მსოფლიოში კორონავირუსის პანდემიის გამოცხადების ფონზე, შესაძლოა წელს რამდენიმე მასშტაბური სპორტული შეჯიბრი აღარ ჩატარდეს, მათ შორის ევროპის ჩემპიონატი ფეხბურთში, რომელსაც ერთდროულად 12 ქვეყანაში უნდა გაიმართოს და ზაფხულის ოლიმპიადა ტოკიოში. ამის შესახებ ბრიტანული „ბი-ბი-სი" წერს. მათი ცნობით, საკმაოდ სერიოზულად განიხილება ამ ტურნირების ფორმატის შეცვლა, ან მათი ერთი წლით გადადება.

უკრაინის უმაღლესი რადას თავმჯდომარის დმიტრი რაზუმკოვის თქმით, 17 მარტიდან უკრაინა საერთაშორისო სამგზავრო ავიამიმოსვლას კორონავირუსის საფრთხის გამო მთლიანად წყვეტს. ამის შესახებ მან ერთ-ერთი უკრაინული ტელეარხის ეთერში განაცხადა. ეს გადაწყვეტილება გარკვეული თვალსაზრისით საქართველოზეც აისახება, რადგანაც საქართველოდან საერთაშორისო რეისების მნიშნელოვანი ნაწილი სწორეს კიევის აეროპორტის გავლით ხორციელდება.

„ევროპული საქართველოს" ერთ-ერთმა ლიდერმა, მსჯავრდებულმა გიგი უგულავამ პრეზიდენტს გათავისუფლების შუამდგომლობით მიმართა. საპარლამენტო უმრავლესობის წევრი ნუკრი ქანთარია „რეზონანსთან" საუბრისას აღნიშნავს, რომ ოპოზიციის წარმომადგენლების მოთხოვნის ფონზე, რომლებიც ამბობენ, რომ ხელისუფლებამ პოლიტპატიმრები უნდა გამოუშვას, პრეზიდენტის მხრიდან რამდენად მისაღებია უგულავას შეწყალება, თავად სალომე ზურაბიშვილმა უნდა გადაწყვიტოს.

ახალი კორონავირუსისგან გამოჯანმრთელებულთა რაოდენობა ყოველდღიურად მატულობს, თუმცა ვირუსის დამარცხების შემდეგ გამოჯანმრთელებულებს ახალი პრობლემები ექმნებათ. ასეთი შედეგი აჩვენა ჰონკონგში კორონავირუსისაგან უკვე გამოჯანმრთელებული მოქალაქეების გამოკვლევამ. ამ შედეგების თანახმად, ყველა გამოჯანმრთელებულს მკვეთრად გაუარესებული აქვს ფილტვების მდგომარეობა და მის სრულ აღდგენას რამდენიმე წელი დასჭირდება. ზოგ შემთხვევაში ფილტვების ფუნქცია 20-30%-ითაა შემცირებული.

ჩინეთის Sun Yat-sen უნივერსიტეტის სპეციალისტებმა შეისწავლეს კორონავირუსი და მივიდნენ  იმ დასკვნამდე, რომ მისი გავრცელებისთვის ყველაზე ოპტიმალურია  35-50% ტენინაობა და ტემპერატურა 5-დან 8.72 გრადუსი ცელსიუსით. მეცნიერები ამ დასკვნამდე 24 ათასი დადასტურებული შემთხვევის ანალიზის საფუძველზე მვიდნენ. 

3 თვის საშეღავათო პერიოდი ყველა მსესხებლებისათვის - ასეთია 4 ყველაზე დიდი კომერციული ბანკის გადაწყვეტილება. კორონავირუსის გამო შექმნილ კრიზისულ ვითარებას საფინანსო სექტორმა ფიზიკური და იურიდიული პირების ნაწილისათვის საკრედიტო შეღავათბით უპასუხა. პრემიერის მოწოდების შემდეგ, კომერციულმა ბანკებმა ერთმანეთის მიყოლებით გაავრცელეს განხადებები, რომ მოხდება სესხების რესტრუქტურიზაცია. ზოგიერთ შემთხვევებში ეს მცირე და საშუალო ბიზნესს შეეხება, ნაწილის მხოლოდ ფიზიკურ პირებს.

