უახლოეს დღეებში დედაქალაქის მერიაში მრჩეველთა საბჭოს სხდომა გაიმართება, სადაც საბჭოს წევრები მერის წინაშე ყველა იმ პრობლემურ საკითხს დააყენებენ, რომლის გადაწყვეტაც უახლოესი მომავალის საქმეა - განაცხადა მერიის მრჩეველთა საბჭოს თავმჯდომარემ, მწერალმა რევაზ მიშველაძემ, რომელსაც "მთელი კვირა" საბჭოს საქმიანობაზე და სამომავლო გეგმებზე ესაუბრა.

ყოფილი მუსიკალური სკოლა, რომელსაც წლების განმავლობაში არაერთი ფუნქცია მოუძებნეს, ბოლოს კი გაყიდეს და დაანგრიეს, იტალიური ტიპის ეზოს სხვა საცხოვრებელი კორპუსის, მიმდებარე ტროტუარის დაზიანებისა და მოსახლეობის უკმაყოფილების მიზეზი გახდა.

თბილისში, მონტინისა და 9 ძმის ქუჩებს შორის არსებულ შესახვევში მცხოვრები მოსახლეობა "მთელ კვირასთან" ქუჩაზე გზის საფარის დაზიანების შესახებ საუბრობს და აღნიშნავს, რომ უკვე დაახლოებით რამდენიმე თვე იქნება, რაც გზა ამ მდგომარეობაშია.

ღამის საათებში გართულებული მოძრაობა დედაქალაქში - პრობლემა, რომელიც მოსახლეობის დიდ ნაწილს აწუხებს. როგორც "მთელ კვირასთან" საუბრისას დედაქალაქის მცხოვრებლები აღნიშნავენ, საღამოს 11 საათის შემდეგ ფაქტობრივად გადაადგილების პრობლემა იქმნება ქალაქში, რადგან სამარშრუტო მიკროავტობუსები, რომლითაც მოსახლეობის უმეტესი ნაწილი სარგებლობს, ამ დროს უკვე აღარ მოძრაობს და ძირითადად ტაქსებით უწევთ გადაადგილება.

ჩეჩნეთის დედაქალაქ გროზნოში ბორის ნემცოვის მკვლელობაში სავარაუდო ეჭვმიტანილი მისივე ნასროლმა ხელყუმბარამ იმსხვერპლა - ამის შესახებ ინფორმაციას "ინტერფაქსი" ავრცელებს. მათი ცნობით, გუშინ გროზნოში, ლევ იაშინის ქუჩაზე სავარაუდო ეჭვმიტანილის ბინას პოლიციამ ალყა შემოარტყა და დანებება მოსთხოვა. იგი სამართალდამცავებს არ ჩაბარდა და საპასუხოდ პოლიციის მისამართით ხელყუმბარა ისროლა. თუმცა, ყუმბარის ნამსხვრევებისგან სასიკვდილო ჭრილობები თავად მიიღო და ადგილზე გარდაიცვალა. პოლიციის თანამშრომლები ინციდენტის შედეგად არ დაშავებულან.

ბილბაოში, "სან მამესზე", "ატლეტიკმა" პრიმერადივიზიონის გამორჩეული სიურპრიზი შესთავაზა გულშემატკივარს - ბასკი ქომაგის გულმხურვალე მხარდაჭერის ფონზე ერნესტო ვალვერდეს გუნდმა 26-ე წუთზე გატანილი ერთადერთი გოლით დაამარცხა მსოფლიო გრანდი მადრიდის "რეალი" 1:0.

უკრაინაში საბრძოლო მოქმედებები შეჩერებულია. მხარეები მეტ-ნაკლებად იცავენ სამშვიდობო შეთანხმებას და უკრაინის სამთავრობო ჯარების მხარდამხარ მებრძოლ ქართველთა ნაწილი სამშობლოში დაბრუნდა. თუმცა, ომის განახლების შემთხვევაში, ისინი კვლავ გეგმავენ უკრაინაში ჩასვლას.

სამი დღის წინ საფრანგეთის პრეზიდენტმა ფრანსუა ოლანდმა განაცხადა, რომ ნატო-ში გაწევრიანების მსურველებს ამ ეტაპზე უარი უნდა ეთქვათ, გუშინ კი საქართველოსათვის ასევე საეჭვო გახდა მაისში, რიგის სამიტზე ევროკავშირთან უვიზო მიმოსვლაზე შეთავაზების მიღებაც.

დედაქალაქის მერს შესაძლოა მალე საკრებულოში მისვლა და დეპუტატების კითხვებზე პასუხის გაცემა მოუწიოს. უმცირესობა ამისათვის ხელმოწერებს აგროვებს. დამოუკიდებელი დეპუტატის, ალეკო ელისაშვილის ინიციატივას "გაერთიანებული დემოკრატები" და "ნაციონალური მოძრაობა" უკვე შეუერთდნენ. გადამწყვეტი სიტყვა "თავისუფალ დემოკრატებს" ეკუთვნით და თუ არსებულ 10 ხელმოწერას მათი ოთხიც შეემატება, ნარმანია იძულებული გახდება საკრებულოში რიგგარეშე სხდომაზე მივიდეს.

მარტოხელა დედები, ოჯახში ძალადობის მსხვერპლი ქალები, პოლიტიკურ საქმიანობაში ჩართული ქალების მცირე რაოდენობა, განათლების დაბალი დონე ქალებში - ეს ის პრობლემებია, რაზეც ქალთა უფლებებზე მომუშავე არასამთავრობო ორგანიზაციების წარმომადგენლები საუბრობენ.

"გოგორიშვილს არ ესმის საკითხი, ან შეგნებულად იტყუება. ვის ბალანსზეც უნდა იყოს პარლამენტის შენობა, ის ქვეყანას მძიმე ტვირთად აწევს. მაინტერესებს, ბიუჯეტისთვის და ქვეყნისთვის არ არის ტვირთი საწვავავის ამხელა ხარჯი, ბინის ქირა. აღარაფერს ვამბობ სიარულზე და დახარჯულ დროზე, ან თუნდაც ორმაგი ინვენტარი და ა.შ. ბიუჯეტისთვის ზედმეტი ხარჯი არ არის?!" - ამბობს "რეზონანსთან" საუბრისას საპარლამენტო უმრავლესობის ერთ-ერთი ლიდერი, ადამიანის უფლებათა დაცვის კომიტეტის თავმჯდომარე ეკა ბესელია.

"რაიმე გაუგებრობა რომ არ ყოფილიყო, ბესელიას იქვე ვუთხარი, რომ თუ პარლამენტი რომელიმე შენობასთან დაკავშირებით რაიმე ეკონომიური შეღავათის გაკეთებას აპირებს, ეს შეიძლება იყოს მხოლოდ პარლამენტის თბილისის შენობა. ხელისუფლებამ ორი წლის განმავლობაში ქუთაისის პარლამენტის შენობის პარლამენტის ბიუჯეტის ბალანსზე გადატანა ვერ მოახერხა, შესაბამისად, მასზე რაიმე შეღავათის კეთება აბსოლუტურად არაფერს ნიშნავს.