პარლამენტის ადამიანის უფლებათა დაცვის კომიტეტმა მხარი დაუჭირა საკანონმდებლო ორგანოში სავალდებულო გენდერულ კვოტირებას, რომლის მიხედვითაც პარტიულ სიებში ყოველი მეორე ქალი უნდა იყოს. ამ სისტემის დამკვიდრების შემთხვევაში ქალებისთვის პარლამენტში, სულ მცირე, 38 ადგილი იქნება განკუთვნილი.

"დევნილებისთვის ბინების გადაცემა თბილისში წელს პირველად ხდება, თუ არ ჩავთვლით 1993 წელს ომის დამთავრების მერე იმ დევნილების ტალღას, რომლებიც შესახლდნენ სკოლებში, სასტუმროებში, საავადმყოფოებში. იქიდან დიდი ნაწილი მიხეილ სააკაშვილმა გამოყარა. დევნილებისთვის თბილისში ბინის არც შესყიდვა მომხდარა და არც აშენება," - ამბობს "რეზონანსთან" საუბრისას ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი.

ავღანეთში კიდევ ერთი, 31-ე ქართველი სამხედრო მოსამსახურე დაიღუპა - შეიარაღებული ძალების |ქ მექანიზირებული ბრიგადის 43-ე ბატალიონის პირველი კლასის რიგითი, 21 წლის ვასილ ყულჯანიშვილი იმ დროს გარდაიცვალა, როცა დაჭრილი თანამებრძოლის გამოყვანას ცდილობდა.

ბაგა-ბაღებში, შესაძლოა, ბავშვების მენიუ გადაიხედოს. როგორც აღმოჩნდა, ბოლო პერიოდში თბილისის მუნიციპალურ საბავშვო ბაღებში განსაკუთრებით დიდი რაოდენობით აუთვისებელი საკვები პროდუქტი რჩება, რომელსაც ყრიან.

თბილისის ბავშვთა ინფექციურ კლინიკურ საავადმყოფოში მამას ბავშვის თავმდგომობის უფლება არ მისცეს. როგორც რესპირატორული ვირუსული ინფექციების განყოფილების გამგემ მამაკაცს განუცხადა, ბავშვთან დარჩენა მხოლოდ მდედრობითი სქესის წარმომადგენელს შეეძლო, რადგან არსებობდა იმის საფრთზე, რომ კაცი ნასვამ მდგომარეობაში მისულიყო, რის შემდეგადაც მამაკაცი საავადმყოფოს დაცვამ შენობიდან გაიყვანა. ამის შემდეგაც მოქალაქემ, მის მიმართ სქესის ნიშნით დისკრიმინაციაზე საჩივრით სახალხო დამცველის აპარატს მიმართა.

პრეზიდენტსა და მთავრობას შორის ახალი დაპირისპირება წარმოიშვა. ამჯერად პრინციპული უთანხმოება სემეკის კანდიდატების შერჩევაზეა. პოზიციას არც ერთი არ თმობს. საქმე იქამდეც მივიდა, რომ გიორგი მარგველაშვილი ერთხელ უკვე დაწუნებული კანდიდატების წარდგენას მთავრობისთვის ხელმეორედ შეეცდება.

ხაზინაში თავისუფალი ნაშთის ოდენობის ახალი რეკორდი დამყარდა. ფინანსთა სამინისტროს, ამ დროისთვის ხაზინის ერთიან ანგარიშზე 896 მილიონი ლარი აქვს მობილიზებული და ეს თანხა წლის ბოლოსთვის 1,140 მილიარდ ლარს გაადააჭარბებს. ეკონომისტების შეფასებით, აღნიშნული ფაქტი მიუთითებს იმაზე, რომ წლის ბოლოს ბიუჯეტი ხარჯვით ნაწილში გაირღვევა.

საქართველოში ჰიბრიდული ავტომობილების იმპორტზე, შესაძლოა, საგადასახადო შეღავათები დაწესდეს. კანონპროექტი უკვე მზადაა და თუკი დეპუტატები ამ ინიციატივას გაითვალისწინებენ, შეღავათი 2016 წლიდან ამოქმედდება. პარალელურად კი, უმსხვილესი ავტოიმპორტიორები მარჯვენასაჭიანი მანქანების იმპორტზე სპეციალური რეგულაციების დაწესებას ითხოვენ.

ნაგვის დაყრაზე, ღამის საათებში ხმაურზე, ლუდის დალევასა და სხვა მსგავს ქმედებაზე დაწესებულ საკანონმდებლო ცვლილებებს თბილისელთა უმეტესობა ეჭვით უყურებს. მათი აზრით, დაწესებული თუ გამკაცრებული სანქციების ამოქმედება რეალურად არ ხდება. რამდენიმემ ამის დასამტკიცებლად საკუთარი მაგალითი მოიყვანა, როცა საგზაო მოძრაობის წესების დარღვევისას, საზოგადოებრივ თავშეყრის ადგილებში ალკოჰოლური სასმელის მიღების შემთხვევაში და ნაგვის დაყრისას საპატრულო პოლიცია არ რეაგირებს.

დღეს გლოსტერში, "კინგსჰოლმ სტადიუმზე", თბილისის დროით 19:45 საათზე, მსოფლიო თასის გათამაშების ჯგუფური ეტაპის მეორე ტურში საქართველოს მორაგბეთა ეროვნული ნაკრები არგენტინის ეროვნულ ნაკრებს დაუპირისპირდება.

"ბოლო ვიზიტის დროს, რომელიც ტაო-კლარჯეთში ივნისში გვქონდა, ძალიან საინტერესო სიახლეს მივაგენით. ეს გახლავთ უძველესი ციხე-ქალაქი ისტორიული არტაანის ტერიტორიაზე, სოფელ დუდუნასთან ახლოს. ძეგლი ქრისტესშობამდე ||-| ათასწლეულით თარიღდება და საკმაოდ საინტერესოა,"- ამბობს "რეზონანსთან" საუბრისას ისტორიკოსი ბუბა კუდავა და დასძენს, რომ ძეგლის მასშტაბურობიდან, გამომდინარე მისი სრულად შესწავლა ხანგრძლივ პერიოდს მოითხოვს.

2012 წლის პირველი ოქტომბრის არჩევნებიდან მესამე წლისთავზე პოლიტიკოსები და პოლიტოლოგები ხელისუფლების მუშაობას აფასებენ და იმ წარმატებებსა და წარუმატებლობებზე საუბრობენ, რაც, მათი აზრით, "ქართულმა ოცნებამ" განვლილი წლების განმავლობაში განიცადა.