საკონსტიტუციო ცვლილებებზე ვენეციის კომისიის შუალედური დასკვნა უკვე ცნობილია. თუმცა, პირველად ის მხოლოდ "ქართული ოცნებისთვის" გახდა ხელმისაწვდომი და გუშინვე, საღამოს 8 საათზე პარლამენტის თავმჯდომარემ სპეციალურ ბრიფინგზე განაცხადა, რომ დასკვნაში საკონსტიტუციო რეფორმის პროცესი უაღრესად დადებითად და წინ გადადგმულ ნაბიჯად არის შეფასებული.

ევროკავშირში საქართველოსთვის უვიზო რეჟიმის ამოქმედებიან თითქმის ნახევარი წელი გავიდა. 18 სექტემბრის მონაცემებით, უვიზო მიმოსვლით საქართველოს 86 500-მა მოქალაქემ ისარგებმა, თუმცა მათგან 236 საზღვარზე არ შეუშვეს და უკან გამოაბრუნეს.

"ოპოზიციის ძირითადი მინუსი არის სისუსტე და დაბალი რეიტინგი. მათ მოსახლეობაში არ აქვს საყდენი, რის გამოც ვერც ხელისუფლებაზე ახდენენ ზეწოლას", - აცხადებს პოლიტოლოგი რამაზ საყვარელიძე "რეზონანსთან" საუბრისას.

ქირურგიის ეროვნული ცენტრის ექიმს უხეშობასა და უყურადღებობაში ადანაშაულებენ. საქმე ეხება დიალიზის განყოფილების მესამე ცვლის პაციენტს, რომელიც ამბობს, რომ მომხდზე ნერვიულობამ ახლა ჯანმრთელობის სხვა პრობლემები შეუქმნა. თავად ქირურგიის ცენტრში კი აცხადებენ, რომ ბრალდება უსაფუძვლოა და მანამდე არათუ პრეტენზიით, შენიშვნითაც არავის მიუმართავს მათთვის.

თუკი ბოლო დროს, პიკის საათებში ქალაქის ქუჩებში გაგივლიათ, გეცოდინებათ რას ნიშნავს უძრაობა დაუსრულებელ საცობში. სექტემბრის დადგომისთანავე ეს განსაკუთრებით თვალშისაცცემი გახდა. ზაფხულის სიხალვათის შემდეგ, შემოდგომიდან დედაქალაქი ერთიორად გაუვალი აღმოჩნდა.

ავიაბილეთები, შესაძლოა, კიდევ გაძვირდეს. გაზრდილ მოთხოვნასთან ერთად, ამის წინაპირობა ამჯერად საწვავის მაღალი ფასია, 1 ტონა ავიანავთის ღირებულება 600 დოლარის ფარგლებშია, ამიტომ იგი ბილეთების ფასის ფორმირებაზე გავლენას მოახდენს. ავიასაწვავის გაძვირების შემდეგ ბილეთებზე ფასის ზრდას ადასტურებენ ტურისტული კომპანიის წარმომადგენლები და ავიაციის სფეროს სპეციალისტებიც. ბოლო პერიოდში მგზავრობის ღირებულებაზე მნიშვნელოვანი გავლენა მოახდინა ვიზალიბერალიზაციის შემდგომმა პერიოდმაც, რის შემდეგაც ბილეთებზე მოთხოვნა საგრძნობლად გაიზარდა.

სემეკის გუშინდელმა გადაწყვეტილებამ ხალხსაც და სპეციალისტებსაც პოზიტიური განწყობა შეუქმნა. გამორიცხული არ არის, ელექტროენერგიის ამჟამინდელი ტარიფის შენარჩუნდეს. ყველა კომპონენტი მოწმობს, რომ დენი არ უნდა გაძვირდეს. ამის ერთ-ერთი წინაპირობა თბოლექტროდადგურებისთვის ელექტროენერგიის წარმოების ტარიფის შემცირებაა, რომლის თაობაზეც გადაწყვეტილება სემეკმა გუშინ მიიღო.

იმპერიული ამბიციები ვერ იტანს დამოუკიდებლობისათვის მებრძოლთა თავგანწირვას, იმპერიას თავისი ლოგიკა აქვს, რაც შეუვალი და ულმობელია. მისთვის არ არსებობს სენტიმენტები, უცხოა გულჩვილობა და რომანტიზმი. ის მხოლოდ ძალის პოლიტიკას ცნობს, რომელიც ხშირად სხვადასხვა იდეოლოგიური საბურველითაა შეფუთული.

როგორც ისტორიკოსები ამბობენ, ქართულ ენაზე ამდენი ხელნაწერი არცერთ სხვა ნაწარომებზე არ მოიპოვება, როგორც "ვეფხისტყაოსანზე" და თითოეულ ამ ხენაწერს თავისი ისტორია აქვს. დღეისათვის ჩვენამდე მოღწეულია "ვეფხისტყაოსნის" 164 ხელნაწერი, მათგან 110-მდე დაცულია ხელნაწერთა ეროვნულ ცენტრში. დანარჩენი ნუსხები დაცულია საქართველოს და საზღვარგარეთის სხვადასხვა სიძველეთსაცავებში - ოქსფორდის უნივერსიტეტის ბოდლეს ბიბლიოთეკაში, პარიზში საფრანგეთის ნაციონალურ ბიბლიოთეკაში, ასევე სანკტ-პეტერებურგში.

ლარის კურსი ყოველდღიურად ცოცვა-ცოცვით უფასურდება. ზამთრის მოახლოებამ ხალხსაც და ბიზნესმენებსაც ვალუტის სტაბილურობის ილუზია გაუქარწყლა. გაუფასურების გამო, სამომხმარებლო ბაზარი უკვე ფასების ზრდის საფრთხის წინაშეა. იმპორტიორები მიიჩნევენ, რომ თუ ლარი 2.50-იან ნიშნულს გადასცდა, გაძვირებისა და ინფლაციის მორიგი ტალღა გარდაუვალი იქნება.

დე ფაქტო სამხრეთ ოსეთის ხელმძღვანელობამ ევროპარლამენტში საკუთარი ინტერესების დამცველი წარმოადგინა. ე.წ. პარლამენტის პრეზიდიუმის დადგენილების თანახმად, აღნიშნულ ფუნქციას იტალიელი ჟურნალისტი და საზოგადო მოღვაწე, ევროპარლამენტის ექს-დეპუტატი ჯულიეტო კიეზა შეასრულებს. თუმცა კონფლიქტოლოგები აცხადებენ, რომ ის ვერ იქნება ოფიციალური წარმომადგენელი, რადგან არაღიარებული ქვეყნის კანდიდატი ევროპარლამენტის წევრი ვერ გახდება.

საქართველოში ლაზები იდევნებიან, - ეს პოზიცია აქვს საქართველოს საპატრიარქოს და უფრო მეტიც, საპატრიარქოს უნივერსიტეტის სამეთვალყურეო საბჭოს თავმჯდომარე გიორგი ანდრიაძე პრეზიდენტ მარგველაშვილს ღიად სდებს ბრალს, რომ მან ორმაგი მოქალაქეობა მიანიჭა საქართველოს ერთიანობის მტერ თურქეთის მოქალაქეს და ეს მაშინ, როდესაც 17 ლაზი, რომლებსაც საქართველო უყვართ, უარით გამოისტუმრა.