საპარლამენტო უმრავლესობის ლიდერი, რომელსაც თანაგუნდელები ზოგჯერ არაკოლეგიალობასა და გადაწყვეტილების ერთპიროვნულად მიღებაში ადანაშაულებდნენ, პარლამენტს ტოვებს. "პოლიტიკური ინტრიგებით გადაღლილი" დავით საგანელიძე სახელმწიფოს კუთვნილი უმსხვილესი საინვესტიციო ფონდის ხელმძღვანელად დაინიშნა. ჯერ უცნობია, ვინ შეცვლის მას საპარლამენტო უმრავლესობის ლიდერის პოსტზე, თუმცა, მანამდე კულუარებში უმრავლესობის ახალ ლიდერად ზვიად კვაჭანტირაძის კანდიდატურა სახელდება. ასევე საუბარია გია ვოლსკის კანდიდატურაზეც.

ინტერნეტში გიგი უგულავასთან დაკავშირებით პეტიცია შედგა და ხელმოწერები გროვდება. მისი ავტორები პრეზიდენტს თბილისის ყოფილი მერის შეწყალებას სთხოვენ. ჯერჯერობით ამ მოთხოვნას 2 484 ხელმომწერი ჰყავს.

საპარლამენტო უმცირესობის წევრმა და გურჯაანის მაჟორიტარმა დეპუტატმა გიორგი ღვინიაშვილმა "რეზონანსთან" ინტერვიუში ბოლო დროს კახეთში ატეხილ სკანდალზე ისაუბრა, სადაც კარდენახელმა გლეხმა გელა გრიშენკომ ყურძნის დაბალი ფასის გამო ვენახი გაჩეხა.

დღეს პრეზიდენტის რეზიდენციასთან "ერეკლე მეორის საზოგადოების" მიერ ორგანიზებული აქცია იმართება. ორგანიზაციის ხელმძღვანელმა არჩილ ჭყოიძემ "რეზონანსთან" საუბრისას განაცხადა, რომ აქციის მთავარი მოთხოვნა სამხედრო ნეიტრალიტეტის გამოცხადება და რუსეთთან დიპლომატიური ურთიერთობების აღდგენაა.

თბილისელების ნაწილი ცენტრალურ უბნებში მრავალსართულიანი საცხოვრებელი სახლების მშენებლობას ეწინააღმდეგება. ისინი ჩაბეტონებული ქალაქის ნაცვლად, გამწვანებულ თბილისს ითხოვენ. ნაკლებად კატეგორიულნი არიან სპეციალისტები. მათი განცხადებით, უნდა მოხდეს სწორედ ადგილის შერჩევა და მშენებლობის შედეგად გამწვანებას, კულტურულ მემკვიდრეობას და ქალაქის იერსახეს საფრთხე არ უნდა ექმნებოდეს.

საფინანსო ზედამხედველობის სააგენტოს გაუქმების საკითხი მინიმუმ 3-4 თვეში გადაწყდება. საკონსტიტუციო სასამართლოში "ნაციონალური მოძრაობისა" და "თავისუფალი დემოკრატების" სარჩელი უკვე შევიდა. ახლა განმწესრიგებელი სხდომა უნდა გაიმართოს, რომელიც სარჩელის არსებით განხილვაზე იმსჯელებს. შეგახსენებთ, რომ ფინანსური ზედამხედველობის სააგენტოს შექმნა ლარის კატასტროფული გაუფასურების შემდეგ გადაწყდა.

გუშინ არაორდინალური ვითარება იყო გორში. ქალაქის ერთ-ერთ ცენტრალურ მოედანზე, გორის "დილას" სტადიონთან 25-მეტრიან ანძაზე მამაკაცი იყო ასული და გადმოხტომით იმუქრებოდა. მან პატრულის თანამშრომლებს მოთხოვნა წაუყენა, რომ ლუდი და არაყი მიეტანათ წინააღმდეგ შემთხვევაში თვითმკვლელობით იმუქრებოდა.

"მანჩესტერ იუნაიტედი" ზაფხულის სატრანსფერო პერიოდში ანხელ დი მარიამ დატოვა. არგენტინელი ფრანგულ პსჟ-ში გადაბარგდა. დი მარიამ ჩემპიონთა ლიგის ჯგუფურ ეტაპზე "მალმიოს" (2:0) წინააღმდეგ ითამაშა, მატჩის დასრულების შემდგე თავისი შთაბეჭდილებების შესახებ უეფას ოფიციალურ საიტთან ინტერვიუში განაცხადა.

ლარის ერთბაშად გამყარებამ სავაჭრო ქსელების წარმომადგენლებს პროდუქტის გაძვირება გადააფიქრებინა. მათი უმეტესობა აღიარებს, რომ ჯერჯერობით საფასო პოლიტიკას არ შეცვლიან, რა თქმა უნდა, კურსის სტაბილურად შენარჩუნების შემთხვევაში. ერთხელ უკვე გაძვირებული პროდუქტის გაიაფებას კი დიდი დრო დასჭირდება.

უახლოეს 15 წელიწადში თბილისის ისტორიულ უბნებში აიკრძალება მაღალსართულიანი მშენებლობები, კრიტიკულ სიტუაციაში იმოქმედებს წინასწარი გაფრთხილების, განგაშის სისტემა, რკინიგზა ქალაქის ცენტრიდან გარეუბანში გადავა და გამოთავისუფლებულ ტერიტორიაზე რეკრეაციული ზონები მოეწყობა - სწორედ ამ ყველაფრის ჩადებას გეგმავენ მიწათსარგებლობის გენერალურ გეგმაში კონკურსში გამარჯვებული კომპანიები, რომლებმაც მისი შემუშავება 18 თვეში უნდა მოასწრონ.

"თუ ვარშავის სამიტზე საქართველოსთვის სასიკეთო გადაწყვეტილებებს არ მიიღებენ, არის საშიშროება, რომ პარლამენტში პრორუსული ძალები მოვიდნენ", - შიში ამის შესახებ საქართველოს თავდაცვის მინისტრმა თინა ხიდაშელმა ბიბისი-სთან ინტერვიუში გამოთქვა და იქვე იმ იმედგაცრუებაზეც ისაუბრა, რაც, მისი აზრით, ქართველ ხალხში ნატო-სა და ევროკავშირის მიმართ არსებობს.

თბილისში კომპიუტერული მონაცემების უნებართვო შეცვლისა და თაღლითობის ფაქტზე 43 პირი დააკავეს.