თვითიზოლაციის რეჟიმის დარღვევის გამო შსს-მ კარანტინში იძულებით კიდევ 9 ადამიანი გადაიყვანა. უწყებამ დაავადებათა კონტროლის ეროვნულ ცენტრთან ერთად, კორონავირუსის გავრცელების პრევენციის მიზნით, თვითიზოლაციაში მყოფი მოქალაქეების მონიტორინგს ქვეყნის მასშტაბით აქტიურად აგრძელებს. ამის შესახებ ინფორმაცია სამინისტრომ გაავრცელა.

„არჩევნების შედეგების ლეგიტიმაცია ისევე სჭირდება ოპოზიციას, როგორც ხელისუფლებას, ამიტომ, ოპოზიციას ბევრი აქვს სამუშაო და თუ გაითვალისწინებენ იმას, რომ ბოიკოტი და კანცელარიასთან მისვლა არ არის საკმარისი შედეგის მისაღწევად, კარგი იქნება; რაც შეეხება ხელისუფლებას, მიუხედავად ამ 3-თვიანი შტურმისა, ელექტორატის დიდი ნაწილი თვლის, რომ "ქართულ ოცნებაზეა" ხმა მისაცემი" - ასე ეხმაურება პოლიტოლოგი ვახტანგ ძაბირაძე შეთანხმების შემდეგ ხელისუფლებისა და ოპოზიციის შანსებს არჩევნებში.

ანკარამ სირიის პროვინცია იდლიბიდან სამხედრო ტექნიკის გაყვანაზე უარი თქვა -ამის შესახებ საინფორმაციო სააგენტო „ანადოლუ" თურქეთის თავდაცვის სამინისტროს წყაროზე დაყრდნობით ტვიტერზე წერს.

"ოპოზიციას აქვს საფუძველი, რომ არ ენდოს ხელისუფლებას, რადგან ჯერ გამოაცხადა პროპორციული არჩევნები, შემდეგ ჩაიდინა უაზრობა და გადაათამაშა. როცა ასეთი პოლიტიკურად მოაზროვნე ადამიანები არიან სახელისუფლებო პარტიაში, აქ ყველა მოულოდნელობას უნდა ელოდოს ადამიანი" - ასე ეხმაურება ექსპერტი და ანალიტიკოსი დემურ გიორხელიძე ოპოზიციის განცხადებას, რომ არ აპირებენ სრულფასოვანი მონაწილეობა მიიღონ პოლიტიკურ პროცესებში, სანამ არ დაინახავენ შეუქცევად ნაბიჯებს შეთანხმების შესასრულებლად.

რამდენიმე დღეა ჯანდაცვის მსოფლიო ორგანიზაციამ კორონავირუსის ეპიდემია პანდემიად გამოაცხადა, რომელიც საფრთხეს დედამიწაზე არსებულ ყველა ქვეყანას უქადის, ზოგიერთ ქვეყანაში ეპიდემია დიდი სისწრაფით ვითარდება, მათ შორის ევროპის განვითარებულ ქვეყნებში ხდება. ამ მხრივ იტალია ლიდერობს, სადაც COVID-19-ით ინფიცირების მასშტაბმა კატასტროფულ მაჩვენებელს მიაღწია - ამ დროისათვის ინფიცირებულთა რაოდენობა 15 ათასზე მეტია, ხოლო 1000-ზე მეტი გარდაცვლილია.

კორონა ვირუსიის გამო სეპარატისტულმა მთავრობებმა ყველა გადასასვლელი ჩაკეტეს, მათ შორის ქრონიკული დაავადების მქონე მოქალაქეებისთვისაც. ორივე საოკუპაციო რეჟიმი დაავადების გავრცელების შესახებ ინფორმაციას ბლოკავს, ამიტომ ამ დროისათვის რეალურად რა ვითარებაა ადგილზე, უცნობია. იქ არსებულ სიტუაციაზე მედიას მხოლოდ მოსახლეობის მიერ მიწოდებული ინფორმაციის გაშუქება შეუძლია, თუმცა ესეც იმ შემთხვევაში, თუ კი რომელიმე ე.წ. ხელისუფლების შიშს დაძლევს და ამაზე ანონიმურობის დაცვის პირობით ისაუბრებს.