ქობულეთში, რუსთაველის ქუჩაზე ახალგაზრდა მამაკაცი სასიკვდილოდ დაჭრეს. თვითმხილველები „რეზონანსთან“  ყვებიან, რომ სროლას წინ  შელაპარაკება უძღოდა. 28 წლის გიორგი ჯაბნიძეს ცეცხლსასროლი იარაღით ჭრილობები მუცელში ჰქონდა მიყენებული, ის ადგილობრივ კლინიკაში ოპერაციისას გარდაიცვალა და მისი გადარჩენა ვერ შეძლეს. 

კორონავირუსთან დაკავშირებით მედიკოსების მსგავსად ასტროლოგებიც დამაიმედებელ პროგნოზს აკეთებენ - ისინი მიიჩნევენ, რომ ასტროლოგიური თვალსაზრისით, საქართველოში ეპიდემიის პიკი უკვე გადავლილია და ვირუსის მასობრივი გავრცელება არ იქნება.

როგორც კი საქართველოში კორონავირუსის შემთხვევა დაფიქსირდა საზოგადოება პანიკამ მოიცვა და თბილისში მაღაზიები ადამიანთა რიგებით იყო გადატვირთული. სოციალურ ქსელში უწყვეტად ვრცელდებოდა ფოტოები, სადაც ადამიანები საკვებს იმარაგებდნენ. არის თუ არა რეალურად საკვების დეფიციტის პრობლემა? სპეციალისტები ამბობენ, რომ საქართველო არ იქნება იმ ქვეყნებს შორის, სადაც შესაძლოა, საკვების მარაგი ამოიწუროს.

საოკუპაციო ხაზიდან საქართველოს მოქალაქის გატაცების კიდევ ერთი ფაქტი - გორის მუნიციპალიტეტიდან  ოკუპანტებმა  სოფელ აძვის მკვიდრი ელდარ გუნდიშვილი გაიტაცეს. 

საარჩევნო სისტემასთან დაკავშირებით, ხელისუფლებასა და ოპოზიციას შორის დიალოგი, დიდი ალბათობით აღდგება. ანალიტიკოსთა გარკვეული ნაწილის შეფასებით, შეთანხმების მიღწევა შესაძლებელი და სასურველიც კია. 27 თებერვალს ევროკავშირის საელჩოს ორგანიზებით მმართველი გუნდისა და ოპოზიციის წარმომადგენლებს შორის შეხვედრა საქართველოში ევროკავშირის ელჩის კარლ ჰარცელის რეზიდენციაში გაიმართა.

ათონის მთას, რომელსაც მართლმადიდებლური სამყაროს გულს უწოდებენ, მრავალი ეკლესია-მონატსრითა და სასწაულმოქმედი ხატით არის განთქმული. მათ შორის ერთ-ერთი გამორჩეულია - დოქიარის მონასტერში დავანებული ღვთისმშობლის "მსწრაფლშემსმენელი" ხატი. ამ სასწაულმოქმედი ხატის ასლი საქართველოში ათონის მთიდან ჩამოაბრძანეს და დღეს ყოვლადწმინდა სამების ტაძარშია დაბრძანებული.

კორონავირუსის დადასტურებულმა შემთხვევამ, მთელი ქვეყნის მასშტაბით პანიკა დათესა, იმის გამო, რომ ვირუსის საწინაღმდეგო მედიკამენტი ჯერ შემუშავებული არაა და თავდაცვის ერთ-ერთ საშუალებად სამედიცინო პირბადე ითვლება, აფთიაქებში მათი დეფიცითი შეიქმნა, ზოგიერთ მათგანში კი მარაგი საერთოდ ამოწურულია.

26 თებერვალს საქართველოში ახალი კორონავირუსის პირველი შემთხვევის დადასტურების შემდეგ, ღამით აფთიაქებიდან პირბადეები, ხოლო სუპერმარკეტებიდან პროდუქტები გაქრა. დედაქალაქში სრულმა პანიკამ დაისადგურა, თუმცა სპეციალისტები ამბობენ, რომ პანიკის საფუძველი არ არსებობს. მეტიც, ეს ვირუსი იმდენად საშიში არაა, რამდენადაც პანიკა, რომელშიც საზოგადოება შეიძლება ჩავარდეს. ამის მიუხედავად, ქუჩაში საზოგადოების დიდი ნაწილი დღეს უკვე პირბადით დადის, აფთიაქები კი პირბადის დეფიციტს განიცდის.

კორონავისურის ახალი ინფექცია (COVID-19) მთელს მსოფლიოს ემუქრება და კაცობრიობა საერთო საფრთხის წინაშე დგას - ჩინეთი ამ ბრძოლის ფრონტის წინა ხაზეე დგას და გმირულ ზომებს ახორციელებს, რომ დაიცვას არამარტო საკუთარი ხალხი, არამედ კაცობრიობა. ჩინეთი გრძნობს პასუხისმგებლობას არამარტო საკუთარ უსაფრთხოებაზე, არამედ პლანეტის სხვა ხალხების უსაფრთხოებაზეც.

ეროვნული ბანკის დაპირება, რომ რეგულაციებს შეარბილებს, ვერ სრულდება. საქმე ისე მიდის, რომ პირველი მარტიდან შესაძლოა, საბანკო რეგულაციები აღარ გამარტივდეს. სპეციალისტები ამბობენ, რომ გაზაფხულიდან ფიზიკური პირების დაკრედიტების წესში დაგეგმილი ცვლილებები მარტიდან ვეღარ ამოქმედდება და მომდევნო თვეებზე გადაინაცვლებს. ჯერჯერობით უცნობია, კონკრეტული თარიღი, როდის მოხდება რეგულაციების შერბილება.

ჩინეთისა და ირანის შემდეგ, კორონავირუსმა ევროპაშიც შეაღწია და იტალიას მოედო. მომაკვდინებელი ვირუსის გავრცელების რისკი საქართველოშიც მატულობს. მით უმეტეს, რომ იტალიასთან მიმოსვლა აქტიურია და ერთ-ერთია იმ ქვეყნებს შორის, რომლებსაც ქართველები ყველაზე მეტად სტუმრობენ. მიუხედავად ამისა, მთავრობა იტალიასთან საზღვრის ჩაკეტვას ჯერჯერობით არ აპირებს. ამის აუცილებლობას ვერც სპეციალისტები ხედავენ და ამბობენ, რომ ავიამიმოვლა იმ შემთხვევაში უნდა შეჩერდეს, თუ იტალიაში ეპიდემიოლოგიური ვითარება შეიქმნება.

დაუდგენელმა პირებმა გურჯაანის საავადმყოფო დაცხრილეს. კლინიკის  თანამშრომლების ინფორმაციით,  ცეცხლსასროლი იარაღიდან იმ პალატის მიმართულებით ისროლეს, სადაც ციხიდან რამდენიმე თვის წინ გამოსული მალხაზ ბადუაშვილი იყო მოთავსებული. ბადუაშვილი წარსულში მკვლელობისთვის არის ნასამართლევი და მან მსჯავრი თანასოფლელის განზრახ მკვლელობისთვის მოიხადა.