მოახლოებულ თვითმმართველობის არჩევნებზე ამომრჩეველი "ოცნების" სახელით მებრძოლ ყოფილ "ნაციონალებს" არაერთ რეგიონში იხილავს. ეს გარემოება თავად მმართველი პარტიის წევრთა ნაწილის უკმაყოფილებას იწვევს. საპარლამენტო უმრავლესობაში კი ირწმუნებიან, რომ აქცენტი ავტორიტეტსა და პროფესიონალიზმს შორის გააკეთეს და პარტიული ნიშნის გამო ვერავის დაჩაგრავდნენ.

თვის ბოლოს "ქართული ოცნება" საკონსტიტუციო ცვლილებებს მესამე მოსმენით და საბოლოოდ დაამტკიცებს. თუმცა, გუშინ პარლამენტის თავმჯდომარემ კონსტიტუციასთან დაკავშირებით ოპოზიციასთან დიალოგის განახლებაზე მზადყოფნა გამოაცხადა, პროცესის ჩიხში შეყვანაში კი ოპოზიცია დაადანაშაულა.

სესხებზე დამოკიდებული ადამიანების რიცხვი ქვეყანაში ყოვედღიურად მატულობს. უმეტესობა იმდენად არის კრედიტომანიით დაავადებული, რომ მისი "განკურნება" ვერ ხერხდება. საბანკო სფეროს სპეციალისტებს მიაჩნიათ, რომ თავისუფალი საბაზრო ეკონომიკის პირობებში არც ერთი ტიპის სესხზე შეზღუდვა არ უნდა დაწესდეს, თუმცა აუცილებელია, განისაზღვროს მსესხებლის ასაკი.

ქართული საზოგადოების რაღაც ნაწილის "მაიმუნებად" შემკობა "ქართული ოცნების" მაღალჩინოსანთა ლექსიკაში ლამის ნორმად ყალიბდება. ერთი წლის წინ იყო დავით ნარმანიას შეძახილი გარემოსდამცველების მისამართით - "ვირიშვილო მაიმუნო", ამჯერად განათლების მინისტრმა გამოიყენა. ალექსანდრე ჯეჯელავამ აბიტურიენტთა ნაწილი "მაიმუნებად" მოიხსენია.

ახლო მომავალში ბავშვთა აცრები სავალდებულო გახდება. დაავადებათა კონტროლის ეროვნულ ცენტრში უკვე მუშაობენ შესაბამის კანონპროექტზე. გადასაწყვეტი რჩება ერთი მნიშვნელოვანი საკითხი - რა სანქციები უნდა დაეკისროთ მშობლებს, რომლებიც საკუთარი შვილების აცრაზე უარს ამბობენ.

ბიზნესმენისა და "ქართული ოცნების" ხაშურის ყოფილი მაჟორიტარი დეპუტატის, ვალერი გელაშვილის თქმით, პარლამენტის ყოფილ თავმჯდომარე ნინო ბურჯანაძეს მის ცემასთან მიხელ სააკაშვილი არასდროს გაუმართლებია. მისი თქმით, სასამართლოსთვის მიცემულ ჩვენებაში ბურჯანაძე მომხდარს რეალურად იხსენებს და ყველაფერს სიმართლეს ამბობს.

ბოლო 4 წლის განმავლობაში ქვეყანაში ფასების ინდექსი 16%-ით გაიზარდა. ეს არის ოფიციალური სტატისტიკა, რეალურად კი უბრალო მოქალაქეებისათვის ცხოვრება გაცილებით მეტად გაძვირდა. განსაკუთრებით შესამჩნევია საკვებ პროფუქტებსა და პირველადი მოხმარების საქონელზე ფასების მატება. სპეციალისტების აზრით, ბოლო წლების ინფლაცია არც ისე მაღალია შედარებით მაღალი ფენისთვის, თუმცა მან დიდი დარტყმა მიაყენა გაჭირვებულ მოსახლეობას.

საქართველოს მესამე პრეზიდენტი და ოდესის ყოფილი გუბერნატორი მიხეილ სააკაშვილი უკრაინაში ხელისუფლების შეცვლას გეგმავს. როგორც ის აცხადებს, მას აქვს ორი ძირითადი ვარიანტი, რომლებითაც "უკრაინის შეცვლას" 70 დღეში აპირებს.

დასავლეთ საქართველოში წლევანდელი მოსავლის ნახევარზე მეტი განადგურებულია. სამეგრელოში ამბობენ, რომ თხილის მოსავლის თითქმის 80% გაფუჭდა, სიმინდის შემთხვევაში კი 50-60%-ით ნაკლებ მოსავალს ელოდებიან. სასიკეთო მდგომარეობა არც ხილ-ბოსტანეულს აქვს. რამდენიმე რაიონში ხილი თითქმის აღარც არის. ცალკე უამინდობით, ცალკეც მავნებლების გავრცელების გამო აგრარულმა სექტორმა დიდი ზარალი განიცადა.

"მეორე ტური, ალბათ, მაინც იქნება, თუმცა არა იმიტომ, რომ ოპოზიციაში ძლიერი კანდიდატია, არამედ იმიტომ, რომ "ქართულ ოცნებას" არ ექნება ის მხარდაჭერა, რაც საჭიროა პირველ ტურში გამარჯვებისთვის. მეორე ტურში უკვე უკონკურენტო იქნება", - აღნიშნულ შეფასებას პოლიტოლოგი ვახტანგ ძაბირაძე "რეზონანსთან" ინტერვიუში თვითმმართველობის არჩევნებთან დაკავშირებით აკეთებს.

"ხაზგასმით ვამბობ - ჩვენს ხელისუფლებას მიხეილ სააკაშვილის ექსტრადირება არ აწყობს - ეს "ქართული ოცნებისთვის" პოლიტიკურად წამგებიანი იქნება. აქ ყოფნით ხელისუფლებას შესაძლოა, უფრო მეტი პრობლემა შეუქმნას", - ამბობს "რეზონანსთან" საუბრისას ანალიტიკოსი ზაალ ანჯაფარიძე.

აბსოლუტურად ყველა სავაჭრო ობიექტსა და სუპერმარკეტში მომხმარებელს წონაში ატყუებენ. თვითნებურად დაკალიბრებული ელექტროსასწორები 1 კგ-ში, საშუალოდ, 50-100 გრამს "იპარავს". აგრარული ბაზრების შემთხვევაში, ეს მაჩვენებელი 200 გრამსაც აღწევს. როგორც არასამთავრობო ორგანიზაცია "ეტიკის" კვლევამ აჩვენა, წონაში ნაკლებია დაფასოებული და ეტიკეტირებული პროდუქტი - უკლებლივ ყველა, რომელიც კომპანიის ან ინდივიდუალურად მეწარმის მიერ არის შეფუთული, იმპორტული პროდუქტის შემთხვევაში კი წონა ყოველთვის არის ზუსტი.