უკრაინაში ყოფილი ქართველი მაღალჩინოსნების დასაქმება გრძელდება. ახლახან ცნობილი გახდა, რომ "ნაციონალური მოძრაობის" ერთ-ერთი ლიდერი გიორგი ბარამიძე უკრაინის რეფორმების საერთაშორისო ცენტრის წამყვანი ექსპერტი გახდა.

თბილისის აეროპორტში ბოლო ერთ თვეში გაძვირებულ და გართულებულ პარკინგს, რასაც ბევრი მგზავრი უჩივის, თბილისის საკრებულოს დეპუტატმა შალვა ოგბაიძემ ფეისბუკზე საკმაოდ მწვავე პოსტი მიუძღვნა.

ქვეყანაში მიმდინარე პოლიტიკურ ვითარებაზე და იმაზე, თუ რა მდგომარეობაა ქართულ პოლიტიკურ "ინფრასტრუქტურაში", "რეზონანსი" გია ხუხაშვილს ესაუბრა.

დავით საგანელიძემ წასვლა გადაიფიქრა და კოალიციის წევრების ნაწილს ერთგვარი ნიშნის მოგებითაც კი განუცხადა, რომ "ზოგიერთებს იმედი უნდა გაუცრუოს" და არჩევნებამდე არსად წასვლას არ აპირებს.

კინემატოგრაფისტების ბრალდებას, თითქოს კინოცენტრი კინოსტუდია "ქართული ფილმის" მიერთებას გეგმავს, კატეგორიულად უარყოფს ეროვნული კინოცენტრის დირექტორი ნანა ჯანელიძე და აღნიშნავს, რომ ამის შესახებ საუბარი არც ერთ უწყებაში არ ყოფილა. ამბობს, რომ ასეთი მოსაზრება მთლიანად არღვევს კანონს კინოს შესახებ, შესაბამისად, არც არავის გასჩენია.

სახელმწიფო ენის ნორმების დარღვევისთვის ადმინისტრაციული ჯარიმები გათვალისწინებული აღარ არის. ეს გადაწყვეტილება განათლებისა და მეცნიერების კომიტეტის სხდომაზე მიიღეს, სადაც კანონპროექტი პირველი მოსმენით გავიდა. კანონპროექტის ავტორებმა და კომიტეტმა ეს გადაწყვეტილება გამოთქმული შენიშვნების საფუძველზე გაიზიარეს. ახლანდელი რედაქციით, სახელმწიფო ენის დეპარტამენტი უფლებამოსილი იქნება, სახელმწიფო ორგანოებს მხოლოდ სათანადო რეკომენდაციებით მიმართოს.

"ნაციონალური მოძრაობის" მიერ 21 მარტს დაგეგმილ აქციაზე მისვლას ჯერ-ჯერობით მხოლოდ არასამთავრობო ორგანიზაცია "თავისუფალი ზონა" აპირებს. სხვა ორგანიზაციები სურვილს არ გამოთქვამენ. საპარლამენტო და არასაპარლამენტო ოპოზიციაში კი ამას კატეგორიულად გამორიცხავენ და ამბობენ, რომ "თავმოყვარე პოლიტიკოსი" "ნაცმოძრაობას" გვერდით არ დაუდგება".

მკვეთრი ვარდნის შემდეგ ეროვნული ვალუტა უკვე რამდენიმე დღეა მყარდება. გუშინ სავალუტო ჯიხურებში ერთი დოლარის ღირებულება 2,09-2,11 ლარის ფარგლებში მერყეობდა. სპეციალისტები კურსის გამყარებას აჟიოტაჟის ჩაცხრობას უკავშირებენ, რამდენიმედღიან ვარდნას კი ეროვნული ბანკისა და მთავრობის დაგვიანებულ და არასათანადო რეაქციას მიაწერენ.

"ყაზტრანსგაზს" გაზის გაძვირება გადააფიქრებინეს. "სოკარში" კი განაცხადეს, რომ ტარიფის გაზრდას ისედაც არ აპირებდნენ. დარჩა ერთი პასუხგაუცემელი კითხვა - თუკი ლარის დევალვაციითა და არსებული ტარიფით გაზგამანაწილებელი კომპანიები ზარალობენ, როგორ ანაზღაურდება მათი ზარალი. "რეზონანსის" ინფორმაციით, მთავრობამ "ყაზტრანსგაზ-თბილისს" ორი საკითხის მოგვარება შესთავაზა.

ეროვნული ვალუტის გაუფასურების გამო, თბოსადგურების მფლობელები სემეკს ტარიფის გაზრდის მოთხოვნით მიმართავენ. სემეკში კი ირწმუნებიან, რომ თბოსადგურების მიერ გამომუშავებული ელექტროენერგიის ტარიფის შესაძლო გაზრდა სამომხმარებლო ტარიფზე გავლენას არ მოახდენს.

ფიფას ოფიციალური გვედისთვის მიცემულ ინტერვიუში ტონი კროოსი "რეალში" მის ადაპტაციასა და ჩემპიონთა ლიგის მომავალ თამაშზე საუბრობს. გერმანელი ფეხბურთელის თქმით, კარლოს ანჩელოტი იყო მიზეზი, რის გამოც ის "რეალში" გადავიდა. კროოსის განცხადებით, მისი ყოფილი გუნდი "ბაიერნი" "სამეფო კლუბისგან" დიდად არ განსხვავდება.

გასულ წლებთან შედარებით, გრიპისა და მსგავსი ვირუსების შემთხვევები წელს შემცირებულია თუმცა მიმდინარე სეზონზე, თებერვლის თვეში, ოდნავი მატება შეინიშებოდა.