიანი მოქალაქეებისა და ჯარისკაცების დაღუპვაში ბრალს ერთმანეთს სდებენ.

25 სექტემბერს მუხიანში, მე-4 ბ მიკრორაიონში საღამოს ორი მკვლელობა მოხდა. ადგილობრივი მცხოვრებლების ინფორმაციით, ეჭვმიტანილი და გარდაცვლილები მეზობლები იყვნენ. მათი თქმით, მოქალაქე შოთა მ.-მ თავისი ორი მეზობელი შელაპარეკებისას კუთვნილი ცეცხლსასროლი იარაღით პირდაპირ ქუჩაში დახოცა.

კონცერტები, გამოფენები, ბაზრობები და სხვადასხვა კუთხის მიერ წარმოდგენილი ღირსშესანიშნაობები - ასეთია თბილისობის ზოგადი სახე. თბილისობა 2015-ის თემატიკა კონკურსის წესით შეირჩა. ზეიმი 17-18 ოქტომბერსაა დაგეგმილი. ცენტრალური კონცერტი რიყეზე გაიმართება, ხოლო თბილისის თითქმის ყველა რაიონში სხვადასხვა ღონისძიებებია დაგეგმილი.

ბოლო წლებში თბილისისათვის განსაკუთრებით მწვავე პრობლემად იქცა სამშენებლო ნაჩენების გადაყრა უკანონოდ მოწყობილ ნაგავსაყრელებზე. ასეთი ადგილები ქალაქში მრავლადაა - ლისის ტბის ზედა ტერიტორიაზე, 112-ის ოფისის მოპირდაპირე მხარეს, დიღომში, აგრეთვე რუსთავის გზატკეტილიდან ინერტული ნარჩენები პირდაპირ მტკვარში იყრება. ამის შესახებ "მთელ კვირასთან" საუბარში შპს "თბილსერვისის ჯგუფის" იურიდიული დეპარტამენტის უფროსმა დავით ჩანქსელიანმა განაცხადა.

უკვე 2 დღეა მიმდინარეობს და 5 ოქტომბრამდე გაგრძელდება თბილისის საერთაშორისო თეატრალური ფესტივალი, რომელიც, როგორც წინა წლებში, ამჯერადაც გვთავაზობს - გავეცნოთ იმ თეატრებს, კომპანიებს, დასებსა თუ პროექტებს, რომლებიც თანამედროვე მსოფლიოს თეატრალურ ცხოვრებას, კულტურის ნაწილს წარმოადგენენ. საშუალებას გვაძლევს, გავეცნოთ ახალ სახელებს, ახალ დადგმებს. ჩვენც გავეცნოთ და სხვასაც ვაჩვენოთ, როგორია ქართული თეატრი დღეს, რით ცხოვრობს ის.

გლოსთერში, "ქინგსჰოლმ სთედიუმზე", მსოფლიო თასის გათამაშების ჯგუფური ეტაპის მეორე ტურში საქართველოს მორაგბეთა ეროვნული ნაკრები მსოფლიოს ერთ-ერთ უძლიერეს გუნდს, არგენტინის ეროვნულ ნაკრებს დაუპირისპირდა, რომელსაც მსოფლიო რეიტინგში მერვე პოზიცია უკავია. "ბორჯღალოსნებმა" მხოლოდ პირველ ტაიმში გაუწიეს წინააღმდეგობა "პუმებს", მათ 5 ქულის სხვაობით დათმეს პირველი 40 წუთი 9:14.

"2016 წელს საქართველოს მოქალაქეები ბიომეტრიული პასპორტით 90 დღით შენგენის ქვეყნებში ყოველგვარი ვიზის გარეშე შევლენ," - ამგვარი ოპტიმიზმით ელიან უმრავლესობაში ევროკავშირის შემფასებელთა მისიას, რომელიც თბილისს 28 სექტემბერს ეწვევა და საქართველოს მიერ ვიზალიბერალიზაციის სამოქმედო გეგმის შესრულებას შეაფასებს.

სულ მალე გორში 2010 წელს ჩუმად აღებული სტალინის 6-მეტრიანი ძეგლი შეიძლება ისევ აღიმართოს, ოღონდ ეს უკვე ხმაურით მოხდება - მომავალ პარასკევს, 2 ოქტომბერს გორის მერის მიმართვით ქალაქის საკრებულოში სტალინის ძეგლის დადგმაზე იმსჯელებენ და გადაწყვეტილებას მიიღებენ. პროექტი უკვე მზადაა. ადგილიც შერჩეულია. ძეგლი სტალინის სახლმუზეუმთან ახლოს მდებარე სკვერში 1,35-მეტრიან კვარცხლბეკზე უნდა დაიდგას.

"მოჩვენებითი სიმშვიდის მიღმა რუსეთი საქართველოში შემოღწევას გიგანტური ნაბიჯებით ცდილობს," - ამბობს პოლიტოლოგი, საერთაშორისო ურთიერთობების ექპერტი ხათუნა ლაგაზიძე და დასძენს, რომ რუსული პროპაგანდისთვის ქართული საინფორმაციო სივრცე აბსოლუტურად ღიაა, რასაც დაუშვებლად და ხელისუფლების ერთ-ერთ ყველაზე დიდ შეცდომად მიიჩნევს.

საპროცედურო საკითხთა კომიტეტმა უმრავლესობის წევრ ზაქარია ქუცნაშვილის საკანონმდებლო ინიციატივას მხარი არ დაუჭირა, რომლის მიხედვით პრემიების გაცემა იმ საჯარო მოხელეებზე იზღუდება, რომელთა ხელფასიც 2000 ლარს აღემატება.